Dómarinn stal marki af Englendingum

Nú er leikhlé í gríðarspennandi leik Þjóðverja og Englendinga í 16 liða úrslitum HM.  Leikurinn hefur verið vel spilaður af báðum liðum og mikil spenna um hvernig leikurinn fer, en nú er staðan 2-1 fyrir Þjóðverja.

Það sögulegasta sem gerðist í fyrri hálfleik var að dómarinn skyldi dæma fullkomlega löglegt mark af Englendingum, en allir nema dómarnir sáu að boltinn fór úr slá og langt innfyrir marklínu.

Fari svo, að Þjóðverjar vinni leikinn með eins marks mun, mun allt verða vitlaust, a.m.k. hjá enskum fótboltabullum og þá gæti dregið til stórtíðinda í Suður-Afríku.

Hvernig sem fer, verður þetta leikur sem lengi verður munað eftir og um hann verður talað næstu árin.

Þjóðverjar skelltu Englendingum 4:1

Athugasemdir

[Eiki S. (IP-tala skráð) 27.6.2010 kl. 16:01]

bíttar engu...GER var ca. 10x betra og tæknilega besta lið mótsins fram að þessu...Yeah!!! Nú buffa þeir Argentínu og senda Maradona prímadonnu grátandi í meðferð til Kúbu :) Kveðja

[Úlfur Karlsson (IP-tala skráð) 27.6.2010 kl. 16:15]

Flott hjá þýskalandi er svakalega hrifinn af þessu þýska liði ósammála þér,fullkommlega sanngjarn sigur.

[hilmar jónsson, 27.6.2010 kl. 17:12]

Sammála með markið. En þar fyrir utan áttu Englendingar aldrei glætu möguleika.

[Axel Jóhann Axelsson, 27.6.2010 kl. 17:19]

Færslan var skrifuð í leikhléinu og fyrri hálfleikur var nokkuð jafn, þannig að þetta mark, sem var dæmt af, hefði getað skipt máli.

Seinni hálfleikinn áttu Þjóðverjar algerlega og Tjallarnir sáu aldrei til sólar. Úrslitaleikurinn verður örugglega milli Argentínu og þýskalands og ómögulegt að spá hvorir vinna.

[Kristinn Karl Brynjarsson, 27.6.2010 kl. 17:42]

Það er því miður ekki svo að Argentína og Þýskaland, spili til úrslita, því að í 8-liða úrslitum munu Þjóðverjar mæta sigurvegurum úr leik Argentínu og Mexíkó.

[Baldur Fjölnisson, 27.6.2010 kl. 18:41]

Það bíttaði engu með þetta mark, Þýskararnir höfðu þetta alveg í hendi sér.

Þeir eru líklegir í úrslitin en samt ætla ég að veðja þar á Brasilía vs. Argentína

og að Brazzarnir taki það.

[Baldur Fjölnisson, 27.6.2010 kl. 18:53]

Annars eru núna 20 ár síðan al leiðinlegasta heimsmeistarakeppni ever var haldin á Ítalíu og einkenndist hún af töfum og leiðindum og það svo að tveimur árum seinna var reglunum breytt verulega í sambandi við sendingar aftur á markmann og tafir í sambandi við það. Úrslitaleikurinn var hræðilegur og voru þar vestur Þjóðverjar að reyna að ná fram hefndum á Argentínumönnum fyrir úrslitaleikinn fjórum árum áður.  Þeim tókst að merja 1-0 sigur með víti fimm mínútum fyrir leikslok og aldrei áður hafði nokkur verið rekinn af velli í úrslitaleik á HM en þarna fuku tveir Argentínumenn útaf. Vinni Argentínumenn Mexíkó, verður hörmungin frá 1990 örugglega ofanlega í huga Maradona og kó.

[Axel Jóhann Axelsson, 27.6.2010 kl. 19:09]

Kristinn Karl, þetta var fljótfærni hjá mér með að tala um Þjóðverja og Argentínumenn í úrslitaleiknum.  Sennilega náði óskhyggja yfirhöndinni yfir rökhugsuninni.

Baldur, þetta er skemmtileg upprifjun hjá þér og gott að hafa í huga, ef þessi lið mætast í átta liða úrslitunum.

[Baldur Fjölnisson, 27.6.2010 kl. 20:14]

Þetta eru hreint frábær tilþrif hjá Argentínu gegn Mexíkó og verður Argentína vs. Þýskaland hrikalegur stórleikur í 8-liða úrslitunum. Argentína er að leika það vel að ég er núna kominn með 55-45 á þá á í úrslitum á móti Brasilíu. En Þjóðverjar eru alltaf stórhættulegir. Þeir gætu alveg tekið þetta núna. Í úrslitaleik á milli Brasilíu og Þýskalands myndi ég veðja á Þjóðverjana. Hvað um það; tvö frábær lið munu berjast Argentína gegn Þýskalandi.