Sýndarmennska ríkisstjórnarinnar

Af sýndarmennsku einni saman, ætlar ríkisstjórnin nú að skipa starfshóp, sem á að undirbúa skaðabótamál gegn þeim sem ollu almenningi fjárhagstjóni í aðdraganda bankahrunsins, í þeim tilgangi að fá þá dæmda til greiðslu skaðabóta og krefjast kyrrsetningar eigna.

Rannsóknarnefnd Alþingis mun skila sínum niðurstöðum í nóvemberbyrjun og undanfarið hefur embætti Sérstaks saksóknara verið eflt, m.a. með ráðningu nýrra saksóknara, sem eiga að rannsaka hver sinn bankann og Fjármálaeftirlitið sinnir einnig rannsóknum á þessum málum.

Alveg er öruggt að fjöldi mála verður höfðaður á grundvelli rannsókna þessara aðila og því vaknar sú spurning, hvort höfða eigi mörg mál vegna sömu sakargiftanna.  Reikna verður með því að allir banka- og útrásarmógúlar sæti nú þegar rannsókn hjá framangreindum rannsóknaraðilum og ef munað er rétt, er ekki hægt að lögsækja menn oft, fyrir sömu sakirnar.  Því hlýtur þetta nýjasta útspil ríkisstjórnarinnar að vera hreint lýðskrum, eingöngu sett fram til að lægja óþreyjuöldurnar í þjóðfélaginu, sem risið hafa vegna þess hve rannsóknirnar taka langan tíma.

Vissulega taka mál ótrúlega langan tíma í rannsókn og saksókn, en áður en lýkur hljóta allir mógúarnir að verða komnir bak við lás og slá, hvort sem þeir heita Sigurður, Hreiðar, Sigurjón, Bjöggar eða Jón Ásgeir, svo nokkur nöfn séu nefnd af handahófi.

Ríkisstjórnin á ekki að vera að stunda einhverja sýndarmennsku í þessum efnum.

Höfða einkamál gegn hrunfólkinu

Athugasemdir

[hilmar jónsson, 25.8.2009 kl. 14:14]

Ef það er sýndarmennska í þínum huga, að sýna tilburði í þá átt að reyna að endurheimta eitthvað af því fé sem stolið var af þjóðinni, þá finnst mér vanta eitthvað upp á hjá þér.

Hinsvegar hefði átt að fara í þessi mál mun fyrr

[Axel Jóhann Axelsson, 25.8.2009 kl. 14:20]

Það kemur fram í upphaflegu færslunni, að ég reikna með að mógúlarnir verði allir sakfelldir og þar með myndi eignaupptaka fylgja þeim dómum. 

Ég var að draga í efa, að hægt væri að sakfella margoft fyrir sama glæp og ef það er rétt, þá er þessi tillgaga ríkisstjórnarinnar alger sýndarmennska og lýðskrum.

Við erum örugglega sammála um að reynt verði að endurheimta hverja krónu, sem stungið hefur verið undan af hálfu þessara glæpamanna og við skulum reikna með, að allt verði gert til þess.