Neytendur svartsýnir, en eiga að bera uppi hagvöxtinn

Samkvæmt Gallup eykst svartsýni neytenda á að ástand efnahagsmálanna batni nokkuð á næstunni, reyndar hefur trú á slíka þróun verið á stöðuguri niðurleið undanfarna mánuði.

Nánast allar undirvísitölur Væntingavísitölunnar lækkuðu og í fréttinni segir m.a:  "Mest var lækkunin á vísitölunni sem mælir mat landans á atvinnuástandinu en hún lækkaði um heil 13,3 stig milli mánaða og mælist nú aðeins 48,7 stig."

Samkvæmt hagspám ríkisstjórnarinnar, seðlabankans og ASÍ er gert ráð fyrir 2,3-2,8% hagvexti á árinu 2011 og á sá vöxtur að vera borinn uppi af aukinni einkaneyslu.  Á meðan fólk öðlast enga trú á því að atvinnuástandið batni og atvinnuleysi minnki, eru litlar líkur á því að neytendur auki eyðslu sína að nokkru ráði og reyndar líklegra að þeir dragi úr henni, enda hefur kaupmáttur farið stöðugt minnkandi og ríkisstjórn og seðlabanka mistekist að halda verðbólgunni innan takmarks seðlabankans, sem er að ársverðbólga verði ekki umfram 2,5%.

Stöðug lækkun Væntingavísitölunnar er í raun vantraust neytenda á ríkisstjórninni og til að breyting verði á, þarf ríkisstjórnin annað hvort að segja af sér eða hætta hatrammri baráttu sinni gegn hvers kyns uppbyggingu atvinnufyrirtækja, leysa sjárvarútveginn úr gíslingu og stuðla þannig að minnkun atvinnuleysis.

Þolinmæði almennings gagnvart ríkisstjórninni er þrotin, enda kjör hans orðin slík að ekki verður við unað lengur.

 

Svartsýni neytenda eykst

Athugasemdir

[Sigurður Haraldsson, 26.4.2011 kl. 14:05]

Samála, stjórnvöld verða að víkja og einnig flokksræðið því að það virkar ekki til handa okkur og lýðræðinu.

[Jóhanna (IP-tala skráð) 26.4.2011 kl. 15:25]

Er einhver sem vill upplýsa mig um hvað Væntingarvísitala er ?

[Axel Jóhann Axelsson, 26.4.2011 kl. 15:45]

Útskýringu á Væntingavísitölunni má sjá HÉRNA