James Bond og félagar í fullu fjöri

Leyniþjónusta Ísraels, Mossad, hefur sýnt í gegnum tíðina, að hún er ein öflugasta leyniþjónusustofnun heims og líklega sú harðskeyttasta.  Útsendarar Mossad hafa á undanförnum áratugum myrt marga foringja í ýmsum herjum og andspyrnuhópum araba og oftast tekist ætlunarverkin, án þess að útsendararnir næðust, eða upp um þá kæmist.

Síðasta morð þeirra var framkvæmt í Dubai nýlega á háttsettum Hamasliða, sem var í vopnakaupaleiðangri í Dubai, en þrátt fyrir mikla eymd og fátækt á Gasa, virðist aldrei skorta þar fé til vopnakaupa til þess að  nota í hermdarverkaárásum á Ísrael.

Annað sem vekur athygli við fréttina, er hve vel leyniþjónusta Dubai getur fylgst vel með því hverjir koma inn í landið og hvað hún virðist geta rakið slóð þeirra með njósnamyndavélum, sem þar virðast vera um allar trissur.  Í þessu tilfelli getur hún rakið saman slóð "ferðamanna" með vegabréf frá nokkrum löndum og hvar og hvenær slóðir þeirra hafa legið saman, eftir komu þeirra til Dubai.

Þetta sýnir í hnotskurn að James Bond og félagar eru enn í fullu fjöri og láta ekki deigan síga í störfum sínum, líklega um allan heim.

Böndin berast að Mossad

Athugasemdir

[ELÍAS RÚNAR (IP-tala skráð) 17.2.2010 kl. 19:50]

Ekki gleyma því að án fjárstuðnings erlendra ríkja geta Ísraelar ekki rekið mennta eða heilbrigðiskerfi nema í um 3 mánuði.Það eru alltaf til peningar fyrir stríði þar á bæ.

[Axel Jóhann Axelsson, 17.2.2010 kl. 19:55]

Það eru alltaf til peningar fyrir vopnum og stríði hvar sem er í heiminum.  Það er ekkert ríki svo fátækt, að það hafi ekki efni á að halda úti her.  Nema Ísland auðvitað.

[Kassandra (IP-tala skráð) 18.2.2010 kl. 09:21]

Yes, Axel Johann Axelsson, you are right, the Mossad´s finger is behind everything. I heard that the Mossad was behind the Titanic sunk, the awakening of most volcanos around the world ( look out for Hekla!), global warming, and most of the plagues in Europe during the Middle Ages.

Be careful when you sit somewhere, the Mossad´s finger could be there!!

[Axel Jóhann Axelsson, 18.2.2010 kl. 09:31]

Kassandra, ég var alls ekki að fordæma Mossad, frekar að lýsa aðdáun á því, að þetta skuli vera ein skilvirkasta og besta leyniþjónusta heims.  Auðvitað beita Ísraelar öllum ráðum, til að verja þjóð sína fyrir árásum hryðjuverkamanna.  Það er sjálfsögð sjálfsvörn.