Til hamingju Ísland

Ástæða er til að óska íslensku þjóðinni til hamingju með nýja ríkisstjórn Framsóknarflokks og Sjálfstæðisflokks og að vera þar með laus við fyrstu, og vonandi síðustu, ríkisstjórn sem sjálf kallaði sig "hreina og tæra" vinstri stjórn og á hátíðarstundum "norræna velferðarstjórn".

Sjálfsagt hefur fráfarandi ríkisstjórn gert eitthvað rétt í stjórnartíð sinni, þó fátt komi upp í hugann í fljótu bragði, en þó einkenndist kjörtímabilið af óeiningu innan og milli stjórnarflokkanna, að ekki sé talað um hatrið og óbilgirnina sem stjórnarandstöðunni var sýnd í orðum og verkum.  Segja má um stjórnunarstíl Jóhönnu Sigurðardóttur að hún hafi ávallt valið ófrið og deilur um málefnin, jafnvel þó samkomulag og sátt væri í boði.

Vonandi horfir nú til bjartari tíma með nýja von fyrir þjóðina um uppbyggingu nýrra atvinnumöguleika, betri kjör fólksins og von um bættan hag þjóðarinnar allrar með aukinni verðmætasköpun og tekjum ríkissjóðs sem af henni mun leiða ásamt réttlátari, einfaldari og lægri skattbyrði launþega og fyrirtækja.

Ný ríkisstjórn mun væntanlega taka við á Ríkisráðsfundi á Bessastöðum á morgun, fimmtudaginn 23. maí 2013.  Sá dagur markar nýtt upphaf og nýja framfarasókn. 

Ný ríkisstjórn rædd á Bessastöðum

Athugasemdir

[Magnús Óskar Ingvarsson, 22.5.2013 kl. 11:01]

 "Segja má um stjórnunarstíl Jóhönnu Sigurðardóttur að hún hafi ávallt valið ófrið og deilur um málefnin, jafnvel þó samkomulag og sátt væri í boði."

 Alveg er þetta 100% mín upplifun af Jóhönnu og reyndar Steingrími líka. Aldrei að víkja í einu eða neinu, nema kannski ef eitt skref til hliðar gæti valdið nýjum deilum. Alveg sama hvort það væri innan egin flokks, innan ríkisstjórnar eða við stjórnarandstöðuflokkana.

[Þorkell Sigurjónsson, 22.5.2013 kl. 18:35]

Ég hefi nú enga hamingju upplifad ennthá.

[Axel Jóhann Axelsson, 22.5.2013 kl. 19:02]

Þorkell, þjóðinni var óskað til hamingju með stjórnarskiptin og þó þú, sem einstaklingur, hafir ekki upplifað neina hamingju hingað til mun hún vonandi verða æ meiri eftir því sem á kjörtímabilið líður.