Tekur ekki Steingrímur J. við Utanríkisráðuneytinu?

Ráðherraskipti hafa verið tíð á valdatíma Jóhönnu í Forsætisráðuneytinu og hefur tilgangur þeirra verið, að því er helst virðist, að leiða athyglina frá getuleysi ríkisstjórnarinnar í flestum eða öllum málum, sem hún hefur verið að glíma við undanfarin þrjú ár.

Þessi ráðherrakapall hefur leitt til þess að sífellt færast fleiri og fleiri ráðuneyti á hendur Steingrími J., enda er farið að kalla hann "allsherjarráðherra", enda hefur Jóhanna komið öllum helstu verkefnum sem áður tilheyrðu Forsætisráðuneytinu yfir á önnur ráðuneyti.

Nú hefur Össur Skarphéðinsson gert rækilega í bólið sitt með því að leyna þingið og samráðherra sína um stríðið sem ESB er að hefja gegn Íslandi vegna makrílsins og Icesaveskulda Landsbankans. Viðbrögð Jóhönnu geta varla orðið önnur en að víkja þessum vanhæfa ráðherra tafarlaust úr ríkisstjórninni, enda hlýtur það að vera brottrekstrarsök að leyna svo mikilvægum upplýsingum og gera sjálfan forsætisráðherrann að fífli með því að fá ekkert að vita um málið, nema í gegnu" fréttir fjölmiðla.

Steingrímur J. hlýtur að geta fellt Utanríkisráðuneytið undir "Allsherjarráðuneytið" og þannig mætti spara og hagræða í ríkisrekstrinum.

Fundir hjá stjórnarflokkunum

Athugasemdir

[Jón Óskarsson, 13.4.2012 kl. 18:05]

Engin spurning :)   Auk þess mun hann fá innan fárra vikna aftur fjármálaráðuneytið þegar efnahagsráðuneytið og fjármálaráðuneytið verða sameinuð :)     Eftir það verða að meginhluta til 2 ráðuneyti og með þau fara:  Jóhanna "einskisnýtur ráðherra" og Steingrímur "allsherjarráðherra" :)

Össur fær þá loksins kærkomið næði til næturbloggskrifa...

[Ásthildur Cesil Þórðardóttir, 13.4.2012 kl. 20:00]

Maður getur alltaf á sig blómum bætt kvað skáldið, þetta á afar vel við Steingrím Joð.  Hann getur endalaust bætt á sig ráðuneytum, enda ekkert málefni betur komið en í hans höndum ekki satt

[Ásthildur Cesil Þórðardóttir, 13.4.2012 kl. 20:01]

Eða Þannig

[Vilhjálmur Stefánsson, 13.4.2012 kl. 23:00]

það verður að klóna Steingrím J sem allra fyrst og þá er sami Leppalúðinn í öllum Ráðuneitum..

[Óskar Aðalgeir Óskarsson, 14.4.2012 kl. 12:00]

Aðalritari íslenska kommúnistaflokksins er að verða aðalritari "íslenska alþýðulýðveldisins",sem verður rekið líkt og "alþýðulýðveldið" A-Þýzkaland var á árum áður.

[Jón Óskarsson, 17.4.2012 kl. 21:00]

@ Óskar:  Flipar á síðum www.rsk.is, www.tr.is, www.vmst.is og fleiri slíkum minna óneitanlega á aðferðir Stazi í DDR hér í den.

[Jón Óskarsson, 17.4.2012 kl. 21:19]

Úr landráðakafla hegningarlaga:

91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með fangelsi allt að 3 árum, eða sektum, ef sérstakar málsbætur eru fyrir hendi.

Spurt er hvort sumir ráðherrar þurfi ekki brátt að mæta í Þjóðmenningarhúsið í öðru hlutverki en sem vitni segjandi flökkusögur sem hann heyrði á klósettferðum sínum.....