Ástin afvegaleiðir stundum

Það verður að segjast alveg eins og er, að ekki var skynsamlegt af Lindu Björk Magnúsdóttur að smygla sér inn í Bandaríkin, til að hitta kærastann sinn.  Það er ekkert grín, að komast upp á kant við innflytjendayfirvöld þar um slóðir og líklegast að hún lendi jafnvel í ævilöngu endurkomubanni og þar með hverfa allir möguleikar á að heimsækja ástina sína á heimaslóðir í framtíðinni.

Óskiljanlegt er, að kærastinn skuli ekki heldur hafa skroppið yfir landamærin til Kanada, til að hitta unnustu sína, en auðvelt er að gagnrýna þessa gjörð hennar og aðgerðarleysi hans, án þess að hafa nokkrar upplýsingar um málsástæður. 

Hverjar sem ástæðurnar voru, verða afleiðingarnar örugglega ekki hagstæðar fyrir Lindu og kærasta hennar og að þurfa að sitja í fangelsi, jafnvel í nokkra mánuði fyrir þessa yfirsjón, fyrir utan að verða "persona non grata" í Bandaríkjunum, er ömurlegt hlutskipti.

Vegir ástarinnar eru órannsakanlegir, eins og sumir aðrir vegir.

Linda enn í haldi

Athugasemdir

[Guðbjörg Elín Heiðarsdóttir, 10.11.2009 kl. 05:26]

Ja hérna hér, ég er sammála þér í því Axel. Því í ósköpunum fór kærastinn ekki til hennar til Canada. Mikið á sig lagt...

[Dögg (IP-tala skráð) 10.11.2009 kl. 11:40]

Þetta mál er mun flóknara en svo að hún hafi bara þurft að hitta á ástina sína, enda skýrir það kannski líka af hverju hann kom ekki bara til hennar. Þessi kona skilur eftir sig sviðna jörð bæði hér og í usa vegna lögbrota og öðru líku. Ef hún þarf að sitja í fangelsi þarna úti í nokkra mánuði er það ekki það versta sem hefði getað komið fyrir hana.

[Kleópatra Mjöll Guðmundsdóttir (IP-tala skráð) 10.11.2009 kl. 14:46]

finnst alveg út í hött að koma ekki undir fullu nafni og með góðan rökstuðning fyrir svona ásakanir Dögg!

[Juliana Gustafsdottir (IP-tala skráð) 10.11.2009 kl. 16:13]

Dögg er ekki með neinar ásakanir. Hún greinir einungis frá staðreyndum og það gerir hún mjög varlega. Gefur í raun engar upplýsingar.

[Kleópatra Mjöll Guðmundsdóttir (IP-tala skráð) 11.11.2009 kl. 12:10]

fyrir hvaða lögbrot var hún dæmd?

[Juliana Gustafsdottir (IP-tala skráð) 11.11.2009 kl. 14:22]

Hún hefur ekki verið dæmd fyrir neitt lögbrot að mér vitandi...

[-- (IP-tala skráð) 11.11.2009 kl. 16:17]

Hún og fyrrvernandi voru ákærð til efnahagsbrotadeildar lögreglunnar fyrir fjölda fjársvika og þjófnað frá félagasamtökum og líknarfélagi. Málið náði aldrei fullri rannsókn þar sem þau flúðu land

[Kleópatra Mjöll Guðmundsdóttir (IP-tala skráð) 11.11.2009 kl. 20:59]

mál er rannsökuð og kláruð þótt fólk flytur... kannski var bara ekki grundvöllur að mati saksóknara að kæra ... að mínu mati ber að varast að dæma fólk áður en sekt er sönnuð...

[-- (IP-tala skráð) 11.11.2009 kl. 21:52]

kannski og kannski. Það eru þó tugir manna sem þau höfðu af fé sem þekkja söguna og vita af sárri reynslu hvar sektinn liggur, þrátt fyrir að þeim hafi tekist að flækja rannsóknina þannig að hún hefur aldrei klárast þá lá sektin alveg á hreinu og sönnunargögnin til í bunkum.