Þangað leitar klárinn sem hann er kvaldastur

Samkvæmt skoðanakönnunum munu núverandi stjórnarflokkar í Reykjavík fá góðan meirihluta til að halda áfram stjórn borgarinnar á næsta kjörtímabili.

Þetta er merkilegt í því ljósi að mikil óánægja er meðal borgarbúa með stjórn þessara flokka á síðasta kjörtímabili, ekki síst vegna skipulagsmálanna og nægir að benda á flugvallarmálið, ýmislegt sem hefur verið að koma upp á yfirborðið um blokkarbyggingar yfir bílageymslur í vesturbænum og meðfram Suðurlandsbrautinni við Laugardalinn.

Jafn sjálfsagt og það er að liðka til fyrir umferð reiðhjóla þykir flestum að gangi út yfir þjófabálk eyðing bifreiðastæða vítt og breitt um borgina og þykja einna furðulegastar framkvæmdir í þá veru við Borgartún, þar sem venjulega eru mikil vandræði að finna bílastæði við fyrirtæki og stofnanir sem þar eru staðsettar.

Í ljósi þessara skoðanakannana kemur upp í hugann málshátturinn gamli og góði:  "Þangað leitar klárinn sem hann er kvaldastur". 

Samfylking og BF með 53,5%

Athugasemdir

[Sleggjan og Hvellurinn, 26.5.2014 kl. 23:20]

Það er greinilegt að Reykvíkingar stiðja nýtt aðaskipulag og vilja þétting byggðar. Auk þess á flugvöllurinn að fara úr Vatnsmýrinni.

BF og XS munu fá skýrt pólitiskt umboð til athafna.

[Helgi Jónsson (IP-tala skráð) 27.5.2014 kl. 13:29]

Það er nefnilega málið, að það er engin óánægja með stjórn borgarinnar nema vera skildi hjá einstökum mogga bloggurum sem eru helteknir af Davíðs aðdáun.

Það hefur hvergi komið fram að það sé einhver óánægja með aðalskipulagið, það var samþykkt af nánast öllum flokkum í borgini, og þessi áróður um að það standi til að taka einhverja bílskúra hefur hvergi komið fram nema hér á moggablogginu, enda haugalygi því þetta var bara hugmynd að þéttingu byggðar og það stendur ekki, og hefur aldrei staðið til að taka eitthvað eignarnámi.

Með flugvöllinn, þá á hann að sjálfsögðu að fara hann var, hefur og verður aldrei í skipulagi þar sem hann er enda hernaðarmannvirki og settur þar sem hann er í trássi við borgaryfirvöld þess tíma.

[Axel Jóhann Axelsson, 27.5.2014 kl. 16:21]

Helgi, auðvitað hefur flugvöllurinn verið inni í skipulaginu í áratugi, eins og sést t.d. af þessari setningu úr Aðalskipulagi Reykjavíkur 3001-2024: "Ráðgert er að flytja hluta af starfsemi Reykjavíkurflugvallar úr Vatnsmýrinni á skipulagstímabilinu, samkvæmt Aðalskipulagi Reykjavíkur 2001 – 2024, sjá einnig nánar AR18 um uppbyggingu í Vatnsmýrinni."

Ef aðrar fullyrðingar eru byggðar á jafn ótraustum grundvelli, er ekki mikið gefandi fyrir þær.

[Eyjólfur Jónsson, 27.5.2014 kl. 16:26]

Skoðanakannanakosningar Axel Jóhann!