Ófyrirleitinn Steingrímur J.

Steingrímur J., allsherjarráðherra, hefur farið geyst í svívirðingum og ruddaskap í garð þeirra sem látið hafa í ljós álit á frumvarpsbastörðum hans um stjórn fiskveiða og veiðileyfagjald, sem nánast hver einasti umsagnaraðili hefur lagt til að hent verði í ruslafötuna umsvifalaust og allt málið unnið upp á nýtt og þá af vandvirkni og ábyrgð.

Vegna þess hve einróma umsagnirnar hafa verið fól Atvinnumálanefnd Alþingis óháðum aðilum að fara yfir frumvörpin og gefa álit á þeim og að sjálfsögðu varð niðurstaða þessara óháðu aðila sú sama og annarra; frumvörpin eru ónothæf og eiga hvergi heima annarsstaðar en á öskuhaug ríkistjórnarinnar.

Þrátt fyrir þetta óháða álit heldur Steingrímur J. áfram rógi sínum og svívirðingum gegn hverjum þeim sem dirfist að segja sannleikann um vinnubrögð hans og ríkisstjórnarinnar í þessu afdrifaríka máli fyrir afkomu þjóðarinnar til langrar framtíðar.

Vonandi dugar árið sem eftir er af kjörtímabilinu ríkisstjórninni ekki til að valda meira tjóni en þegar er orðið.

Hafna ávirðingum ráðuneytisins

Athugasemdir

[Kristján B Kristinsson (IP-tala skráð) 16.5.2012 kl. 19:38]

Svona framkoma og að sjálsögðu hálfvitaglottið ber ekki vott um mikla greind hjá SJ.

[Gunnar Heiðarsson, 17.5.2012 kl. 18:54]

Sá sem lifir og hræsist á svikum og blekkingum, er fljótur að ásaka aðra um slíkt athæfi. Hann einfaldlega þekkir ekkert annað. Það á vissulega við um Steingrím J. alsherjarráðherra.