Ruglið um rafmagnsútflutning

Bretar og sjálfsagt fleiri Evrópuþjóðir hafa áhuga á að nýta raforku, sem framleidd væri hér á landi og flutt til þeirra með rafstreng, þar sem allt að 10% orkunnar tapaðist á leiðinni.

Samkvæmt stefnu ríkisstjórnarinnar má ekki virkja nokkurt einasta vatnsfall í landinu til orkuöflunar fyrir innlendan markað og ef mark er takandi á talsmönnum orkugeirans verða engar jarðvarmavirkjanir tilbúnar til notkunar fyrr en eftir mörg ár. Á meðan er atvinnulífið í landinu í heljargreipum þessarar verndunarstefnu og engin uppbygging mun eiga sér stað í atvinnumálunum á meðan að á þessari óvissu um framtíðarvirkjanir.

Því hefur verið haldið fram að öll núverandi raforkuframleiðsla á Íslandi dygði ekki til að fullnægja rafmagnsþörf Hamborgar í Þýskalandi og sé það rétt, þá geta allir séð að draumar um útflutning á rafmagni um rafstreng eru ekkert annað en dagdraumar óábyrgra manna sem hæglega gætu breyst í martröð allrar þjóðarinnar.

Að lála sér detta í hug að Landsvirkjun fari í rafmagnsútrás er jafnvel geggjaðri hugmynd en útrás banka- og útrásargengjanna fyrir fáeinum árum.

Var virkilega ekki dreginn neinn lærdómur af því rugli öllu saman.

Hafa áhuga á orku frá Íslandi

Athugasemdir

[Sigurður Alfreð Herlufsen, 11.4.2012 kl. 23:10]

Ég er einn þeirra sem fæ það ekki til að ganga upp, að á sama tíma og ekki er hægt að útvega raforku fyrir álver eða annan orkufrekan iðnað, sé til raforka fyrir evrópumarkað.

Sá markaður er svo stór að hann minnir frekar á svarthol heldur en hefðbundið fyrirtæki.

Þess vegna er svona draumur óraunhæfur, nema hér skuli aldrei eiga að setja upp orkufrekan iðnað framar.

[Hjördís Vilhjálmsdóttir, 11.4.2012 kl. 23:24]

Það væri áhugavert að heyra álit Andra Snæs rithöfundar á þessari hugmynd að selja rafmagn um sæstreng eða ef einhver veit hvort það kom fram í bókinni hans ?

Fín samlíking við svarthol Sigurður. Ef af verður og ef það er engin vitglóra í þessu eins og þið ágætu herrar teljið, þá  verðum við komin með lýsislampana aftur áður en við vitum af...;) Allt verður selt úr landi, græðgin á sér lítil ef nokkur mörk.

Hinsvegar þykir mér ok að skoða þetta aðeins betur áður en hugmyndinni yrði fleygt af borðinu. Munurinn á þessu og að virkja fyrir álver er mikill. Þetta væri skárri kostur vegna þess að þá sleppum við við meiri mengun frá álverum. 

[Björn (IP-tala skráð) 12.4.2012 kl. 01:55]

Það er allavega kominn eðlileg skýring á því hvers vegna Bretar vildu knésetja Íslendinga með hryðjuverkalögum og hvers vegna þeir vildu að við veðsettum auðlindir okkar.

[Hrólfur Þ Hraundal, 12.4.2012 kl. 07:34]

Þetta er bráðsniðugt, fáum einhverja til að henda kapli í sjóinn og fáum Kínverja til að virkja fyrir okkur og þeir gætu líka sett upp fyrir okkur gjaldmælinn og svo getum við landar skipst á um að lesa af honum.  Þar með væru öllum loforðum Jóhönnu um atvinnu væntanlega fullnægt.

  

       

[Valdimar Samúelsson, 12.4.2012 kl. 11:49]

Þetta er svarið hversvegna orkuútflutning. Hlustið á þetta en þið sem vitið ekki hver þessi Foster Gamble. For those who have never heard of Proctor & Gamble, it is a Fortune 500 American multinational corporation. It is one of the world's biggest, most toxic corporate polluters on the face of the earth with an annual turnover of over $68 billion. Is Foster Gamble any relation to Proctor and Gamble? You betcha!

Þetta kemur úr hörðustu átt.
http://www.youtube.com/watch?feature=player_embedded&v=lEV5AFFcZ-s

[Þorgeir Ragnarsson (IP-tala skráð) 13.4.2012 kl. 09:33]

Jafnvel þó verðið sem fengist úti í Evrópu sé mun hærra en hér duga þau rök ein og sér alls ekki. Með orkuútflutningi skapast mjög fá störf innanlands, en með nýtingu innanlands fylgir innlend atvinnuuppbygging - hún þarf að reiknast inn í dæmið. Þessi mál hafa aldrei snúist eingöngu um hvað Landsvirkjun rukkar fyrir kílówattstundina.

[Valdimar Samúelsson, 13.4.2012 kl. 10:08]

Þorgeri. Þetta er alveg sama og ég hugsaði. Þetta mál mun frekar snúast um hver ræður yfir orkunni þeir sem munu lána Íslandi eru þeir sem stjórna. Þeir munu ná tökum á þessum raforkugeira eins og allstaðar og stjórna svo verðinu hér á landi með tímanum.