Enn styrkjast rökin gegn inngöngu í ESB

Framkvæmdastjórn ESB er farin að óttast að gjaldmilissamstarfið á Evrusvæðinu haldi til lengdar og Evran muni veikjast verulega í framtíðinni, vegna erfiðrar skuldastöðu margra ríkja innan ESB, sem nota Evruna.

Ísland er komin í hóp þeirra þjóða, sem glímir við hrikalega skuldastöðu og getur þakkað sínum sæla fyrir að hafa ekki Evruna, sem gjaldmiðil, heldur gömlu góðu krónuna.

Samkeppnisstaða Evrulandanna er svo mismunandi og ríkisbúskapurinn ólíkur, að Evran er gjörsamlega að keyra nokkur þeirra í kaf, svo sem Írland, Grikkland, Spán, Eystrasaltslöndin, sem binda gjaldmiðilinn við Evru og reyndar fleiri lönd.

Þetta er ekki félagsskapur, sem hentar íslensku hagkerfi og raunar ótrúlegt að heill stjórnmálaflokkur byggji tilveru sína á baráttu fyrir innlimun landsins í stórríki ESB.

Því var spáð hér á blogginu fyrir nokkuð löngu, að krónan myndi lifa Evruna, sem gjaldmiðill og þessar fréttir styðja þá spá enn frekar.

Óttast að evran hrynji

Dómstólar skera úr - ekki lagadeild Háskólans

Borgarahreyfingin hefur oft komið á óvart með skringilegu háttarlagi, en það sem hún hefur nú tekið upp á, slær líklega flestu öðru út í fáráðleika.

Borgarahreyfingin hefur sem sagt farið þess á leit við lagadeild Háskólans, að sérfræðingar hennar dæmi um, hvort ákæra á hendur ribböldum og ofbeldisseggjum vegna árásar á Alþingi, eigi rétt á sér.

Það verður að teljast með ólíkindum, að fólk sem sem býður lista fram í Alþingiskosningum, viti ekki hvernig ákærur ganga fyrir sig í kerfinu.  Þeim er vísað til dómstóla til yfirferðar og úrlausnar, en ekki til kennara og annarra starfsmanna Háskóla Íslands.  Þetta veit nánast hvert einasta barn á Íslandi og því vekur þetta uppátæki ekki aðeins furðu, heldur kátínu.

Borgarahreyfingin segir nánast, að um óvita börn hafi verið að ræða, sem hafi einungis verið að leika sér, án þess að gera sér nokkra grein fyrir því, hvað þau voru að gera og hafi með leik sínum alls ekki einu sinni ætlað að trufla störf Alþingis.

Nokkrir starfsmenn þingsins slösuðust í átökunum, sem þessum barnaleik fylgdi, og a.m.k. tveir lögregluþjónar voru bitnir, sem sýnir að vísu þroskastig óeirðaseggjanna nokkuð vel.

Jafnvel börn þurfa stundum að standa reikningsskil gerða sinna.

 

Vill álit HÍ á ákærunni

Sterkur listi - engin særindi

Eftir prófkjör D-listans fyrir borgarstjórnarkosningarnar geta allir verið sáttir við sitt, því útkoman varð sterkur listi, skipaður úrvalsfólki, með ólíkan bakgrunn og reynslu.

Þó fimm manns keppi um sama sætið, getur auðvitað aðeins einn hreppt það og að þessu sinni geta allir fimm verið sáttir við sína útkomu, því þeir röðuðust í næstu sæti á eftir og í sumum tilfellum var lítill munur á milli þeirra í atkvæðamagni.

Allir eru því ósárir eftir þessa baráttu og munu nú snúa bökum saman í baráttunni, sem framundan er fram að kosningum.

Á viðbrögðunum við prófkjörinu sést, að skjálfti fer um andstæðinga D-listans og réttilega óttast þeir útkomu sinna manna í vor.

18 atkvæðum munaði á Kjartani og Gísla í 3. sæti

Glæsilegt prófkjör - sigurstranglegur listi

Góð þátttaka í prófkjöri D-listans í Reykjavík hefur skilað glæsilegum og sigurstranglegum lista til borgarstjórnarkosninganna í vor.

Útkoma Hönnu Birnu Kristjánsdóttur er sérstaklega eftirtektarverð, enda nýtur hún mikils trausts og virðingar, sem borgarstjóri, langt út fyrir raðir D-listans.  Allt yfirbragð á störfum borgarstjórnar hefur tekið miklum stakkaskiptum til hins betra, eftir að hún tók við stjórnartaumunum og samvinna meiri- og minnihluta verið með ágætum.

Að öðru leyti er listinn blanda af reyndu fólki og nýju og ákaflega ánægjulegt, hve hlutur kvenna er mikill á listanum.

Í baáttusætum verða hinar mætustu konur, sem vafalaust munu afla listanum mikils stuðnings.

Til hamingju Reykvíkingar með þennan frábæra hóp frambjóðenda.

Hanna Birna fékk 84% atkvæða í 1. sæti

Unnu Dani - unnu riðilinn

Eftir óheppni og svolítinn klaufaskap í fyrstu tveim leikjunum, sýndi íslenska landsliðið hvað í því býr, þegar mikið liggur við.

Sigur á Dönum og sigur í ríðlinum, þýðir að Ísland fer með þrjú stil inn í milliriðilinn.

Austurríska landsliðið, undir íslenskri stjórn, stóð sig frábærlega, þannig að íslenski sigurinn er tvöfaldur.

Til hamingju strákar, til hamingju íslendingar, þetta var

STÓRKOSTLEGT

Dönum skellt í Linz

Hriktir í öfgasinnuðum andstæðingum D-listans

Nú þegar prófkjör D-listans fer fram, hriktir illilega í nokkrum öfgafullum andstæðingum hans hér á blogginu.  Það verður að teljast merkilegt að slíkir nöldrarar skuli ekki geta setið á sér og látið í friði prófkjör flokka, sem þeir styðja greinilega ekki.

Þetta er álíka fáráðlegt, eins og Sjálfstæðismenn færu að ryðjast fram á ritvöllinn, til þess að reyna að hafa áhrif á forval VG, eða agnúast út í fólk, sem tekur þátt í því.

Fólk getur verið og er auðvitað, andrsæðra skoðana í stjórnmálum og á að rökræða þær, og verk stjórnmálamanna, fram og aftur, án þess að þurfa að vera með endalausar persónulegar svívirðingar um andstæðinga sína, hvað þá að vera sífellt að kalla þá glæpahyski og þaðan af verra.

Ef ekki er hægt að finna eitthvað ámælisvert við andstæðinginn persónulega, þá eru ýmsir óþreytandi í að ljúga upp á hann ótrúlegurstu kjatfasögum og svívirðingum, sem sjaldnast er nokkur einasti fótur fyrir.

Þessir öfgamenn afla sínum flokkum lítils stuðnings, heldur þvert á móti hrekja þeir heiðarlegt fólk til annarra og betri flokka.

Borgarstjóri búinn að kjósa

Segir Steingrímur J. aldrei satt?

Steingrímur J. fullyrti í fjölmiðlum í gær, að í sjálfu sér væri ekkert nýtt að frétta af Icesave-málinu og í raun ekkert nýtt að gerast, en haldið væri áfram með undirbúning þjóðaratkvæðagreiðslunnar, eins og lög standa til og ekki gert ráð fyrir öðru, en hún færi fram á tilsettum tíma.

Nú upplýsir Lilja Mósesdóttir, að Steingrímur J. hafi skýrt frá því á fundi VG á miðvikudaginn var, að erlent ríki hefði tekið að sér einhverskonar sáttasemjarahlutverk milli Íslands annarsvegar og Breta og Hollendinga hinsvegar.  Ekki hefði þeim VG liðum, eða stjórnarandstöðu, verið sagt frá því hvaða ríki þetta sé, eða hverjir á þess vegum væru í þessum viðræðum.

Í anda opinnar stjórnsýslu og að hafa "allt uppi á borðum" heldur Steingrímur J. áfram að blekkja þjóðina og afvegaleiða á allann mögulegan máta.

Maðurinn virðist ekki einu sinni geta sagt satt orð, óvart.

Erlent ríki kannar sáttagrundvöll

Fjölmennið á kjörstað

Háværar kröfur eru uppi í þjóðfélaginu um að almenningi gefist kostur á að hafa meiri áhrif á ákvarðanatöku opinberra yfirvalda og að gegnsæi ríki í ákvarðanatöku og að "allt sé uppi á borðum".

Góð leið fyrir almenning til að hafa áhrif, er að taka þátt í prófkjörum sinna flokka og stuðla þannig að lýðræðislegri uppröðun framboðslista.

Í dag fer fram prófkjör Sjálfstæðismanna í Reykjavík og er þar mikið og gott mannval, sem kjósa skal um.  Erfitt er að gera upp á milli allra þeirra góðu kosta, en víst er að út úr prófkjörinu mun koma sterkur framboðslisti.

Nú mega stuðningsmenn Sjálfstæðisflokksins ekki láta verður eða aðra smámuni aftra sér frá því að mæta á kjörstað og gera þannig prófkjörið að öflugu upphafi baráttunnar fyrir kosningarnar í vor.

Prófkjör farið vel af stað

Siðblindir og samviskulausir

Þegar kröfulýsingarfrestir í gömlu bankanna runnu út, skriðu ýmsir samviskulausir og siðblindir banka- og útrásartaparar upp á yfirborðið og lýstu hinum ótrúlustu og ósvífnustu kröfum í búin.

Eigendur og starfsmenn, sem mesta ábyrgð bera á fjárglæfraruglinu, krefja bankana um stjarnfræðilegar laun og stærstu skuldararnir setja fram himinháar skaðabótakröfur "til þess að mynda sér betri stöðu" gagnvart bönkunum, sem þeir skulda ótrúlegar upphæðir.

Útrásartapararnir telja sig svo mikla rekstrarsnillinga og "bestu verslunarrekendur landsins", að þeim finnst ekkert athugavert við, og reyndar sjálfsagt að þeim verði afhent fyrirtækin sín aftur, eftir hundruð milljarða afskriftir skulda.

Að sjálfsögðu á ekki að semja um eitt eða neitt við siðblinda og samviskulausa fjárglæframenn.

Það á að koma þeim undir lás og slá, með öllum tiltækum ráðum, og það sem allra fyrst.

Tortólusjóður skuldara Kaupþings krefst bóta

Ríksútvarpið varð sér til skammar - enn einu sinni

Ríkisútvarpið hefur í gegnum tíðina verið afar hlutdrægt í sínum vinstri boðskap, að ekki sé talað um síðustu mánuði, þar sem málstað Breta og Hollendinga hefur verið haldið stíft að fólki og allt gert til að mála skrattann á vegginn, verði Icesave ólögin felld í komandi þjóðaratkvæðagreiðslu.

Einn og einn starfsmaður RÚV hefur þó staðið sig allvel í sínum störfum og er Sigrún Davíðsdóttir einn þeirra.  Hún hefur verið iðin við að fletta ofan af ýmsum aflandsfélögum útrásartaparanna og öðrum viðskiptum þeirra. 

Nú hljóp hún hinsvegar illilega á sig, þegar hún var að draga nafngreint fólk, allt þingmenn, eða fyrrverandi þingmenn, að ósekju inn í slúðurfrétt um fasteignakaup af Arion banka.

Þrátt fyrir kappsemi einstakra starfsmana, verður RÚV að fara að reyna standa undir nafni, sem hlutlaus fréttamiðill og a.m.k. að falla ekki niður á DV fréttamennsku, sem er á botni slúðublaðamennskunnar.

Fyrir þetta hefur RÚV nú beðist afsökunar og er það vel.

Margt er þó eftir, sem RÚV ætti að skammast sín fyrir.

 

Bað þingmenn og sendiherra afsökunar