Samstöðu þörf gegn skattabrjálæðinu

Fiskiskipaútgerðir, fiskvinnslufyrirtæki, sjómenn og fiskverkafólk sameinast á Austurvelli í dag til þess að mótmæla áformum ríkisstjórnarinnar að eyðileggja grundvöll og framtíðarmöguleika fiskiðnaðarins í landinu til framtíðar með skattaæði sínu, sem í þessu tilfelli brýst út undir nafninu "Auðlindagjald".

Líklega eru flestir landsmenn sammála um að eðlilegt sé að hóflegt "Auðlindagjald" verði lagðar á nýtingu sjávarauðlindarinnar, sem og aðrar auðlindir þjóðarinnar, en sá brjálæðislegi skattur sem Steingrímur J. og félagar í ríkisstjórnarflokkunum og sem sérfræðingar telja að nema muni ríflega öllum arði fiskveiðanna ár hvert, gengur svo úr hófi að jafnvel hörðustu stuðningsmönnum stjórnarinnar sjálfara blöskrar algjörlega.

Sérfræðingar, sem stjórnin sjálf og Atvinnumálanefnd Alþingis létu vinna fyrir sig skýrslur um þetta mál voru sammála flestum öðrum álitsgjöfum um að þetta skattabrjálæði myndi slátra mjólkurkú þjóðarbúsins á fáeinum árum og þrátt fyrir öll þessi samdóma álit ætla stjórnarflokkarnir að keyra málið í gegnum Alþingi á þrjóskunni og frekjunni einni saman og kalla allar umræður um málið "málþóf" og það jafnvel áður en umræður hefjast að ráði, enda annað frumvarpið um fiskveiðimálin enn til umfjöllunar í Atvinnumálanefnd.

Allir, sem annt er um framtíðarhagsmuni þjóðarbúsins og eiga þess kost, hljóta að mæta á Austurvelli í dag til að sýna hug sinn til þessara grófu skemmdarverka sem ríkisstjórnin er að reyna að vinna á undirstöðuatvinnuvegi landsmanna.

Bein útsending frá höfninni

Athugasemdir

[joi (IP-tala skráð) 7.6.2012 kl. 16:02]

Rök útgerðamanna halda ekki, það eru fullt að mönnum í geininni að legja kvóta á mun hærra verði en þetta auðlindagjald og varla eru þeir að gera það til að tapa á því.

sameinumst til að fella þessi frumvörp því þau ganga ekki nógu langt,  það er svo gott sem verið að gefa þeim afnotarréttinn til margra ára í stað þess að setja réttindin á markað seinsog sangjart er!!!

[Axel Jóhann Axelsson, 7.6.2012 kl. 16:13]

Hverja telur þú líklegasta til að kaupa upp meginhluta kvótans ef og þegar farið verður að bjóða hann upp á opnum og alfrjálsum kvótamarkaði? Hvort væri líklegra að þar yrði um stórútgerðirnar að ræða, eða þá sem stunda strandveiðar?