Hatur Jóhönnu á velgjörðarmanni sínum

Þegar Jóhanna Sigurðardóttir sat sem ráðherra í ríkisstjórn Davíðs Oddssonar var það í almannavitund að hún átti ekki skap við marga samráðherra sína og að einn fárra sem virkilega var henni velviljaður og átti við hana gott samstarf var einmitt Davíð Oddsson, sem oftar en ekki reyndist henni vinur í raun.

Af einhverjum ástæðum, sem óskiljanlegar eru nema á einhverjum djúpstæðum sálfræðilegum forsendum, launar Jóhanna Davíð vináttuna og samstarfið með óstjórnlegu hatri, sem strax kom í ljós þegar hún myndaði sína ríkisstjórn í ársbyrjun 2009, en þá var það hennar fyrsta verk að hrekja Davíð úr embætti seðlabankastjóra og hefur ekki látið nokkurt tækifæri ónotað síðan til að snúa þeim rýtingi í baki Davíðs.

Í vitnisburði sínum fyrir Landsdómi sagði Jóhanna að Geir H. Haarde hefði gert allt sem í hans valdi og ríkisstjórnarinnar var til að afstýra bankahruninu, en Davíð hefði hins vegar leynt stjórnina upplýsingum um stöðu mála, þrátt fyrir að marg oft hafi komið fram að einmitt Davíð hafði margoft lýst áhyggjum sínum af stöðu mála fyrir ráðherrunum og þeir voru mjög vel meðvitaðir um stöðuna, án þess að vera í nokkrum færum til að breyta atburðarásinni eða bæta úr afglöðum banka- og útrásargengjanna.

Hér sannast, sem oft áður, að sjaldan launar kálfur ofeldið.

Davíð átti að vara okkur við

Athugasemdir

[K.H.S., 9.3.2012 kl. 20:35]

Það var altalað  að hún gréti við hné Davíðs undan einelti  Jóns Baldna. Hún fór í mörg fíluköst og hefði líklegast flokkast undir villikött í dag.

[Kristinn Karl Brynjarsson, 9.3.2012 kl. 21:24]

Það er nú samt athyglisverðast að Jóhanna sagðist hafa lesið 2008 útgáfuna af riti sem hætti að koma út 2007. http://www.amx.is/fuglahvisl/18142/

Annað hvort hefur hún ekki áttað sig á því að hún væri að lesa gamalt og löngu út komið rit. Eða þá að hún hafi logið fyrir landsdómi..........

[Árni Halldórsson, 10.3.2012 kl. 01:20]

Magnað hvað Jóhönnu tekst að halda barninu í sér þrátt fyrir aldurinn.

[Vilhjálmur Gunnarsson (IP-tala skráð) 10.3.2012 kl. 01:51]

   Haustið 2008, allir stóru bankarnir gjaldþrota, sparisjóðirnir og raunar allt fjármálakerfið á sömu leið. Og svona sem skraut ofaná kökuna þá var Seðlabankinn tæknilega gjaldþrota. Auðvitað hlutu hausar að fjúka. Bæði hjá Fme og Seðlabanka. Þóað amma Jóhönnu hefði verið seðlabankastjóri þá hefði hún þurft að fjúka. Það er undarlegt að skilja þetta ekki. Konungur fimmaurabrandaranna þekkti ekki sinn vitjunartíma og sat meðan sætt var. Enda æviráðinn af sjálfum sér. Fann svo samhljóm með sjálfum sér og Jesú og setti Jóhönnu í hlutverk Júdasar. Það er óþarfi að fara á límingunum vegna Davíðs Oddsonar, hann er enginn Jesú.