Salti stráð í fjölmiðlasárið

Í síðustu viku var þjóðin særð holundarsári með æsifréttum fjölmiðla af iðnaðarsalti sem notað hefur verið í matvælaiðnaði hér á landi undanfarin ár.

Matís og Heilbrigðisnefnd Reykjavíkur hafa nú, með mælingum, staðfest fullyriðnar framleiðanda saltsins um að saltið sé framleitt undir ströngum heilbrigðiskröfum og sé í raun enginn munur á iðnaðarsalti og matarsalti, annar en kornastærðin.

Þar með er komið í ljós að fjölmiðlafárið var einungis stormur í vatnsglasi, eins og fjölmiðlarnir blása iðulega upp og valda með því miklum usla í þjóðfélaginu, oft af litlu tilefni eins og í þessu máli.

Þegar upp er staðið hafa fjölmiðlarnir sært sjálfa sig mest með þessu upphlaupi og nú má segja að iðnaðarsalti sé stráð í það djúpa sár.

Iðnaðarsaltið ekki hættulegt

Athugasemdir

[Haukur Kristinsson (IP-tala skráð) 20.1.2012 kl. 19:20]

"Be happy" Axel Jóhann!

Nú geturðu áhyggjulaust haldið áfram að kaupa þér iðnaðarsalt í grautinn.

[Axel Jóhann Axelsson, 20.1.2012 kl. 19:33]

Samkvæmt fréttum hafa ég og aðrir notað iðnaðarsalt í grautinn árum saman og ekki orðið meint af, svo allir geta haldið gleði sinni þess vegna.

[Einar Arnarsson (IP-tala skráð) 20.1.2012 kl. 20:55]

Þó að fjölmiðlar hafi ekki alltaf verið fullkomnir í gegnum tíðina, þá hafa þeir oftast haft metnað fyrir að flytja fréttir af því sem sannara reynist, núna í dag er hvert tækifæri gripið til að búa til moldviðri, og skiptir engu máli hvað snýr upp eða niður. Ef fréttin "kveikir" í mönnum, þá er ÞAÐ einfaldlega mikilvægasta fréttinn.

Síðan eru fjölmðlar algjörlega heilagir, og geta snúið öllum um fingur sér. Virkilega sorgleg þróun. Ekki að segja að "bloggfréttir" séu betri, en hvað varð um vandaða fréttamennsku?? Kannski þetta hafi alltaf verið svona? Trúi því varla.