Íslendingar seldir í ánauð Breta og Hollendinga

Þau hörmulegu tíðindi gerðust nú fyrir stundu, að meirihluti Alþingis samþykkti að selja þjóð sína í þrældóm fyrir Breta og Hollendinga til næstu áratuga, en í því felst að drjúgur hluti skattgreiðslna íslensks launafólks mun renna beint í ríkissjóði þessara erlendu þrælapískara.

Áður hafði sami meirihluti þingmanna hafnað því að leyfa verðandi þrælum að ráða sjálfum örlögum sínum í þjóðaratkvæðagreiðslu.

30. Desember 2009 er sorgardagur í sögu lands og þjóðar og mun þeirrar dagsetningar verða minnst í framtíðinni, sem þess dags sem niðurlæging þings og þjóðar hefur orðið einna mest.

Nöfn þeirra 33 þingmanna, sem samþykktu þessi svik við þjóð sína, mun verða minnst í Íslandssögunni og verða höfð að háði og spotti um aldir.

Þjóðin mun um síðir brjótast undan oki þeirra og þeirra erlendu húsbænda.

Alþingi samþykkti Icesave

Athugasemdir

[Geir (IP-tala skráð) 30.12.2009 kl. 23:54]

Allir að mæta á bessastaði á morgun að mótmæla þessari nauðgun á Íslandi!

[Jóhann (IP-tala skráð) 31.12.2009 kl. 00:01]

Kannski verður það gaman að vera Ensk nýlenda.

[Jón Óskarsson, 31.12.2009 kl. 00:02]

Þessa dags verður lengi minnst sem sorgardags og það var sorglegt að horfa upp á atkvæðagreiðsluna á Alþingi í kvöld.  Skrípaleikur "órólegu deildarinnar" í VG var ótrúlegur.  Ásmundur og Guðfríður sögu já við þjóðaratkvæðagreiðslu en Ögmundur og Lilja sögðu nei.  Síðan snérist stuðningurinn við þegar kom að frumvarpinu í heild.  

Röksemd Ögmundar fyrir því að segja nei við þjóðaratkvæða greiðslu voru byggð á hefndarhug gagnvart þeim flokkum sem samþykktu ekki þjóðaratkvæðagreiðslu um Kárahnjúkavirkjun á sínum tíma.  Störf þingmanna á Alþingi eiga ekki að byggjast á hefndarhug, heldur snúast um það sem þjóðinni er fyrir bestu hverju sinni.

Einn ræðumanna kvöldsins útskýrði fyrir þjóðinni fyrir hvað skammstöfunin VG stendur.  Valdaglaðir.  Valdaglaðir er rétta nafnið á þennan flokk.

[Axel Jóhann Axelsson, 31.12.2009 kl. 00:07]

Já, ValdaGlaðir er sannkallað réttnefni.  Nú verður spennandi að sjá, hvernig forsetinn réttlætir staðfestinu sína á lögunum, eftir tilvísun hans til fyrirvaranna, síðast þegar hann samþykkti ríkisábyrgðarlögin.

Jafnvel þó hann fái fimmtíuþúsund áskoranir um að synja lögunum staðfestingar, þá mun kjaftaskurinn sá, ekki verða í vandræðum með að réttlæta staðfestinguna.

[Jón Óskarsson, 31.12.2009 kl. 00:19]

Kjarkleysi þingmanna var afhjúpað með atkvæðagreiðslunni um þjóðaratkvæði.  Eðlileg niðurstaða þarf hefði átt að vera 32-33 já og 30-31 nei, en ekki 33 nei.

Vandi Forseta Íslands verður mikill og hann stendur í raun frammi fyrir tveimur valkostum.  Annars vegar að vera samkvæmur sjálfum sér og neita að staðfesta frumvarpið og vísa því til þjóðarinnar, eða hins vegar að bjarga "óskastjórninni" sinni frá falli með því að samþykkja lögin.

Undirskriftalisti InDefence er kominn í yfir 41 þúsund undirskriftir þegar þetta er skrifað og það fjölgar allhressilega á listanum með hverjum klukkutímanum sem líður.  Þessi listi er kominn langt fram yfir þann fjölda sem sýna átti gjána milli þings og þjóðar þegar fjölmiðlafrumvarpinu var mótmælt á sínum tíma.

Það verður fróðlegt að heyra rökstuðning Forseta Íslands.  Ég treysti því að hann verði ekki í neinum vandræðum með að koma orðum að réttlætingu á ákvörðun sinni.

[Gústaf Níelsson, 31.12.2009 kl. 00:45]

Fróðleg verða orð Ólafs Ragnars yfir rústum Vg, en sá ágæti flokkur getur tekið að sér mörg hlutverk í íslenskum stjórnmálum. Verður Sjálfstæðisflokkurinn næsta fórnarlamb þessarar pólitísku amöbu?

[Guðmundur 2. Gunnarsson (IP-tala skráð) 31.12.2009 kl. 21:11]

Við megum ekki gleyma hugleysingjanum af Suðurnesjunum Atla Gíslasyni búslóðarflutningsmanns og skattaskýrsluútfyllanda. 

Nú þurfa menn ekki að vera sér menntaðir í lagafræðum til að skilja ágætlega hvað hegningarlög segja, og hversu víða menn hafa dansað línudans hvað stjórnarskrá varðar.  Td. atriði eins og bregðast skildum hvað samningsgerð varðar og undanskot gagna eins og þeir Steingrímur J. og Össur gerðust sekir um, og breytir engu hvort um brotavilja eða gáleysi er um að ræða.  Sem á við flest ef ekki öll önnur möguleg brot.  Afsakaðu hversu langt þetta verður, en ar sem þetta er lífleg síða er örugglega gagnlegt fyrir marga að hugleiða í hverskonar ógöngur ráðamenn núverandi og fyrrverandi eru búnir að koma sér út í með ömurlegri og fullkomlega óásættanlegri framgöngu sinni í Icesave málinu.

X. kafli. Landráð.

86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.
87. gr. Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess, án þess að verknaðurinn varði við 86. gr., þá varðar það fangelsi ekki skemur en 2 ár eða ævilangt. Sé þetta í því skyni gert að koma erlendu ríki til þess að skerða sjálfsákvörðunarrétt íslenska ríkisins á annan hátt, þá varðar það fangelsi allt að 8 árum.
88. gr. [Hver, sem opinberlega í ræðu eða riti mælir með því eða stuðlar að því, að erlent ríki byrji á fjandsamlegum tiltækjum við íslenska ríkið eða hlutist til um málefni þess, svo og hver sá, er veldur hættu á slíkri íhlutun með móðgunum, líkamsárásum, eignaspjöllum og öðrum athöfnum, sem líklegar eru til að valda slíkri hættu, skal sæta …1) fangelsi allt að 6 árum. Ef brot þykir mjög smávægilegt, má beita sektarhegningu.]2)
1)L. 82/1998, 21. gr. 2)L. 47/1941, 1. gr.
89. gr. Beri íslenskur ríkisborgari í ófriði vopn gegn íslenska ríkinu eða bandamönnum þess, þá varðar það fangelsi ekki skemur en 2 ár.
Sömu refsingu skal hver sá sæta, sem í ófriði, eða þegar ófriður vofir yfir, veitir fjandmönnum íslenska ríkisins liðsinni í orði eða verki eða veikir viðnámsþrótt íslenska ríkisins eða bandamanna þess.
90. gr. Rjúfi maður, meðan á ófriði stendur eða þegar hann vofir yfir, samning eða skuldbindingu, sem varðar ráðstafanir, sem íslenska ríkið hefur gert vegna ófriðar eða ófriðarhættu, þá skal hann sæta …1) fangelsi allt að 3 árum.
Hafi manni orðið slíkt á af stórfelldu gáleysi, skal honum refsað með sektum eða [fangelsi allt að 1 ári].1)
1)L. 82/1998, 22. gr.
91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með …1) fangelsi allt að 3 árum, eða sektum, ef sérstakar málsbætur eru fyrir hendi.
1)L. 82/1998, 23. gr.
92. gr. Hver, sem af ásetningi eða gáleysi kunngerir, lýsir eða skýrir óviðkomandi mönnum frá leynilegum hervarnarráðstöfunum, er íslenska ríkið hefur gert, skal sæta …1) fangelsi allt að 10 árum, eða sektum, ef brot er lítilræði eitt.
Sömu refsingu skal hver sá sæta, sem af ásetningi eða gáleysi stofnar hlutleysisstöðu íslenska ríkisins í hættu, aðstoðar erlent ríki við skerðingu á hlutleysi þess, eða brýtur bann, sem ríkið hefur sett til verndar hlutleysi sínu.
1)L. 82/1998, 24. gr.
93. gr. Stuðli maður að því, að njósnir fyrir erlent ríki eða erlenda stjórnmálaflokka beinist að einhverju innan íslenska ríkisins eða geti beint eða óbeint farið þar fram, þá varðar það …1) fangelsi allt að 5 árum.
1)L. 82/1998, 25. gr.
94. gr. Ef verknaði, sem refsing er lögð við í XXIII., XXIV. eða XXV. kafla laga þessara, er beint að þjóðhöfðingja erlends ríkis eða sendimönnum þess hér á landi, má auka refsingu þá, sem við brotinu liggur, þannig að bætt sé við hana allt að helmingi hennar.
95. gr. [Hver, sem opinberlega smánar erlenda þjóð eða erlent ríki, æðsta ráðamann, þjóðhöfðingja þess, fána þess eða annað viðurkennt þjóðarmerki, fána Sameinuðu þjóðanna eða fána Evrópuráðs, skal sæta sektum [eða fangelsi allt að 2 árum. Nú eru sakir miklar og varðar brot þá fangelsi allt að 6 árum.]1)]2)
[Sömu refsingu skal hver sá sæta, sem smánar opinberlega eða hefur annars í frammi skammaryrði, aðrar móðganir í orðum eða athöfnum, eða ærumeiðandi aðdróttanir við aðra starfsmenn erlends ríkis, sem staddir eru hér á landi.]3)
[Sömu refsingu skal hver sá sæta sem ógnar eða beitir valdi gagnvart sendierindreka erlends ríkis hér á landi eða ræðst inn á eða veldur skemmdum á sendiráðssvæði eða hótar slíku.]4)
1)L. 82/1998, 26. gr. 2)L. 101/1976, 10. gr. 3)L. 47/1941, 2. gr. 4)L. 56/2002, 1. gr.
96. gr. …1)
1)L. 82/1998, 27. gr.
97. gr. Mál út af brotum, sem í þessum kafla getur, skal því aðeins höfða, að dómsmálaráðherra hafi lagt svo fyrir, og sæta þau öll [meðferð sakamála].1)
1)L. 88/2008, 234. gr.

Gleðilegt nýtt ár.  (O: