Vonandi fella Írar

Bundesrat, efri deild þýska þingsins hefur nú samþykkt lög, sem heimila staðfestingu Lissabonsáttmálans.  Tímasetningin er engin tilviljun, því hún er hugsuð til að setja pressu á almenning í Írlandi fyrir þjóðaratkvæðagreiðsluna þar í landi þann 2. október.

Írar hafa áður hafnað sáttmálanum í þjóðaratkvæðagreiðslu og nú eru úrslit tvísýn, samkvæmt skoðanakönnunum og því er öllu til tjaldað, til þess að reyna að tryggja samþykki sáttmálans í þjóðaratkvæðagreiðslunni nú.

Írum hefur verið lofað nokkrum undanþágum frá sáttmálanum, t.d. varðandi fóstureyðingar og nú hefur öll ESB maskínan verið virkjuð í áróðrinum á Írlandi, en vonandi láta Írar ekki snúa sér í þessu máli.

Það yrði tímamótasigur í baráttunni gegn sambandsríki ESB, ef Írar felldu sáttmálann.

Staðfestu Lissabon-sáttmálann

Athugasemdir

[Kristinn Gunnarsson (IP-tala skráð) 18.9.2009 kl. 10:27]

Ef Írar fella Lissabonsáttmálann - er þá ekki eðlilegast að þeir segi sig úr Evrópusambandinu?

[Axel Jóhann Axelsson, 18.9.2009 kl. 10:37]

Það eru nokkur ríki, sem ekki hafa viljað staðfesta Lissabonsáttmálann, fyrr en útséð verður með það hvað Írar gera.  Þar eru um að ræða Pólland og fleiri ríki, þannig að ef þau staðfesta ekki sáttmálann, þ.e. ef hann verður felldur á Írlandi, og þessi ríki segðu sig þá öll úr ESB, myndi sambandið riða til falls.

Sumun þætti það miður og öðrum ekki.