Rekinn fyrir að framfylgja eigendastefnunni

Kristján Jóhannsson, fulltrúi ríkisins í stjórn Arion banka hefur verið rekinn úr stjórn bankans fyrir að fylgja eigendastefnu ríkisins við ráðningu bankastjórans og að hafa samþykkt launakjör hans.  Þessi samviskusemi hans gagnvart eigendastefnu ríkisins í bankarekstri hefur sem sagt kostað hann stjórnarsetuna, eftir því sem fréttir herma.

Í fréttinni kemur þetta fram:  "Þorsteinn Þorsteinsson, formaður stjórnar Bankasýslunnar, segir að stjórn stofnunarinnar telji ekki að með ákvörðun sinni að styðja ákvörðun um laun forstjóra Arion banka hafi Kristján Jóhannsson, fulltrúi Bankasýslunnar í stjórn bankans, brotið gegn eigendastefnu ríkisins."

Vegir ríkisstjórnar Jóhönnu Sigurðardóttur eru órannsakanlegir, eða öllu heldur vegleysur.

Braut ekki gegn eigendastefnunni

Athugasemdir

[Magnús Ágústsson, 21.3.2011 kl. 10:20]

Mikil vaeri nu blessun okka Islendinga ef thetta vaeri thad EINA slaema sem thau hava gert

[Axel Jóhann Axelsson, 21.3.2011 kl. 11:00]

Það er alþekkt áróðursbragð að blása út smáatriðin til að leiða athyglina frá því sem virkilega skiptir máli.

[Bergljót Gunnarsdóttir, 21.3.2011 kl. 11:14]

Vel mælt!

[Kristinn Karl Brynjarsson, 21.3.2011 kl. 11:36]

 Stjórn BR lítur einstaklega illa út í þessu máli.

Það er nærri eitt ár síðan greidd voru atkvæði í bankastjórn Arionbanka um ráðningu og kjör Höskulds.  Það er því óhugsandi að stjórn BR hafi ekkert vitað af málinu fyrr en frétir af því bárust í fjölmiðlum.  Ætla má að fulltrúar BR í bankastjórnum bankanna fundi með stjórn BR og greini henni frá því sem gerist á stjórnarfundum bankanna.  Að hafna því alfarið að stjórn BR hafi ekki verið beitt pólitískum þrýstingi, er af sama kaliberi og að telja fólki trú um jólasveinninn sé til............

[valgeir einar ásbjörnsson (IP-tala skráð) 21.3.2011 kl. 14:31]

Nú er fjárrmálaráðuneytið að fara með hlut stofnfjáreiganda í Byr sparisjóði sem á 95% í Byr hf, ríkið á 5% á ´móti en ef ríkið ræður svona miklu yfir Byr þá spyr ég afhverju er Jón Finnbogason forstjóri Byrs hf með 2,2 milljónir á mánuði

[valgeir einar ásbjörnsson (IP-tala skráð) 21.3.2011 kl. 14:37]

Þorsteinn Þorsteinsson má eiga það að hann brýtur ekki á eigendastefnunni, ég hef aldrei vitað til þess að bankasýslan ræði opinberlega um Basel 2 reikniregluverk bankanna