Óánægja Jóhönnu

Verkstjóri ríkisstjórnarinnar, Jóhanna Sigurðardóttir, lýsir yfir megnri óánægju með að bankaráð NBI (sem hún kallar Landsbanka) hafi ráðið Ásmund Stefánsson tímabundið í bankastjórastöðu og segist ætla að hirta bankaráðið af þessu tilefni.

Nú er Jóhanna alls ekki bankamálaráðherra og því vaknar sú spurning hvort hún sé að vasast í öllum málum sem heyra undir samráðherra hennar.  Ef svo er, þá tekur hún verkstjórahlutverkið full hátíðlega, a.m.k. er hún að niðurlægja viðskiptaráðherrann með þessum yfirlýsingum.

Ekki síður er það merkilegt ef ríkisstjórnin ætlar að fara að stjórna bönkunum frá degi til dags.  Þurfa viðskiptavinir bankanna bráðlega að fara að bíða á skrifstofu verkstjórans til þess að fá venjulega bankafyrirgreiðslu?

Þrátt fyrir að hér sé um ríkisbanka að ræða, þá á bankaráðið að starfa sjálfstætt, óháð pólitískum afskiptum, og þar með að ráða bankastjóra.

Ef þetta er ekki alveg skýrt má fara að búast við að Jóhanna fari að verkstýra öðrum ríkisfyrirtækjum.

Óánægð með Landsbankastjóra

Athugasemdir

[Nafnlaus (IP-tala skráð) 6.2.2009 kl. 16:55]

svona er þetta

Bjóst einhver í alvöru við að Jóhanna væri eitthvað heilög.  Nei Valdahrokinn fer alveg með kjéllinguna.  Þessi stjórn endist ekki út mánuðinn.

[J.A. (IP-tala skráð) 6.2.2009 kl. 17:17]

Jóhanna Sigurðar er í góðum gír,  Vonandi heldur hún áfram að  henda út öllum sníkjuvírusum til margra ára.  Verð að viðurkenna að mér var það sérstakt   ánægjuefni að lesa það að hún ætlaði að reyna að fá endurskoðun á ráðningu  Ásmundar Stefánssonar.  Var þessi maður ekki einu sinni forseti A.S.Í.    ????

Sverð og skjöldur litla mannsins.  Svei attann........

[Björn Jónsson, 6.2.2009 kl. 17:50]

Axel Jóhann.

Ég er sammála þér í þessu. Er Ásmundur ekki vammlaus maður ? Vill Jóhanna handvelja sjálf í allar mikilvægar stöður hjá ríkinu??

 J.A. Spurning til þín, skyldi Jóhanna vera með Rússneskan gírkassa?? Þú sagðir jú að hún væri í góðum gír???

[Konrád Azelsson (IP-tala skráð) 6.2.2009 kl. 17:51]

Hrikalegt ad sjá ad thessi madur fái thessa stödu.  BURT BURT BURT.  Áfram Jóhanna!.  Mitt traust á thessum manni er NÚLL.  Audvitad á ad auglýsa stöduna eins og gert er í alvöru thjódfélögum.

[J.A. (IP-tala skráð) 6.2.2009 kl. 19:11]

Björn Jónsson ! !

Ég skil ekki brandarann hjá þér, en ef þú ætlar að fara eitthvað út í rússneska tækni hvort það eru gírar,  eða t.d. bílar, þá man ég ekki betur en rússneskir bílar með rússneskum gírkössum sem komu löppunum undir þjóðina til sjávar og sveita hér á árum áður.  Ég átti tvo" Moska"  seinni hluta síðustu aldar. Þetta voru sterkir og góðir bílar.  Alltaf komst ég þangað sem ég þurfti að fara á þeim.  Þarf maður að biðja um meira.

Að Ásmundur megi ekki vamm sitt vita, það má örugglega deila mikið um það.

Þetta eru allt plebbar þegar þeir komast í valdastóla, og erfitt er að velta þeim  úr stólunum þegar þeim ætti að skiljast það sjálfum að enginn vill hafa þá.