Ósannsöglir ráðherrar

Jóhanna, ríkisverkstjóri, og Steingrímur Jong Sig., fjármálajarðfræðingur, hafa marg sagt að undirritun samningsins um Icesave sé forsenda þess að hægt væri að ganga frá lánssamningum við AGS, norðurlandaþjóðirnar, Pólverja og Rússa og hefur utanríkisráðherra Noregs staðfest það, sem og utanríkisráðherra Finnlands og fulltrúi AGS.

Nú koma hinsvegar utanríkisráðherrar Svíþjóðar og Danmerkur og segja lausn Icesave deilunnar enga forsendu fyrir lánum norðulandaþjóðanna.  Ef þessir tveir eru að segja satt, þá hljóta hinir að vera að segja ósatt, eða öfugt.  Ef sá danski og sá norski eru að segja satt, hvers vegna er þá ekki löngu búið að ganga frá málunum?  Ef hinir eru að segja satt, þá er það stóralvarlegt mál að erlendir ráðherrar fari með staðlausa stafi í fjölmiðlum hér á landi og hlýtur það að kalla á mótmæli og leiðréttingu af hendi íslenska utanríkisráðherrans.

Ef til vill eru aðrir utanríkisráðherrar norðurlandanna jafn miklir grínarar og sá íslenski og allt sem þeir láta út úr sér, sé sagt af sama alvöruleysinu og einkennir það, sem frá okkar manni kemur.

Svona ósannsögli ráðamanna er afar hvimleitt til lengdar.

Lausn Icesave ekki forsenda

Athugasemdir

[Ingvar, 9.6.2009 kl. 20:08]

Svo sitja íslenskar blaðamannagungur á þessum blaðamannafundi og dettur ekki í hug að spyrja Össur út í umæli Carls Bilt eða spyrja Össur af hverju Jóhanna og Steingrímur hafi sagt að samkomulag umIcesave hafi verið forsenda lánveitinga frá norðurlöndunum..

Íslensk blaðamannastétt er algjörlega gagnslaus. Hættum að kaupa dagblöð og afþökkum Fréttablaðið.

Ingvar