Trúir einhver sögum Kínverja um COVID-19?

Trump, forseti Bandaríkjanna, hefur gefið í skyn að þörf sé á að rannsaka trúverðugleika þeirra upplýsinga sem Kínverjar hafa gefið á uppruna COVID-19 faraldurins, bæði hvernig og hvar hann byrjaði.

Kínverjar eru farnir að dreifa þeim falsfréttum að veiran hafi alls ekki átt sér uppruna í borginni Wuhan eða Kína yfirleitt og sendiherrar þjóðarinnar, bæði í Svíþjóð og á Íslandi, hafa skrifað blaðagreinar um að það sé nánast móðgandi við kínversku þjóðina að halda því fram að veiran hafi átt upptök sín á kínversku landsvæði.

Miðað við útbreiðslu veirunnar í öðrum löndum, sérstaklega vesturlöndum enn sem komið er, eru smit- og dánartölur frá hinu ofurfjölmenna kínverska ríki vægast sagt ótrúverðugar.  Veiran kom skyndilega upp í nóvember eða desember 2019 og kom öllum að óvörum og til að byrja með töldu Kínverjar og WHO að hún smitaðist ekki milli manna og væri tiltölulega meinlaus. 

Þessu var haldið fram a.m.k. langt fram eftir janúarmánuði 2020 og þá fyrst gripu Kínverjar til einhverra harkalegustu aðgerða sem þekkjast til að kveða veiruna í kútinn og nú segjast þeir nánast vera búnir að fría ríkið af ófögnuðinum.

Samkvæmt frétt í Morgunblaðinu í dag hélt Merkel, Þýskalandskanslari, blaðamannafund í gær og sagði þar m.a:  "Ég trúi því að því meira sem Kínverjar geina frá upphafi veirunnar, því betra sé það fyrir heimsbyggðina alla til að læra af því".

Einnig hafa Macron, Frakklandsforseti, Dominics Raabs, staðgengill forsætisráðherra Bretlands, ásamt yfirvöldum í Ástralíu mælst til að fram fari óháð rannsókn á upphafi faraldursins og upplýsingagjöf Kínverja og WHO um það mál allt.

Þó enginn vilji koma sérstakri sök á Kínverja vegna þessa heimsfaraldurs er lágmarkskrafa að þeir segi satt og rétt frá upphafinu og hvers vegna svo lítið var gert úr honum í upphafi.

Það hefði getað munað miklu fyrir heimsbyggðina að fá gleggri upplýsingar strax í upphafi.

  

Athugasemdir

[Örn Einar Hansen, 21.4.2020 kl. 19:21]

Tökum trúanlegar tölur Kína ... en þá verðum við að spyrja einnar spurningar ... var veiran framleidd til að drepa Evrópumenn?

[Axel Jóhann Axelsson, 21.4.2020 kl. 19:32]

Þessi ótrúlega fáu smit í Kína, miðað við milljónirnar sem búa á svæðinu þar sem veiran kom fram að ekki sé nú minnst á allt kínverska ríkið, gefur tilefni til alls kyns hugrenninga.

Ekki ætla ég Kínverjum að hafa gert þetta viljandi til að drepa Evrópubúa, en ósannindin og yfirhylmingin um hættuna til að byrja með er verulega ámælisverð og alls ekki má láta Kínverjana komast upp með neitt múður vegna rannsóknar á öllu málinu frá upphafi.

[Hrólfur Þ Hraundal, 21.4.2020 kl. 20:53]

Ef við eigum að taka tölur Kínverja trúanlegar, Þá hafa Kínverjar átt ráð og efni til að ráða við veiruna áður en að hún kom upp. Hvað gæti það þítt?

 

[Axel Jóhann Axelsson, 21.4.2020 kl. 21:31]

Þetta er einfaldlega eitt af því sem hlýtur að verða rannsakað, því einhvern veginn stemmir ekkert í kínversku útbreiðslunni, miðað við hvernig veiran hegðar sér annarsstaðar.

[Helga Kristjánsdóttir, 22.4.2020 kl. 00:22]

.....Svo það er ekki móðgandi við Kínversku þjóðina að segja satt um að veiran kom fyrst upp í Wuhan,það báru allar stærstu fréttaveitur heims vitni um það.

[Halldór Egill Guðnason, 22.4.2020 kl. 01:12]

 Það er athyglisvert hve snemma kínverski kommúnistaflokkurinn hafði ráðleggingar á hendi, gagnvart veirunni, eins og Hrólfur bendir réttilega á. 

 Hvernig varð þessi þekking svona snemma tilkomin, að kínverjar gátu á fyrstu dögum veirunnar í Evrópu ráðlagt út um eyrun á sér? Hvað hafði áður gengið á í Kína, sem gerðu stjórn og heilbrigðisyfirvöld svona fær um að veita öðrum ráðleggingar? 

 Það er ekki hægt annað en draga þá ályktun en að þeir hafi vitað af þessu mun fyrr. Lent í krsu, en ekki viljað viðurkenna það, fyrr en allt of seint, með skelfilegum afleiðingum.

 Ekki ætla ég að fullyrða að þetta sé viljaverk kommúnistaflokks Kína, en sökum rangfærslna, lyga og yfirhylmingu, ásamt fádæma aumingjaskapar hinnar gerspilltu stofnunar SÞ, WHO, er ekki annað hægt en að efast. 

 Þarna fer vafasamt fólk, með allt of mikil völd.

 Góðar stundir, með kveðju að sunnan.

[Þorsteinn Siglaugsson, 22.4.2020 kl. 13:20]

Hvort sem veiran var búin til, sem er ólíklegt, eða á sér náttúrulegan uppruna, þá kemst maður ekki hjá því að velta fyrir sér notagildi hennar fyrir stjórnvöld sem stefna að því leynt og ljóst að styrkja ítök sín í heiminum verulega. Það verður ódýrara að fjárfesta, auðveldara að koma að innviðauppbyggingu og ná pólitískum ítökum í ríkjum sem hafa sett efnahagslíf sitt á hliðina en í ríkjum þar sem efnahagslífið er sterkt.

[Axel Jóhann Axelsson, 22.4.2020 kl. 19:36]

Kínverjar eiga furðulega mikla lagera af hlífðarbúnaði fyrir heilbrigðisstarfsfólk og lækningatækjum allskonar, enda geta þeir núna selt og gefið gríðarlegt magn af þessum vörum, bæði til vesturlanda og ekki síður til Afiríku.

Í þessu efni sem öðrum sannast að hádegisverðurinn er aldrei ókeypis.

[Örn Einar Hansen, 23.4.2020 kl. 03:53]

Þorsteinn, það er ekkert leyndarmál að veirurannsóknarstofan í Wuhan hefur rannsakað veiru frá leðurblökum síðan 2007. Það er heldur ekkert leyndarmál, að Shi sem starvaði á henni skrifaði pappíra um að hafa framleitt veiru sem þessa sem nú er að herja á heiminn 2013, og síðan að hafa splæst í hana S-próteini frá SARS, árið 2015. Það hefur verið bent á, að þessi veira hefur 100% sömu splæsingu og sú sem um getur.

Að halda því fram, að einhver fái í sig veiru við að éta leðurblökusúpu ... fær mann að undra um að fólk séu ok í toppstykkinu. Sérstaklega þegar markaðurinn í Wuhan hefur aldrei nokkurntíma selt leðurblökur eða annað slíkt.