Man enginn mesta fylgishrun stjórnmálaflokks á heimsvísu?

Fyrir aðeins einu ári, í Alþingiskosningunum, var sett heimsmet í fylgishruni nokkurs stjórnmálaflokks í veröldinni þegar Samfylkingin tapaði yfir 50% af fyrra fylgi sínu.  

Þetta fylgishrun varð um allt land og ekki síður í Reykjavík en annarsstaðar á landinu, enda hafði Samfylkingin valdið almenningi gríðarlegum vonbrigðum á kjörtímabilinu og ekki staðið við nein af sínum helstu kosningaloforðum, t.d. um "skjaldborg heimilanna".

Nú, fyrir borgarstjórnarkosningarnar, þykist þessi sami flokkur ætla að byggja þrjúþúsund íbúðir fyrir láglaunafólk án þess þó að hafa nokkurn tíma eða nokkursstaðar útskýrt hvernig flokkurinn hyggst fjármagna þessar íbúðabyggingar.  Þegar reynt hefur verið að þinga oddvta flokksins, sem virðist reyndar vera einn í framboði fyrir Samfylkinguna, um málið bendir hann aðallega á Búseta og önnur slík leigufélög, sem fyrir löngu eru búin að gera sínar áætlanir um íbúðabyggingar á næstu árum.

Oft er talað um að skammtímaminni í pólitík sé ekkert og miðað við skoðanakannanir mun það sannast enn og aftur í borgarstjórnarkosningunum 2014. 

Bæta við sig manni í borginni

Athugasemdir

[Rafn Guðmundsson, 31.5.2014 kl. 00:01]

ja xB og xD lofuðu stórkostlegum afsláttum/peningum til allra og við áttu líka að geta kosið um framhald á esb viðræðum. vegna skammtímaminnis virkar þetta ein og þú ættir að vita ef þitt skammtímaminna væri ekki að trufla axel

[Hrólfur Þ Hraundal, 31.5.2014 kl. 08:54]

Rafn Guðmundsson, hvar eru þau skrifuð þessi loforð Sjálfstæðisflokksins sem þú vitnar í og hvernig hljóða þau varðandi Evrópusambandið?  Hvað þíðir „stórkostlegum afsláttum/peningum“ í þínum huga og hvar fannst þú þessa orða samsetningu?