Undarlegar reikningskúnstir

Steingrímur J., fjármálajarðfræðingur, heldur því fram, að skattbyrði millitekjufólks hækki aðeins um 1-2% og hátekjufólk um 3% að hámarki.

Þetta eru skrítnir útreikningar, eins og sjá má af neðangreindri töflu, sem sett var upp af Jóni Óskarssyn, hérna á blogginu í nóvembermánuðii:

	Miðað við	Núverandi skattkerfi		Nýtt skattkerfi		Hækkun	Hækkun
	4% lsj. =	(Persónu-afsláttur	Hlutfall af	(Persónu-afsláttur	Hlutfall af	skatta	skatta
Laun á mánuði:	Skatt-skyld laun	kr. 42.205)	tekjum í %	kr. 42.205)	tekjum í %	í krónum	í %
150.000	144.000	11.363	7,58%	11.363	7,58%	0	0,00%
200.000	192.000	29.219	14,61%	29.219	14,61%	0	0,00%
300.000	288.000	64.931	21,64%	67.715	22,57%	2.784	4,29%
400.000	384.000	100.643	25,16%	106.211	26,55%	5.568	5,53%
500.000	480.000	136.355	27,27%	144.707	28,94%	8.352	6,13%
600.000	576.000	172.067	28,68%	183.203	30,53%	11.136	6,47%
650.000	624.000	189.923	29,22%	202.451	31,15%	12.528	6,60%

Þarna sést svart á hvíu, að fólk með 300.000 króna mánaðarlaun mun hækka um 4,29% og síðan er hækkunin stigvaxandi og þeir sem hafa 650.000 krónur í mánaðarlaun, munu greiða 6,60% hærri skatta, en þeir gera á þessu ári.  Hér er miðað við persónuafslátt þessa árs, en hann mun væntanlega hækka um 2000 krónur á mánuði frá áramótum, en það hefði hann gert hvort sem var, hvort sem gamla álagningarkerfið hefði verið áfram við lýði, eða nýtt tekið upp.

Ofan á þetta bætast allir óbeinir skattar, sem munu hækka mikið, að ekki sé talað um fjármagstekjuskattinn, sem mun hækka um 80%, frá því sem hann var í upphafi þessa árs.

Þetta sannar, að Steingrímur J., segir sjaldan satt, nema þá óvart, einstaka sinnum.

Skattafrumvörp til nefndar

Athugasemdir

[Guðný (IP-tala skráð) 5.12.2009 kl. 19:27]

Ef þú skoðar í 650.000 kr. línunni þá fer skatthlutfall úr 29,22% í 31,15%, er það ekki það sem Steingrímur er að vísa í ("... þyngingu skattbyrði MIÐAÐ VIÐ HEILDARTEKJUR")?

Ég sé ekki mikið athugavert við hækkun tekjuskatts, það er hins vegar vsk hækkunin, bensínið og allir jaðarskattarnir sem auka verðbólgu sem mér finnst miklu miklu verri. Þar eru einhverjir tugir þúsunda pr. heimili á ári óháð tekjum og svo hækka lánin manns um einhverja tugi þúsunda líka :(

[Jón Valur Jensson, 5.12.2009 kl. 20:32]

Kemur einhverjum á óvart, að Ísgrímur segi ósatt?

[Axel Jóhann Axelsson, 5.12.2009 kl. 22:41]

Guðný, blekkingin liggur í því, að persónuafslátturinn er föst krónutala og viktar því minna, eftir því sem tekjurnar hækka, að ekki sé talað um þegar skattprósentan hækkar.

Sá, með 650.000 króna tekjurnar, kemur til með að borga 12.528 krónum meira á mánuði í skatt en áður og það gerir 6,60% skattahækkun á heildartekjur.

Annars er það rétt, að óbeinu skattarnir koma verst við þá tekjulágu, því þeir þurfa að eyða öllum sínum tekjum í brýnustu nauðsynjar.  Þar að auki hækka þeir verðbólguna og þar með lán heimilanna.

Jón Valur, nei það kemur áreiðanlega engum á óvart, hvað honum er illa við sannleikann.

[Guðný (IP-tala skráð) 6.12.2009 kl. 00:14]

12.528 er "einungis" tæp 2% af 650.000.

12.528 eru hins vegar 6.6% af 189.923, þannig að já skattgreiðslur hækka um 6,6%.

Auðvitað bara orðaleikur en Steingrímur segir AF HEILDARLAUNUM.

[Axel Jóhann Axelsson, 6.12.2009 kl. 00:53]

Guðný, auðvitað var fljótfærni að tala um 6,6% af heildarlaunum.  Það rétta er að þetta er 6.6% hækkun á skattgreiðslum.

Það þarf að vanda sig við framsetningu á svona tölum.