Ísbirnirnir í góðum málum?

Síðustu ár hefur því verið haldið fram að ísbirnir séu í útrýmingarhættu vegna þess að hafís sé algjörlega að hverfa á norðurslóðum.  Nú berast hins vegar fregnir af því, að hafísinn hafi aukist svo mjög í Noður-Íshafinu, að hann sé orðinn eins mikill og hann var, fyrir árið 2000.

Í fréttinni segir:  "Dr. Mark Serreze, við bandarísku ísrannsóknamiðstöðina, sem tók upplýsingarnar saman segir að þessar nýju niðurstöður þýði ekki að hnattrænni hlýnun sé lokið. Hann segir að vöxt hafíssins megi þakka óvenju miklum kuldum, einkum í Beringshafi." 

Þrátt fyrir þessar kenningar um jarðarhlýnunina hafa verið óvenju miklar vetrarhörkur um alla Evrópu og í Norður Ameríku, og þar við bætast þessar nýju fréttir af aukningu hafíssins á norðurhjaranum.

Vísindamenn verða sjálfsagt ekki í vandræðum með að útskýra hvernig þakka megi hlýnun andrúmsloftsins þessa óvenjulegu kulda.

Ísbirnirnir þurfa að minnsta kosti ekki að kvíða því, að verða heimilislausir á næstunni. 

Hafís eykst á norðurslóðum

Athugasemdir

[Bjöggi (IP-tala skráð) 5.4.2010 kl. 13:58]

Síðasti vetur er einn sá hlýjasti síðan veðurmælingar hófust. Það hefur orðið staðbundin kólnun á nokkrum stöðum í heiminum síðasta vetur, aðallega á norðurhveli jarðar. Hlýnun er trendið í dag, það hefur til dæmis aldrei verið jafn snjólítið og lítill ís á S-Grænlandi og íshellan í kringum Suðurskautið hefur aldrei bráðnað jafn hratt og síðasta vetur (sumar þar).

Það þarf að horfa á heildarmyndina, ekki taka nokkur dæmi málin SÍNU til stuðnings, eins og tilhneigingin virðist vera hjá þér. 

[Baldur (IP-tala skráð) 5.4.2010 kl. 16:17]

Sammála þér, Bjöggi.

Hér verður að horfa á stóru myndina. Ekki nægir, Axel, að segja að það hafi verið óvenju kalt þegar þú gekkst út á svalir í gærkvöldi. Þó að ís hafi aukist á norðurpólnum einn vetur þá þýðir það ekki að allt sé eins og það var.

Þegar ég var yngri var alltaf allt á kafi í snjó á Íslandi á veturna. Alltaf. Nú þykir það viðburður ef hægt er að opna í Bláfjöllum, þó veturinn í vetur hafi  ef til vill verið kaldari en stundum áður, sérstaklega fyrir norðan. Þegar horft er til lengri tíma er veðráttan á Íslandi allt önnur en fyrir t.d. 50 árum.

[Axel Jóhann Axelsson, 5.4.2010 kl. 18:44]

Ég var ekki að fullyrða neitt, aðallega að fagna því að ísbirnirnir yrðu ekki heimilslausir á næstunni.  Einnig sagði ég að vísindamenn yrðu örugglega ekki í vandræðum með að útskýra hvernig hlýnun andrúmsloftsins eykur kuldann svona mikið.

Ísöldin varð ekki af mannavöldum og þá ekki hlýnunin eftir hana.  Ætli það þurfi nokkuð mannaverk til að valda sveiflum í veðurfari?

[Hamarinn, 5.4.2010 kl. 18:47]

Svo lengi sem þeir álpast ekki til Íslands, þá verður í lagi með þá!!!!!!!

[Höskuldur Búi Jónsson, 5.4.2010 kl. 21:42]

Nú er það aðallega mannanna verk sem er valdur að loftslagsbreytingum - sjá: http://www.loftslag.is/?page_id=6339