Rétt hjá Þorsteini Má

Íslenskar útgerðir hafa verið reknar á erlendum lánum, áratugum saman, bæði hafa þær tekið erlend lán til kaupa og smíði fiskiskipa, sem og afurða- og rekstrarlán.  Þetta er afar eðlilegt hjá fyrirtækjum, sem afla tekna sinna að stórum hluta í erlendum gjaldeyri.

Það verður að teljast til stórtíðinda, að sjávarútvegsráðherra skuli ekki vera kunnugt um þetta, hvað þá ef hann veit ekki, að erlendir aðilar mega ekki eiga íslenskar útgerðir.  Lán til útgerða og eignarhlutur í útgerð eru alls óskildir hlutir.

Þetta eru svo einfaldar staðreyndir, að málið væri ekki fréttnæmt, nema fyrir þvaðrið og vitleysuna í Jóni Bjarnasyni.

Lágmarkskrafa er, að ráðherrar hafi lágmarksþekkinu á sínum málaflokki og hlaupi ekki með eintóma þvælu í fjölmiðla.

Segir um misskilning sé að ræða

Athugasemdir

[zappa (IP-tala skráð) 22.9.2009 kl. 11:46]

heldur þú virkilega að erlendir aðilar láni íslenskum útgerðum stórfé án þess að hafa trygg veð,og trygg veð teljast varla stálskrokkar fiskiskipa á íslandsmiðum,ekki leggja þessar útgerðir sameign sem þeir ekki eiga að veði.....eða heldur þú það,annars er þetta útúrsnúningur hjá Þorsteini má einsog yfirleitt hjá útgerðarmönnum þegar upp kemst um þess stétt,forvitnilegt verður að heyra af hverju ríkisskattstjóri er að "ofsækja" þessa heiðursmenn eða hvaða vitleysa þetta er í seðlabankanum að þeir séu ekki að flytja gjaldeirinn heim heldur kaupa krónur erlendis-er þetta ekki allt misskilningur ?

[Níels A. Ársælsson., 22.9.2009 kl. 12:26]

Axel Jóhann.

[Skorrdal (IP-tala skráð) 22.9.2009 kl. 12:54]

Ertu að fá vinnu hjá Mogganum, Axel? Í alvöru; ætlast þú til þess, að EINHVER hugsandi einstaklingur, taki þig trúanlegan eftir þetta? Í alvöru???

[Axel Jóhann Axelsson, 22.9.2009 kl. 13:17]

zappa, ég sé ekki hvað þessi atriði, sem þú telur upp, koma þessum lánamálum við.  Ég var eingöngu að ræða um erlend lán útgerðarfélaga og hvað varðar veð í kvóta, bendi ég þér á að lesa athugasemdina frá Níelsi A.

Níels, myndin frá þér er nokkuð góð, þó óljóst sé, hvort hún á að tákna mig persónulega, eða það sem ég skrifaði.

Skorrdal, þú sem hugsandi einstaklingur þarft ekki að trúa einu einasta orði, sem frá mér kemur um þetta.  Leitaðu þér upplýsinga um málið annarsstaðar, og gerðu svo athugasemdir.  Í alvöru.

[Skorrdal (IP-tala skráð) 22.9.2009 kl. 14:56]

Kæri Axel: Stundaði umræddur Þorsteinn ekki útgerð? Eða misminnir mig eitthvað?

[Axel Jóhann Axelsson, 22.9.2009 kl. 15:04]

Skorrdal, þú ert greinilega stálminnugur.  Hvers vegna ertu þá að spyrja hvort umræddur Þorsteinn hafi ekki stundað útgerð? 

[Skorrdal (IP-tala skráð) 22.9.2009 kl. 15:55]

Kannski vegna hagsmunatengsla hans? Kannski hann hafi einhverra hagsmuna að gæta? Það gæti þó ekki verið?

[Axel Jóhann Axelsson, 22.9.2009 kl. 16:17]

Mín færsla fjallaði ekkert um hagsmunatengsl, enda koma þau því, sem um var rætt, ekkert við.  Færslan fjallaði um fávisku sjávarútvegsráðherra um erlendar lántökur útgerðarinnar í landinu, sem hafa verið öllum kunnar í áratugi.

Hagsmunatengsl eða lögbrot á einhverjum öðrum sviðum, er bara allt önnur Ella.

[Skorrdal (IP-tala skráð) 22.9.2009 kl. 16:38]

Nei, rétt er það, Axel - en, Þorsteinn Már er samt kannski ekki rétti aðilinn að tala um slíka hluti.

Vissulega hefur útgerðin skuldsett sig - og OKKAR kvóta - út um allar trissur; það vitum við báðir. En eflaust er Þorsteinn Már ekki rétti aðilinn - þótt svo hann hafi rekið og stjórnað banka (og eflaust enn síður) - til að tjá sig um slík mál... Hann hefur kannski einhverja hagsmuna að gæta, sem mögulega lita hans "rökstuðning"...