"Götustrákur" í ráðherraembætti

Árni Páll Árnason, ráðherra í "norrænu velferðarstjórninni" stóð fyrir óknyttum og strákapörum á Alþingi í dag í þeim tilgangi að trufla ræður þingmanna, þegar umræður um forsætisráðherravæðingu stjórnarráðsins stóðu yfir.

Þetta kemur vel fram í eftirfarandi setningu úr frétt m.bl.is af uppákomunni:  "Bæði Vigdís og Jón kvörtuðu ítrekað yfir hávaða í þingsal, sérstaklega frá efnahags- og viðskiptaráðherra, og reyndi forseti ítrekað að fá þögn í þingsal, en án árangurs."

Ekki tókst að fá ráðherrann til að láta af stráksskapnum fyrr en þingforseti neyddist til að fresta þingfundi um fimm mínútur til þess að gefa ráðherranum tíma til að róast og átta sig á eigin fíflaskap.

Einhvern tíma hefði þetta verið kallað að ráðherrann væri að haga sér eins og "götustrákur". 

„Þetta er algjörlega óþolandi“

Athugasemdir

[Viggó Jörgensson, 16.9.2011 kl. 19:16]

Það er nú föstudagur Axel. 

Var strákurinn bara ekki kominn í helgarstuðið?  

[Axel Jóhann Axelsson, 16.9.2011 kl. 19:48]

Er ekki fullsnemmt að ráðherrarnir skuli komast í helgarstuðið á miðjum degi? Skemmtanalífið byrjar yfirleitt ekki fyrr en verulega er farið að líða á kvöldið, nema auðvitað hjá almestu "stuðboltunum".

[Eggert Guðmundsson, 16.9.2011 kl. 21:24]

Mér þykir þú kurteis Axel.  Ég hefði notað orðið aftur sem þú viðhafðir í síðustu málsgrein, nema sett það í nafnorð.

[Jón Baldur Lorange, 16.9.2011 kl. 21:52]

Var Árni Páll að ekki rífast við Jóhönnu fyrir að fá ekki að vera formaður Samfylkingarinnar?

[Vilhjálmur Stefánsson, 16.9.2011 kl. 23:35]

Árni Páll var að fara með Föstudagsbænirnar...