Icesave gegn þjóðinni

Nú reynir almenningur (nema kjósendur Samfylkingarinnar) að framleiða eins mikinn hávaða gegn þrælasamningnum um Icesave skuldir Landsbankans, sem því miður virðist samt ekki muni duga til að snúa Alþingi af villu síns vegar.

Icesave er skuld Landsbankans og kemur þjóðinni og ríkissjóði nákvæmlega ekkert við, enda bannar tilskipun ESB um innistæðutryggingasjóði, ríkisábyrgð á slíka tryggingasjóði, vegna þess að ef einstök lönd veita slíkar ríkisábyrgðir, skekkir það samkeppnisgrundvöll banka innan ESB.  Þess vegna má Alþingi alls ekki samþykkja slíka ríkisábyrgð.

Það er dapurlegt að hlusta á þingmenn og ráðherra tala frekar máli kúgaranna, heldur en að halda fram málstað sinnar eigin þjóðar og reyna að réttlæta þessar gerðir sínar með því, að þannig skapist á ný traust og trú útlendinga á íslensku efnahagslífi og íslensku krónunni.

Þeir ættu frekar að reyna að efla traust og trú sinna eigin þegna, á því, að þeir séu færir um að leysa úr þeim vanda, sem þjóðin stendur frammi fyrir innanlands.

Hávaði gegn Icesave

Athugasemdir

[Arnar (IP-tala skráð) 27.8.2009 kl. 13:30]

"enda bannar tilskipun ESB um innistæðutryggingasjóði innistæðna, ríkisábyrgð á slíka tryggingasjóði"

 Það er ítrekað búið að leiðrétta þennan þráláta misskilning.

Samt hanga þeir sem vilja einangra þjóðina enn á þessu feyskna strái.

[Axel Jóhann Axelsson, 27.8.2009 kl. 13:34]

Hvernig hefur þetta verið hrakið?  Menn geta sannfærst um þetta sjálfir, ef þeir lesa tilskipunina.  Hún hefur margoft verið birt hér á þessu bloggi og öðrum.

[Rakel Sigurgeirsdóttir, 27.8.2009 kl. 13:54]

Heyr, heyr!