Hástig vitleysunnar

Vigdís Hauksdóttir, þingmaður, segir að árásir á sig séu komnar yfir vitleysingastigið þegar einhverjir halda úti falspersónum á netinu til að rægja hana árum saman.  Telur Vigdís að einhver hljóti að greiða fyrir þessi skrif, því varla myndi nokkur nenna að standa í slíku árum saman af áhugamennsku einni saman.

Alþekkt er að alls kyns furðufuglar og vitleysingar stunda einelti, fyrirsát og árásir gegn ákveðnum einstaklingum langtímum saman án nokkurrar greiðslu eða hvatningar annarra, einmitt af þeirri ástæðu einni saman að viðkomandi árásarmaður er bilaður á geði eða hreinlega furðufugl og/eða vitleysingur.

Árásirnar og rógurinn gegn Vigdísi er alls ekki kominn yfir vitleysingastigið, heldur eru þær miklu nær því að vera hástigið sjálft, eða a.m.k. mjög nálægt því.   

„Komið yfir vitleysingastigið“

Athugasemdir

[Hilmar (IP-tala skráð) 28.5.2013 kl. 16:48]

Með öðrum orðum, DV Reynis Traustasonar og annarra VG liða og Eyja/Pressa Björns Inga eru blöð vitleysinga?

Vissulega get ég tekið undir það, en stanslaus áróður og einelti vitleysinga er engu að síður afskaplega varhugaverður, enda er vitleysisgangurinn af pólitískum toga.

Með öðrum orðum, ef vitleysingarnir geta barið niður Vigdísi, þá koma þeir til með að berja aðra, einn á eftir öðrum, þar til enginn er eftir og umræðan, og þar með stefnan, algerlega eftirlátin vitleysingum.

Viðhorf eins og þín eru viðhorf Weimar lýðveldisins. Við vitum hvert það leiddi mannkynið.

[Axel Jóhann Axelsson, 28.5.2013 kl. 18:38]

Hilmar, vertu nú svo vinsamlegur að setja hérna inn ráðningu gátunnar sem felst í síðustu línunni í athugasemd þinni.

[Hilmar (IP-tala skráð) 28.5.2013 kl. 19:58]

Með ánægju, Axel.

Umburðarlyndi gangnvart ofstæki og skoðankúgun leiðir óhjákvæmilega til þess að ofstækisfólk gengur á lagið. Framkoma aðalgerenda í einelti gegn Vigdísi og annarra á undan henni, og mjög líklega á eftir, leiðir sumsé til þess að færri og færri treysta sér til að halda á lofti skoðanafrelsi, hvað þá að halda fram skoðunum sem gætu framkallað árásir ofstækisfólksins.

Það má glögglega sjá á kommentakerfum DV og Eyjunnar, og bloggi þar á bæjum, að ofstækisfólkið tekur eineltistalið ekki til sín, og áskilur sér rétt til frekari árása á Vigdísi, með tilvísun í að stjórnmálamenn "verði að þola umræðuna"

Hvernig þetta verður álitin "umræða" þegar DV notar á forsíðu sinni þau orð um Vigdísi að hún hún geri þjóð sinni ekkert gagn, og sé "þjóðernissinni og afturhaldspíka", get ég með engu móti skilið.

Aðferðin er vel þekkt. Fólki með skoðanir sem fellur ekki í kramið hjá ofstækisliðinu er svívirt og það hrætt frá því að halda þeim á lofti. Orð eins og þín, sem afsaka þetta framferði með tilvísun í einn tiltekinn uppdiktaðan bloggara og horfa gersamlega framhjá öllum hinum gerendunum, DV, Eyjunni/Pressunni Vísi, bloggurum á þessum miðlum og þingismönnum vinstri flokkanna, er ekkert annað en endurorðun á kröfu ofstækisliðsins, að Vigdís "þoli umræðu"

Og þá að Weimar. Það vita þeir sem hafa einhverja grunnþekkingu á sögu, að Weimar lýðveldið var veikt, og gat ekki staðið í lappirnar gagnvart ofbeldisliði. Sífellt færri treystu sér til þess að standa gegn ofstækinu, enda hafði það gjarnan alvarlegar afleiðingar fyrir viðkomandi að gera það. Það var enginn til að verja þetta fólk til að halda sínum skoðunum á lofti.

Það er einungis stigsmunur, ekki eðlis, á ofstækisliðinu í dag og þeim sem sýndu ofbeldið fyrir 80 árum, eða svo. Ef við gerum ekkert, þá verður heldur ekki um stigsmun að ræða.

Vigdís er ekki heimsk, eða "voða vitlaus" eins og pólitískir andstæðingar halda fram. Hún er með sterkar skoðanir sem eiga fullan rétt á sér. Árásirnar beinast þó ekki bara að Vigdísi, heldur er hún öðrum áminning um að betra sé að vara sig, annars fái viðkomandi sömu meðferð.

[Axel Jóhann Axelsson, 28.5.2013 kl. 20:04]

Hilmar, annaðhvort hefur þú ekki lesið upphaflega pistilinn eða eitthvað er bogið við skilning þinn á honum. Hvernig í ósköpunum getur þú lesið út úr honum að verið sé að réttlæta árásirnar og viðbjóðinn sem beint hefur verið að Vigdísi eða öðrum?

Finnst þér t.d. eftirfarandi setning vera vörn fyrir vitleysingana?: "Alþekkt er að alls kyns furðufuglar og vitleysingar stunda einelti, fyrirsát og árásir gegn ákveðnum einstaklingum langtímum saman án nokkurrar greiðslu eða hvatningar annarra, einmitt af þeirri ástæðu einni saman að viðkomandi árásarmaður er bilaður á geði eða hreinlega furðufugl og/eða vitleysingur."

[Hilmar (IP-tala skráð) 28.5.2013 kl. 20:32]

Það er eitt, að einn einstaklingur ofsækir annan, og annað ef heilu miðlarnir taka þátt í dæminu. Oftast nær er hægt að stemma stigu við einum sjúkum einstaklingi með áráttuhegðun. Slík dæmi eru til héðan af mbl.is. Þannig einstaklingar standa yfirleitt uppúr og tilgangur þeirra flestum augljós.

En þegar þessi hegðun speglast í hegðun miðla eins og DV, Eyjunnar/Pressunar og 365, og fjölda nafngreindra bloggara, stendur þessi einstaklingur ekki lengur uppúr. Hann er partur af stærri heild sem hefur sama markmið.

Með öðrum orðum, það er ekki verið að ásaka þig fyrir að styðja óþverrann, heldur að gera einum einstaklingi allt of hátt undir höfði, og horfa framhjá því, að versta eineltið er frá nafngreindu fólki og miðlum. Einn einstaklingur er ekki vandamál, ef út í það er farið þá er hægt að leita hann uppi og saksækja, ef svo ber undir. Það er annað þegar búin er til stemming í þjóðfélaginu að allt í lagi sé að ofangreindir miðlar séu í fullum rétti að ofsækja pólitíska andstæðinga með óþverra og svívirðingum, og réttlæta það með að viðkomandi þurfi að "þola umræðu"

Og í framhaldi af þessum að virðist skipulögðu aðförum að Vigdísi, þá er eðlilegt að spytja, er viðkomandi einstaklingur á launum við iðjuna, og hluti af stærri heild?

Sumsé, að vandamálið séu ekki einstakir vitleysingar.

[Hilmar (IP-tala skráð) 28.5.2013 kl. 20:46]

Dæmi um tilraunir til að "normalisera" umræðuna um Vigdís, er að finna á bloggi Egils Helgasonar:

http://eyjan.pressan.is/silfuregils/2013/05/28/ekki-serislenskt/

Egill Helgason er ekki nafnlaus bloggari, eða uppskáldaður einstaklingur. Hann er starfsmaður Ríkisútvarpsins, heldur úti eina umræðuþætti um pólitík á Íslandi, og bloggari á Eyjunni.

Þetta hefur hann að segja um Vigdísi og Jón Bjarnason:

"Þau voru bæði áberandi á síðasta þingi og vönduðu andstæðingum sínum ekki beinlínis kveðjurnar í ræðu og riti."

Pólitískar skoðanir Vigdísar og Jóns eru nægileg réttlæting fyrir ofstæki og einelti. Ekki tekur hann nein dæmi um orðbragð þeirra hafi verið óviðeigandi eða meiðandi. Ég hef ekki orðið var við það hingað til, að Vigdís og Jón svívirði andstæðinga sína.

Vandinn er augljóslega ekki uppdiktaður kommentari á Facebook.

[Axel Jóhann Axelsson, 28.5.2013 kl. 20:51]

"Sumsé, að vandamálið séu ekki einstakir vitleysingar", enda var ekki verið að fjalla um einn einstakan vitleysing, eða einn einstakling sem tekinn er fyrir af ákveðnum einstökum vitleysingi.

Allir hljóta að skilja að t.d. í þessari umræddu setningu er umfjöllunin í fleirtölu, þ.e. talað er um alls kyns vitleysinga og furðufugla og þar er ekkert verið að undanskilja einn eða neinn, hvorki DV, Eyjuna eða þá sem stunda viðbjóðinn þar inni eða annarsstaðar.

[Hilmar (IP-tala skráð) 28.5.2013 kl. 21:43]

Vitleysingar eiga ekkert erindi inn í þessa umræðu. Þetta eru pólitískar ofsóknir, uppruninn er í þingflokkum Samfylkingar og VG.

Þetta er mjög meðvituð aðför, að hálfu þokkalega greinds fólks, sem telst vera "normal"

Ritstjórn DV er ekki samansett af vitleysingum (heldur ógeðfelldu ofstækisfólki), ekki frekar en eigandi Eyjunnar/Pressunar, sem á kannski við aðra andlega örðugleika að stríða, ekki heldur ESB fólkið sem starfrækir 365 miðla, ekki Egill Helgason, ekki Össur Skarphéðinsson eða Álfheiður Ingadóttir og Björn Valur Gíslason.

Hinsvegar er nokkuð augljóst að ég misskildi tilgang pistilsins, og sjálfsagt að biðjast afsökunar á því.

Það breytir því ekki að vitleysingar eiga ekkert erindi inn í umræðuna. Hún er alvarlegri en svo.