Hvert á að fara í ferðalag á næstu misserum?

Útbreiðsla COVID-19 veirunnar hefur verið ótrúlega hröð á þessum stutta tíma sem hún hefur verið á sveimi um veröldina. Þann 01/02 s.l. voru skráð 14.553 veikindatilfelli og þar af 304 sem látist höfðu af völdum veirunnar.

Á tveim mánuðum, þ.e. til 01/04 var fjöldi þeirra sem skráður höfðu verið smitaðir orðnir 936.851 og fjöldi látinna 47.210. Þann 15/04 var fjöldi þeirra sem skráðir voru smitaðir af veirunni orðinn hvorki meira né minna en 2.062.418.  Fjöldi skráðra smita hafði sem sagt meira en tvöfaldast á fimmtán dögum og fjöldi látinna var þá orðinn 134.560.

Í Bandaríkjunum, með 331 milljón íbúa, eru skráð tilfelli orðin 645.000 og fjöldi látinna þar um 29.000. Þetta er gríðarlegur fjöldi, en til samanburðar má taka saman fimm Evrópulönd, Spán, Ítalíu, Frakkland, Þýskaland og Bretland, en mannfjöldi þessara ríkja er samtals um 325 milljónir. Í þessum löndum eru skráðar sýkingar um 719.000 og fjöldi látinna 75.000.  Með sama hraða á útbreiðslu veirunnar má búast við að fjöldi sýktra í USA fari fljótlega fram úr þessum fimm Evrópuríkjum þar sem þau eru lengra komin í ferlinu og smithraði er minnkandi, en líklega er sömu sögu ekki að segja um USA.

Miðað við uppgefnar smittölur COVID-19 eru framangreind lönd með samtals 1,364.000 sýkta og 104.000 sem látist hafa og öll önnur lönd því með samtals 698.000 sýkta og 31.000 andlát.  

Nánast öll lönd heimsins, nema Norður Kórea, eru í baráttu við þennan ófögnuð sem COCID-19 veiran er og ekki er séð fyrir endann á baráttunni við þennan heimsfaraldur, sem sum lönd virðast vera að ná tökum á en flest eiga löndin langt í land með að komast í skjól fyrir óværunni.

Þetta vekur upp brennandi spurningu:  Hvert halda menn að hægt verði að ferðast á næstu misserum? 

Fyrir Íslendinga er svarið aðeins eitt:  ÍSLAND.

Tillögur um ferðamál á næstu dögum

Athugasemdir

[Axel Jóhann Axelsson, 17.4.2020 kl. 14:00]

Á þeim sólarhring sem liðinn er frá því að pistillinn hér að ofan var skrifaður hefur skráðum smitum af völdum COVID-19 veirunnar fjölgað um 144.258 og dauðsföllum af hennar völdum um 14.103.

Skráð tilfelli í heiminum eru nú  þegar þetta er skrifað 2.206.676 og dauðsföllin 148.663.

Á þessari ótrúlegu fjölgun tilfella má glöggt sjá hversu ótrúlega skæður þessi veira er og vonandi fara þeir, sem kærulausir hafa verið gagnvart hættunni, að gæta betur að sér bæði fyrir sjálfa sig og aðra.