Kínverjarnir koma, kínverjarnir koma

Fyrir nokkuð margt löngu gekk í bíóhúsunum vinsæl gamanmynd sem hét "Rússarnir koma, rússarnir koma" og lýsti á skemmtilegan hátt samskiptum bandarískra borgara við það sem þeir héldu að væri "innrás" Rússa í samfélag sitt.

Nú geta Íslendingar og aðrir vesturlandabúar snúið þessum frasa upp á annað ríki og farið að segja "Kínverjarnir koma, kínverjarnir koma", enda er kínversk "innrás" í raun hafin á fjárhagslegum, efnahagslegum og pólitískum vettvangi.

Kínverjar leggja mikla áherslu á að efla áhrif sín og völd um allan hinn vestræna heim og er litla Ísland þar ekki undanskilið, sem best sést á ótrúlegum áformum um lúxusuppbyggingu ferðaþjónustu nánast uppi á öræfum landsins, ásamt miklum áhuga Kínverja á hafnaraðstöðu hérlendis vegna væntanlegrar auðlindanýtingar á norðurslóðum og siglinga um "Norðurleiðina".

Svo halda einhverjir að "innrás" fyrrverandi lágt setts embættismanns í kínverska áróðursmálaráðuneytinu, sem skyndilega varð einn auðugasti maður Kína, sé einhver tilviljun og sé alls ekki skipulögð af kínverskum yfirvöldum með framtíðarhagsmuni kínverska heimsveldisins í huga.

Íslendingar hafa oft verið trúgjarnir, sérstaklega þegar útlendingar eiga hlut að máli, en hafa ber í huga að þegar eitthvað lítur út fyrir að vera of gott til að vera satt, þá er það nánast undantekningalaust alls ekki satt.

Skoða hafnir á Íslandi

Athugasemdir

[Haukur Kristinsson (IP-tala skráð) 19.7.2012 kl. 10:12]

Hver er þessi Halldór Jóhannsson, talsmaður Kínsa?

Hvað er vitað um hans "background"?

[Ásthildur Cesil Þórðardóttir, 19.7.2012 kl. 10:30]

Tek algjörlega undir þetta með þér Axel. Sérstaklega þetta með trúgirni íslendinga gagnvart útlendingum. 

[Björn Emilsson, 19.7.2012 kl. 13:23]

Halldór þessi er sennilega sá er fór mikinn með lakkrísverksmiðjuna í Kína.

[Jonsi (IP-tala skráð) 19.7.2012 kl. 13:30]

Rússarnir koma, kínverjarnir koma, alveg sama hvort þeir koma eða fara.  Gott að eiga í viðskiptum, erum hvort eð er að kaupa allt hagnýtt frá kýna beint eða óbeint.

[Helgi Rúnar Jónsson (IP-tala skráð) 19.7.2012 kl. 15:24]

En hvað var sagt þegar að Bandaríkjamenn komu og hernámu Miðnesheiði.?...nákvæmlega ekkert.

[Ágúst H Bjarnason, 19.7.2012 kl. 15:29]

Kínverjar í Grikklandi: Lægri laun, hálfsveltir verkamenn, stéttarfélög bönnuð.... Er þetta það sem við viljum á Íslandi? 

http://www.npr.org/2011/06/08/137035251/in-greek-port-storm-brews-over-chinese-run-labor

[Magnús Helgi Björgvinsson, 19.7.2012 kl. 17:00]

Svona bara að bend fólki á að sennielga eru allar athugasemdir sem fólk skrifar hér skrifaðar á tölvur sem eru að einhverjur eða öllu leiti framleiddar í Kína. Eins að benda fólki á að  hér á landi eru þeir varla að fara að leita sér að ódýru vinnuafli þá færu þeir annað. Þeir eru varla að leita sér að stórum markaði, þá færu þeir annað.  Þeir vita líka að þeir fá engin tækifæri hér til að fara gegn lögum um stéttarfélög. Enda hafa þeir ekki sýnt nein þessi merki upp í Elkem Járnblendinu á Grundartanga. Hvað þá að flytja þangað kínverja í vinnu. Menn verða að skilja að Kína er að springa af gjaldeyrir bæði dollurum og evrum og þær vinna ekki fyrir sér og ávaxtast nema að þeir komi þeim í vinnu einhverstaðar. Eins að þó að bara nokkur % kínverja séu orðinir milljarðamæringar og með aðgang að miklum peningum þá eru það milljónr eða tugi milljónir manna samt sem áður. Og það t.d. að geta átt sér hús eða leigt sér hótel á veturna þar sem Norðurljósin sjást vel er örugglega milljóna virði. Ekki alltaf þörf að sjá skrattan í hverju horni.

[Ásthildur Cesil Þórðardóttir, 19.7.2012 kl. 17:32]

Í rauninni er betra að sjá skrattann í hverju horni en að sjá ekki hætturnar þar sem þær leynast, Það er hættulegt.

[Axel Jóhann Axelsson, 19.7.2012 kl. 18:03]

Magnús Helgi hefur greinilega hvorki lesið greinina sem Ágúst bendir á í athugasemd nr. 6, né nokkuð annað sem skrifað hefur verið um "útrás" Kínverja til Afríku og ýmissa Evrópulanda. Nægir að nefna Grikkland og Spán í því sambandi, en þangað hafa Kínverjarnir verið að sækja af miklum krafti undanfarið, enda mikil kreppa í þeim löndum og slíkt ástand notfæra Kínverjar sér út í ystu æsar.

Kína verður nýlenduveldi tuttugustuogfyrstu aldarinnar og svo auðvitað áfram um ófyrirséð árhundruð. Það er mikil skammsýni að loka augunum fyrir því og berja höfðinu endalaust við steininn í þeirri sannfæringu að slíkt valdi ekki meiðslum.

[Theódór Norðkvist, 19.7.2012 kl. 23:05]

Þó flestir viti hve margir Kínverjar eru nokkurn veginn og hve margir Íslendingar eru, langar mig til að bera tölurnar saman í allri sinni dýrð.

Íslendingar: 320.000

Kínverjar:    1.300.000.000

Það segir sig sjálft að ef það kæmu 39.000 Kínverjar hingað, sem er stór tala miðað við íbúafjöldann hér, Kínverjar yrðu meira en 10% íbúanna, er það bara dropi í hafi miðað við mannhafið í Kína. Fjöldi heimilislausra í Kína er 200 milljón manns, 39 þúsund er ekki nema 0,02% af þeim fjölda. Þó svo að heimilislausir séu ekki beint markhópurinn sem Nubo er eftir, er ljóst að mikil eftirspurn er eftir landrými í Kína og þessar tölur sýna samhengið. Því fleiri sem leita búsetu utan Kína því meira rými er fyrir þá sem eftir verða.

Nógu slæmur er hinn stjórnlausi straumur innflytjenda í landið, að það bætist ekki við tugþúsundir Kínverja. Þetta getur endað með að Íslendingar verði ekki til lengur sem þjóð og hinn norræni hluti okkar geti ekki sagt með neinum rökum að hann eigi tilkall til landsins, ef hann verður kominn í mikinn minnihluta.

[Björn (IP-tala skráð) 20.7.2012 kl. 00:15]

Þúsundir Pólverja búa hér án nokkurra vandræða, hundruðir kínverja búa hér án nokkurra vandræða. Ef Nubo er ekki að fara að byggja fangelsi fyrir erlenda glæpamenn þá hef ég nú ekki miklar áhyggjur.

[Ágúst H Bjarnason, 20.7.2012 kl. 23:16]

Þetta er álit hans Núbó á okkur...        Íslendingar eru sjúkir aumingjar sem verða hræddir í nærveru við hinn sterka unga mann.

“The Icelanders are sick and they are weak,” he said. “They feel scared of the presence of a strong young man.”

                                                                                                       - Huang Nubo, The Washington Times.

Sjá http://www.washingtontimes.com/news/2012/jan/4/inside-china-77119061/

[Ásthildur Cesil Þórðardóttir, 21.7.2012 kl. 10:57]

Takk fyrir þennan fróðeik Ágúst, gott að hafa það í farteskinu hvaða álit hann hefur á okkur.