Ótrúleg skriffinnska

Samfylkingin er nú búin að skila inn svörum til ESB, vegna umsóknar sinnar um inngöngu í sambandið og eru svörin, ásamt fylgiskjölum, engin smásmíði, eða eins og segir í fréttinni:  "Svörin telja 2600 blaðsíður auk fylgiskjala og er blaðafjöldi samtals 8870 síður. Unnu öll ráðuneytin að svörunum, auk fjölda undirstofnana."

Þessi ótrúlega skriffinnska var unnin á fáeinum vikum, enda sátu öll ráðuneytin við skriftirnar, ásamt undirstofnunum og verktökum utan úr bæ.  Einnig var blaðahrúgan lesin yfir af aðilum atvinnulífsins og fleiri áhugalausum aðilum um málið.

Fjórir mánuðir eru síðan skrifað var undir svokallaðan stöðugleikasáttmála, en samkvæmt honum átti ríkisstjórnin að afgreiða ýmis mál, sem áttu að verða til að greiða fyrir eflingu atvinnulífsins og fjölgun starfa, en stjórnin hefur ekki staðið við eitt einasta atriði, sem þar var samið um.

Í ljósi þess, að allt kerfið hefur verið í vinnu dag og nótt fyrir Samfylkinguna vegna inngönguþrár hennar í ESB, þá þarf engan að undra, að ekki hafi fundist nokkur starfsmaður á lausu í kerfinu, til að vinna að uppfyllingu stöðugleikasáttmálans.

Það verður a.m.k. ekki sagt um "kerfið" að það hafi skilning á því, hvar þörfin fyrir kraftana er mest, þegar kreppan  bítur sig stöugt fastar í þjóðlífið.

Svör Íslands afhent í Brussel

Athugasemdir

[Satt og Rétt (IP-tala skráð) 23.10.2009 kl. 09:00]

Hafdu í huga hverjir orsökudu kreppuna.  Nefninlega B og D.

[Axel Jóhann Axelsson, 23.10.2009 kl. 09:11]

Þessum ótrúlega barnalegu og frösum um hverjum kreppan er að kenna, hefur svo oft verið svarað, að enginn nennir því lengur.

Þar fyrir utan eru þeir, sem ekki þora að taka grímuna frá andlitinu, ekki teknir alvarlega.

[Guðmundur Ásgeirsson, 23.10.2009 kl. 14:31]

Þessi "gríðarlega skriffinska" er auk þess mjög hroðvirknislega unnin. Frágangur á gögnunum er æði misjafn og gjörsamlega laus við samræmda framsetningu. Auk þess rakst ég á Evrópuvef Utanríkisráðuneytisins á a.m.k. 6 tengla á fylgiskjöl sem virkuðu ekki eða skjölin vantaði. Ef þetta væri skólaverkefni myndi það ekki fá háa einkunn, sem er kannski ágætt því þá verður umsókninni líklega bara hafnað! ;)