Mergurinn málsins

Eins og venjulega, þegar VG er á móti einhverju máli, þá er auðvelt að smala nokkrum gjömmurum á áheyrendapalla borgarstjórnar og fá þá til að gera hróp að andstæðingum VG, þegar þeir flytja mál sitt úr ræðustóli.

Samkvæmt fréttinni benti Hanna Birna, borgarstjóri, á þessa augljósu staðreynd:  "Samningurinn við Magma Energy snerist einfaldlega um sölu á hlut OR í HS Orku, annað ekki."  Þessi einföldu sannindi er verið að reyna að hártoga á allan hátt og gera eins tortryggilegt og mögulegt er.

HS orka á ekki auðlindinar sem hún ætlar að virkja, heldur gerir vinnslusamning um þær og greiðir auðlindagjald til Reykjanesbæjar, sem er eigandi auðlindarinnar.  HS orka hefur í huga að fara út í framkvæmdir, fyrir a.m.k. fimmtíumilljarða króna, sem Magma Energy mun geta útvegað, en slíkar upphæðir ligggja ekki á lausu fyrir Íslendinga nú um stundir, jafnvel þó meirihluti HS orku verði í meirihlutaeign Íslendinga, eftir þessa hlutabréfasölu, sem áður.

Skilningur þyrfti að vakna á því, að í landinu er kreppa og allt erlent fjármagn ætti að vera velkomið.

Hróp gerð að borgarstjóra

61,5% myndu greiða atkvæði gegn aðild að ESB

Meirihluti landsmanna er óánægður með að sótt hafi verið um aðild að ESB og 61,5% þeirra sem spurðir voru í könnun Capasent fyrir Samtök iðnaðarins, segjast sennilega eða örugglega greiða atkvæði á móti aðildarsamningi, ef kosið yrði nú.

Aldrei, frá því að Samtök iðnaðarins hófu að láta gera kannanir um Evrópumálin, hafa fleiri verið andvígir aðild að ESB og hafa samtökin þó rekið sterkan áróður fyrir inngöngu Íslands í ESB.  Þetta þarf þó ekki að koma á óvart, eftir að ESB sýndi sitt rétta andlit með stuðningi sínum við að Íslendingar yrðu hnepptir í þrældóm fyrir Breta og Hollendinga með efnahagsstríðinu gegn þjóðinni vegna Icesave skulda Landsbankans.

Því máli er alls ekki lokið, þar sem skriflegt samþykki Breta og Hollendinga þarf vegna fyrirvaranna, sem Alþingi setti fyrir ríkisábyrgðinni á skuldaklafann, en þrælapískararnir hafa ekki einu sinni séð sóma sinn í að svara Alþingi vegna málsins.  Með því lítur svo út, að þrælahöfðingjarnir ætli ekki að svara neinu, heldur halda áfram þvingunaraðgerðum sínum gegn Íslendingum og pína þá til að draga fyrirvarana til baka.

Alþjóðagjaldeyrissjóurinn hefur nú tilkynnt, að fyrsta endurskoðun efnahagsáætlunar Íslands og sjóðsins verði ekki tekin fyrir á fundi sjóðsins í September, en henni hefur verið frestað trekk í trekk síðan í Febrúar.

Er nema von að þjóðin snúist til varnar gegn ESB og handrukkaragengi þess?

Fleiri andvígir en hlynntir ESB-aðild

Hraðaspurningar og bjöllusauðir

Nú eru þrjár vikur þar til Alþingi kemur saman á ný og samkvæmt venju verða fjárlög lögð fyrir þingið í októberbyrjun.  Fjárlög næsta árs þurfa að vera vel unnin, enda þarf þar að gera ráð fyrir tugmilljarða niðurskurði í ríkisrekstrinum frá því sem verið hefur undanfarin ár.

Vitað er um mikinn ágreining milli stjórnarflokkanna um leiðir í þessum niðurskurði og því hefði mátt ætla að allur kraftur ráðuneytanna myndi beinast að vinnu við fjárlögin á næstu vikum og mánuðum.  Þá birtist Olle Rehn með spurningaleik EB og ráðuneytin láta eins og um sé að ræða hraðaspurningar í Popppunkti, eða eins og segir í fréttinni:  "Tugir starfsmanna ráðuneyta og stofnana hafa hraðar hendur við að semja svör við spurningum ESB vegna aðildarumsóknar Íslands. Eiga einstök ráðuneyti að skila af sér í þessari viku."

Grínistinn í Utanríkisráðuneytinu lætur eins og umsókn um aðild að ESB sé einhver leikur, sem starfsmenn ráðuneyta og stofnana megi vera að eyða tíma í, nú þegar allt kerfið ætti að vera á fullu í vinnu við fjárlög og tillögur um úrbætur á vanda heimilanna í landinu.

Ráðherrar hafa sagt að þau úrræði, sem fundin verði til bjargar heimilum almennings megi ekki kosta eina krónu, en á sama tíma telja þeir réttlætanlegt að eyða milljörðum í spurningaleiki og spjall við fulltrúa Evrópusambandsins.

Forsætisráðherrann er týndur, utanríkisráðherrann leikur sér og fjármálaráðherrann er ráðalaus.

Næsta bjölluspurning er:  "Af hvaða fyrirbæri er er myndin, sem nú er að birtast?"

Hraðaspurningunum svarað á næstu dögum

Verður Högum haldið til haga?

Skiptafundur verður í þrotabúi Baugs klukkan tvö í dag og munu kröfur vera á fjórða hundrað milljarða króna og eru bankarnir stæstir kröfuhafa, eða eins og segir í fréttinni:  "Stóru viðskiptabankarnir eru langstærstu kröfuhafarnir en þeir voru allir mjög duglegir að lána Baugi Group fyrir bankahrunið." 

Bankarnir voru duglegir að lána Baugi, en þeir virðast hins vegar ekki leggja jafn mikinn metnað í kröfulýsingarnar, því kröfu Landsbankans að upphæð 94 milljarða króna var hafnað "að svo stöddu", því haft er eftor sloðtastkóranum:  "Erlingur sagði í samtali við Morgunblaðið 9. september síðastliðinn að kröfum stærstu kröfuhafa í þrotabú Baugs Group er hafnað þar sem ýmist  kröfulýsing væri ekki fullnægjandi eða ekki lægi fyrir upplýsingar um verðmæti undirliggjandi veða."

Einnig hefur komið fram, að Kaupþing aðstoðaði Jón Ásgeir við að koma Högum undan þrotabúi Baugs, skömmu fyrir bankahrunið, og veitti til þess eitt kúlulán að upphæð 30 milljarða króna, sem Jón Ásgeir segir nú, að kröfuhafar geti tapað, ef hann fái ekki tíma til að endurfjármagna Haga með erlendu hlutafé, sem "vinir" hans í Bretlandi ætli að leggja fram á næstu árum.

Kröfum í þrotabúið er ekki haldið almennilega til haga.

Ætli Högum verði frekar haldið til haga?

 

Kröfuhafar Baugs funda

Óábyrgir borgarfulltrúar

Það er með ólíkindum að fylgjast með hálf barnalegu þrasi stjórnarandstæðinga í borgarstjórn vegna sölu OR á hlut sínum til Magma Energy.  Allt er tínt til í aumkunarverðri tilraun til að gera söluna tortryggilega og ekkert tillit til þess tekið, að samkvæmt úrskurði samkeppnisstofnunar varð OR að selja sinn hlut og átti í raun að vera búin að því, en kaupandi hafði ekki fundist fyrr.

Í þeirri efnahagskreppu sem nú er við að eiga, er aðkoma erlendra fjárfesta að íslensku efnahagslífi, það sem mikilvægast er í endurreisninni og því ætti að fagna kaupum Magma Energy, en ekki gera allt sem illur hugur getur fengið menn til að gera til að tefja og spilla fyrir slíkri fjárfestingu.

HS orka hyggur á fimmtíumilljarða fjárfestingu á næstunni og til þess þarf erlent fé og Magma Energy getur útvegað þann gjaldeyri og ef eitthvert vit væri í viðbrögðum manna við aðkomu fyrirtækisins að HS orku, ættu þau viðbrögð að einkennast af fögnuði en ekki óvild og hatri á öllum fjárfestingum erlendra aðila í íslensku atvinnulífi.

Erlendum aðilum gefst nú kostur á að kaupa Íslandsbanka, sem á, eða hefur öll tök á, Geysi Green Energy, sem á meirihluta í HS orku. 

Stjórnmálamenn vita ekki alltaf hvað á að gera við aðra höndina, meðan þeir klóra sér einhversstaðar með hinni.

Endurskoðendur í svaðið?

Eðlileg afgreiðsla

Afstaða kröfuhafa Milestone er afar skiljanleg og jafn sjálfsagt er að óska eftir gjaldþroti félagsins og reyna allar þær riftanir á eignatilfærslum frá félaginu á undanförnum árum.  Miðað við annað, sem komið hefur í ljós af gerðum eigenda Milestone, t.d. varðandi bótasjóð Sjóvár, þá er nauðsynlegt að fara ofan í allar gjörðir þeirra á liðnum mánuðum og árum.

Hins vega er óskiljanlegt, að Glitnir skuli hafa stutt nauðasamning, þar sem bankinn átti að fá 6% upp í 44 milljarða skuld félagsins við bankann.  Ekki er hægt að sjá í fljótu bragði hvaða hag bankinn hefði haft af slíkum nauðasamningi, því væntanlega hefði hann komið í veg fyrir nákvæma rannsókn á eignatilfærslunum út úr félaginu að undanförnu.

Ekki er heldur auðskilið hvaða tökum bankarnir hafa tekið aðra útrásarvíkinga, sem virðast ennþá hafa bankana í vasanum, þótt þeir séu nú komnir í ríkiseigu, eins og reyndar mörg útrásarfyrirtækjanna.  Þrátt fyrir að bankarnir hafi tekið fyrirtæki útrásarmógúlanna í fóstur, er ekki þar með sagt, að þeir þurfi líka að fóstra mógúlana sjálfa og vernda þá, eins og um eigin börn væri að ræða.

Vegir bankanna eru órannsakanlegir og óskiljanlegir öllu venjulegu fólki, sem alls staðar kemur að lokuðum dyrum með sín mál.

Höfnuðu nauðasamningi

Fáráðlegar röksemdir

Það eru nokkuð skringilegar röksemdir, að Jóh Magnússon, lögmaður, eða hvaða einstaklingur annar, skuli teljast vanhæfur í embætti saksóknara, út á það eitt, að hafa lýst skoðunum sínum á mönnum og málefnum opinberlega.  Á blogginu hefur Jón Magnússon ávallt verið málefnalegur og sagt skoðanir sínar, án þess að lýsa sök á menn, en eingöngu sagt sína skoðun, tiltölulega umbúðalaust.

Hvenær eru menn búnir að segja of mikið til að verða vanhæfir í sakamáli.  Um leið og saksóknari tekur mál til rannsóknar, er hann þá ekki um leið búinn að gefa upp þá skoðun sína, að hann telji að þeir, sem rannsóknin beinist að, séu líklega sekir um glæp.  Að ekki sé talað um, þegar hann stefnir viðkomandi fyrir dóm og ákærir þá um tiltekna glæpi, þá hlýtur hann að gera það, vegna þess að hann sé á þeirri skoðun, að viðkomandi séu glæpamenn.

Varla verður saksóknari vanhæfur í málinu, þrátt fyrir svo afdráttarlausa yfirlýsingu á skoðun sinni, þvert á móti reynir hann að sannfæra dómarann um að þetta álit sitt á sakborningunum sé rétt.  Verjendur reyna síðan að leiða fram rök, sem eiga afsanna þessa skoðun saksóknarans.

Það er alveg fáráðlegt að dæma menn vanhæfa til embættis vegna þátttöku þeirra í almennri þjóðfélagsumræðu.

Enda er þetta fyrirsláttur í þessu tilfelli.  Þarna ráða stjórnmálaskoðanir Jóns, en málamyndaástæður fundnar til þess að hafna honum.

Jón dregur umsókn til baka

Róttækar ráðstafanir á 10 dögum?

Ríkisstjórnin hefur setið við völd frá því í byrjun Febrúar og hefur ekki ennþá komið fram með ásættanlegar tillögur til úrbóta vegna lánavanda heimilanna í landinu, en boðar nú að róttækar aðgerðir verði kynntar þann 24. september, eða eftir 10 daga. 

Þessar róttæku ráðstafanir eiga ekki að kosta ríkissjóð neitt, en ekkert kemur fram frá ráðherrunum annað en að málin séu ennþá í skoðun og nokkrar leiðir komi til greina.  Það verður að teljast vel að verki staðið, hjá ríkisstjórninni, ef hún getur fundið leiðir, sem allir verða sáttir við á þessum tíu dögum, leiðir sem hún hefur ekki fundið á síðustu átta mánuðum. 

Í fréttinni segir:  "Heimildir innan stjórnarheimilisins herma hins vegar að allar hugmyndir séu ræddar á þeirri forsendu, að þær leiði ekki til meiri útgjalda fyrir ríkissjóð. Gylfi segir mikilvægt að nýjar aðgerðir tryggi betur jafnræði milli heimila og gangi yfir alla sem einn, óháð því hvar þeir tóku lán. „Svo efnahagsreikningur hverrar lánastofnunar ráði því ekki hvaða úrræði hver fjölskylda fær.“

Það er sem sagt verið að ræða fjölda hugmynda, sem ekkert eiga að kosta og eiga að tryggja jafnræði milli heimila og lánastofnanirnar eiga ekki að ráða hvaða úrræði hver fær.

Líklegasta niðurstaðan verður líklega sú, að ekki finnist niðurstaða, frekar en áður.

Róttækari aðgerðir til handa heimilum

Stuðningur við börn í Jemen

Í Jemen er mikil almenn fátækt og landið harðbýlt og þar er ekki mikið um ræktanlegt land, þó ótrúlegt sé í raun og veru hvernig landsmönnum þó tekst til í þeim efnum, þar sem landið er að stórum hluta eyðimerkur og fjalllendi.

Þrátt fyrir harðbýlið og fátæktina er fólkið brosmilt og elskulegt og lítil hætta á ferðum fyrir útlendinga sem ferðast til landsins.  Ferðaiðnaður er þó ekki sérstaklega þróaður, enda landið tiltölulega úr alfaraleið og Jemen fátækasta arabaríkið.

Jóhanna Kristjónsdóttir hefur frá árinu 2004 staðið fyrir stuðningi við menntun jemenskra barna, aðallega stúlkna, enda situr menntun þeirra á hakanum, ef sonur er í fjölskyldu og ekki efni til að senda öll börn í skóla.  Jemenskar fjölskyldur eru oft barnmargar, en mjög algengt er að ekki séu efni til að senda börnin í skóla og yfirleitt eru drengirnir látnir ganga fyrir menntun.

Stuðnigsnet Jóhönnu við menntun barna í Jemen skiptir sjálfsagt ekki sköpum um menntunarstig landsins, en það skiptir sköpum um framtíð þeirra barna, aðallega stúlkna, sem aðstoðarinnar njóta og myndu þau alls ekki fá neina menntun, ef þessa stuðnings nyti ekki við.

Allar upplýsingar um félagsskap Jóhönnu má fá hérna

12 ára lést við fæðingu barns

Kolvitlaus fyrirsögn

Fyrirsögnin á þessari frétt er alveg arfavitlaus, þar sem Eva Joly var hreint ekki að lýsa íslenska bankahruninu við svikamyllu Bernards Madoffs í Bandaríkjunum, en fyrir sinn þjófnað fékk hann 150 ára fangelsisdóm.

Það sem Joly sagði, var að það sem væri líkt með þessum málum, væri að eftirlitsstofnanir hefðu brugðist í báðum löndunum, sem sagt Fjármálaeftirlitin hérlendis og í Bandaríkjunum.  Hún sagði jafnframt að Seðlabankinn hefði verið búinn að vara við því, þegar á árinu 2007 að hann gæti ekki komið bönkunum til aðstoðar ef illa færi, en Fjármálaeftirlitið og stjórnvöld hefðu ekki brugðist við þeim aðvörunum.  Sama gerðist í máli Maddoffs, því eftirlitsstofnanir þar brugðust ekki við vísbendingum um svikamyllu hans.

Starfsemi íslensku banka- og útrásarmógúlanna var nógu glæfraleg, að ekki sé sagt glæpsamleg, þó ekki sé þeirri starfsemi beinlínis líkt við svikamyllu Maddoffs, sem var af allt öðrum toga.

Það hlýtur að vera lágmarkskrafa, að mbl.is og aðrir fjölmiðlar, fari rétt með það sem viðmælendur þeirra segja og rangtúlki ekki viljandi, það sem þeir endurprenta úr öðrum fjölmiðlum.

Bankahrun líkist máli Madoffs