Óvissa í stjórnmálum

Peningastefnunefndin nýja hefur ákveðið að lækka stýrivexti um 1%, a.m.k. er látið líta svo út að hún hafi tekið ákvörðunina, en í raun er það Alþjóðagjaldeyrissjóðurinn sem ræður þessu. Athyglisvert er að sjóðurinn tók undir rök gömlu bankastjórnar Seðlabankans í síðasta mánuði um 3% lækkun stýrivaxta, en vildi samt bíða með lækkun vegna óvissu í stjórnmálum hér á landi, eða eins og segir í fréttinni:

 "Fram kom í Morgunblaðinu í gær að Alþjóðagjaldeyrissjóðurinn hefði hafnað beiðni Seðlabankans í síðasta mánuði um lækkun stýrivaxta um þrjú prósentustig, eða niður í 15%. Forstjóri sjóðsins, Dominique Strauss-Kahn, mun hafa lagst gegn þeim áformum og talið rétt að bíða með vaxtalækkanir á meðan óvissa ríkti í stjórnmálum hér á landi. Tekið var undir rök bankastjórnar fyrir vaxtalækkun að öðru leyti."

Líklega þykir Alþjóðagjaldeyrissjóðnum að stjórnmálaóvissan sé nú minni og hættan á áframhaldandi vinstri stjórn hafi aukist.

Stýrivextir lækkaðir í 17%

Athugasemdir

[Kristinn (IP-tala skráð) 19.3.2009 kl. 09:30]

"Líklega þykir Alþjóðagjaldeyrissjóðnum að stjórnmálaóvissan sé nú minni og hættan á áframhaldandi vinstri stjórn hafi aukist."

Sem skýrir afhverju lækkunin var eingöngu 1% en ekki 3% eða meir

[Grímur H. Kolbeinsson (IP-tala skráð) 19.3.2009 kl. 11:16]

Hátt hreykir heimskur sér!

Fólk gleymir ekki HVERJIR komu þessari 18% þumalskrúfu á upphaflega, alveg sama hvað þú bloggar heimskulega um málið.

Og ef þú LÆSIR nú fréttina kemur fram að bæði ríkisstjórn og Seðlabanki Íslands vildu lækka um 3% en Aþjóða Gjaldþrota Sjóðurinn (AGS) vildi ekki lækka meira en 1%. Hverjir hömuðust eins og hamstar í hjóli við að fá þá hingað? Já, rétt svar SJÁLFSTÆÐISFLOKKURINN.

[Kristinn (IP-tala skráð) 19.3.2009 kl. 11:42]

Lol þú virðist nú ansi hátt uppi Grímur, að sjálfsögðu fékk Sjálfstæðisflokkurinn þá hingað, enda það eina í stöðunni.   Þetta sýnir einfaldlega að skjaldborg þessar óhæfu vinstri stjórnar um heimilin er að verða að grafhýsi.

[Axel Jóhann Axelsson, 19.3.2009 kl. 13:35]

Grímur, ef þú læsir fréttina sæir þú að það var í síðasta mánuði sem Seðlabankinn vildi lækka vextina um 3%, en ekki núverandi ríkisstjórn og ný ný peningamálanefnd.  Gleymdu heldur ekki að gamla seðlabankastjórnin var búin að lækka stýrivexti í 12% áður en AGS kom hingað, en þá létu þeir hækka vextina í 18%.

Þar sem þú hefur þetta gullfiskaminni, má líka minna þig á umræðuna áður en AGS kom hingað.  Þá var Sjálfstæðisflokkurinn og Davíð Oddsson hundskammaðir fyrir að þvælast fyrir og tefja fyrir að leitað yrði til sjóðsins.