Jafnast Kaupþing á við svikamyllu Madoffs?

Luxemborg hefur verið eitt lokaðasta bankaland heims og bankleynd svo ströng, að Luxemborg hefur verið draumaríki þeirra, sem hafa viljað fela peninga sína, hvort sem þeri hafa verið vel eða illa fengnir.  Frá Luxemborg hafa síðan legið þræðir til allra helstu peningafelustaðanna, svo sem til Tortola og annarra álíka fjármagnsfelustaða.

Ólafi Haukssyni, séstökum saksóknara, tókst að fá heimild yfirvalda í Luxemborg til að framkvæma leit í fyrrum höfuðstöðvum Kaupþings þar í landi, ásamt leit á a.m.k. einu einkaheimili, sem tengdist rannsókninni.  Aðeins einu sinni áður hefur slíkt leyfi verið veitt í Luxemborg og var það í tengslum við svikamyllu bandaríkjamannsins Bernards Madoffs, en viðskiptavinir hans töpuðu 65 milljörðum dollara á glæpum hans.

Að yfirvöld í Luxemborg skuli hafa heimilað leitina hjá Kaupþingi getur ekki bent til annars, en að Ólafi hafi getað sýnt fram á að hann væri að rannsaka meint svik Kaupþingsmanna, sem hægt væri að líkja við svik Madoffs, án þess þó að hægt sé að reikna með að hin meintu svik séu af sömu peningalegu stærðargráðu.

Húsleitirnar og samþykkið fyrir þeim, sýnir algerlega í hnotskurn hvaða mat lagt er á starfsemi íslensku bankanna fyrir hrun.

Sýnir þetta ef til vill, að í íslenska bankakerfinu hafi starfað margir jafokar Madoffs í fjársvikum?

Svipað leyfi og vegna Madoffs

Athugasemdir

[Jakob Þór Haraldsson, 13.2.2010 kl. 14:08]

Vissulega voru okkar glæpamenn stærstu bankaræningjar Evrópu - tær snild eða hitt þó heldur.  Eva Jolly mun ná í skotið á þessu liði og vonandi elta uppi "illa fengið FÉ".  Eða með orðum Forseta Íslands: "...yOu ain´t seen nOthing yet..!"

kv. Heilbrigð skynsemi (fun.blog.is)

[Arnar (IP-tala skráð) 13.2.2010 kl. 16:18]

.... og vonandi verða þeir dæmdir í 150 ára fangelsi svo að komandi kynslóðir verði ekki fyrir barðinu á þeim....

[Haraldur Bjarnason, 13.2.2010 kl. 17:43]

Svarið við fyrirsögninni hjá þér er: JÁ... en íslenskt dómskerfi kemur aldrei til með að dæma glæpamennina samkvæmt því. Þar eru tengslin of mikil.

[Jón (IP-tala skráð) 13.2.2010 kl. 18:13]

Sammála Haraldi.

Fjármagnsliðið á hauk í horni í dómskerfinu, sjáum bara til.

[Axel Jóhann Axelsson, 13.2.2010 kl. 21:38]

Haraldur og Jón, dómstólarnir dæma eftir lögunum, sækjendur ákæra og leggja fram sannanir og verjendur verjast.  Þetta er spurning um frammistöðu sækjenda og verjenda, ekki dómstólanna.

Það eru engir haukar í horni hjá dómstólunum, bara dómarar.