Verja sína og ásaka aðra

Níu verjendur ýmissa meðlima þeirra banka- og útrásargengja sem ábyrgir eru fyrir efnahagshruninu hér á landi árið 2008 kvarta sáran, fyrir hönd skjólstæðinga sinna, yfir því að fjölmiðar skuli fjalla um rannsóknirnar og ræða við hina og þessa álitsgjafa um gang málanna.

Fyrirfram var vitað að banka- og útrásargengin sjálf myndu beita öllum brögðum til að reyna að veikja trúverðugleika þeirra embætta sem með rannsóknirnar fara og má t.d. benda á herferðina undanfarið gegn forstjóra Fjármálaeftirlitsins og ný er stórum hópi lögfræðinga beitt í því skini að gera Sérstakan saksóknara og rannsóknir hans tortryggilegar.

Lögfræðingarnir skammast yfir umfjöllun um sakamálarannsóknirnar og segja hana byggða á getgátum og órökstuddum fullyrðingum, en í yfirlýsingunni falla þeir í þann pytt að beita nákvæmlega þeim brögðum, þegar þeir gefa í skin að rannsakendur málanna leki upplýsingum í fjölmiðlana, en í yfirlýsingu þeirra segir m.a:  "Þar virtust sérstakur saksóknari og aðrir rannsakendur mála tengdum bankahruninu hafa ákveðið að leka völdum upplýsingum til Kastljóss."

Með þessum dylgjum virðast lögfræðingarnir ásaka rannsakendur um lögbrot.   Hafi þeir sannanir fyrir ásökunum sínum hljóta þeir að leggja þær á borðið.  Annars virðast þeir ekki trúverðugir.

Segja mál að linni

Athugasemdir

[Helgi (IP-tala skráð) 20.12.2011 kl. 15:19]

Sæll.

Ég hef lengi haft litla trú á íslenskum fjölmiðlum en ég get ekki annað en tekið undir það sem þessir lögmenn segja, fréttamennskan hérlendis er með eindæmum léleg og einhliða. Eru allir búnir að gleyma þeim pílum sem blaðamenn fengu í skýrslu rannsóknarnefndar alþingis?