Árás á réttarkerfið

Einhverjir félagar "níumenninganna" boða til aðgerða gegn réttarkerfinu í landinu í fyrramálið og segir í tilkynningu þeirra að "ætlunin sé að sýna níumenningunum samstöðu fyrir utan eða inni í Héraðsdómi á morgun, fimmtudag, kl 11:00 og fram eftir degi."

Ekki er hægt að líta á svona herútboð öðruvísi en sem hvatningu um árás á dómstólinn og tilraun til að kúga hann til að kveða upp dóm sem "stuðningsmönnunum" líkar og annars megi dómarinn búast við hverju sem er af hálfu þessara óeirðaseggja.

Svona árás á Héraðsdóm og dómara hans getur enginn heiðvirður borgari stutt, burtséð frá skoðunum á því hvort sakborningarnir séu sekir eða saklausir.  Það er hlutverk dómarans að komast að niðurstöðu um hvort er og kveða upp dóm í samræmi við það.  Aðrir en sækjandi og verjandi eiga ekki að reyna að hafa áhrif á niðurstöðuna og allra síst einhverjir óeirðaseggir.

Verður næst boðað til útifundar við dómshúsið til stuðnings morðingjum eða nauðgurum? 

Boða til mótmæla við Héraðsdóm

Athugasemdir

[Baldur Hermannsson, 19.1.2011 kl. 22:03]

Þarna verður reynt að hafa áhrif á störf dómstólanna. Þetta er fullkomið brot á öllum grundvallarreglum réttarríkisins. Hvaða afstöðu sem menn kunna að hafa til málsins verða allir þjóðhollir Íslendingar að fordæma þetta ofstopaverk.

[Númi (IP-tala skráð) 19.1.2011 kl. 23:04]

Mikið eigið þið bágt Baldur og Axel,að vera komnir með níumenningana á heilann. Eru þeir að ykkar mati rót þeirra vandamála er þjóðin baslar við nú? það mætti halda það miðað við bloggskrif ykkar hér og þar um þá.      Ég styð níumenningana.

[Axel Jóhann Axelsson, 19.1.2011 kl. 23:57]

Númi, ég styð réttarríkið.

[Baldur Hermannsson, 20.1.2011 kl. 09:36]

Númi, ert það ekki þú sjálfur sem kominn er með níumenningana á heilann? Ég hugsa sjaldan til þeirra og vorkenni þeim, þetta eru auðnuleysingjar og þurfa að fara í atferlismótun sem allra fyrst. Fangelsisvist mun ekki hjálpa þessum kjánum.

[Númi (IP-tala skráð) 20.1.2011 kl. 11:14]

Enn vorkenni ég þér, Baldur.

[Baldur Hermannsson, 20.1.2011 kl. 12:05]

Takk fyrir það Númi. Það er gott að vita af manni eins og þér úti í myrkrinu, sívorkennandi döprum sálum.

[f.v (IP-tala skráð) 20.1.2011 kl. 14:39]

Réttaríkið hefur það hlutverk að verja hagsmuni hina ríku.

Lögin eru samin fyrir og af þeim sem hafa alla peningana og völdin.

[Axel Jóhann Axelsson, 20.1.2011 kl. 15:21]

f.v., þegar svona speki er dengt inn í umræðuna getur maður ekki gert neitt annað en staðið upp og hneigt sig í auðmýkt.