Útifundurinn heppnaðist ágætlega

Það eru merkileg viðbrögð fulltrúa þeirra flokka sem útifundurinn á Austurvelli beindist að, að segja fundinn hafa misheppnast vegna skrílsláta nokkurra einstaklinga sem öskruðu sig hása í tilraun til að yfirgnæfa ræðumenn fundarins og reyna þar með að koma í veg fyrir að þeir gætu notað sér lýðræðislegan tjáningarrétt sinn og málfrelsi.

Stjórnarliðar taka greinilega meira mark á skrílslátum en málefnalegri umræðu.

Segir fund LÍÚ misheppnaðan

Athugasemdir

[Bjarni Th. Bjarnason (IP-tala skráð) 8.6.2012 kl. 14:57]

Alveg sammála þessu Axel. Ég var þarna sjálfur sem fyrrum sjómaður og stóð í hópnum með hundruðum sjómanna sem mættir voru. Fundurinn var vel heppnaður en auðvitað var þarna fólk sem var með hávaða og skrílslæti, atvinnumótmælendur sem ættu að kynna sér málið betur.

Annað sem vakti athygli var fréttaflutningur RÚV af þessum vel heppnaða fundi. Þeir eru enn við sama heygarðshornið og gera lítið úr öllum málflutningi sem beinist gegn esb ríkisstjórninni, hinni tæru vinstri stjórn.

[Helgi (IP-tala skráð) 8.6.2012 kl. 22:00]

Sæll.

Þessi ummæli Marðar segja mun meira um hann sjálfan en þennan fund.

@1: Sammála þér með RUV, þar þarf virkilega að taka til eftir kosningar, lögbrot á ekki að líða.