Hvað segir Össur um þetta?

Ákvörðun Papandreos, forsætisráðherra Grikklands, að efna til þjóðaratkvæðagreiðslu um "björgunarpakka" ESB og AGS til handa Grikkjum, hefur valdið miklum úlfaþyt meðal evrópskra ráðamanna, eins og sjá má af ÞESSARI frétt, ásamt því að valda gífurlegum sviptingum á fjármálamörkuðum, eins og sjá má HÉRNA

Örvæntingin innan ESB eykst dag frá degi vegna skuldavanda evruríkjanna og þær raddir gerast æ háværari frá stöndugri ríkjum sambandsins, að "skussar" eins og Grikkir, Írar, Ítalir, Spánverjar og jafnvel fleiri þjóðir verði reknar úr evrusamstarfinu, en Hollendingar hafa lagt slíkt til og nú hafa Finnar lýst yfir stuðningi við slíkar refsiaðgerðir, eins og lesa má HÉR

Ekki heyrist hósti eða stuna frá íslenskum ESBgrúppíum vegna þessara vandamála og þá sjaldan að þaðan komi viðbrögð, þá eru þau einatt í þá átt að allt of mikið sé gert úr vandamálum ESB landanna og alveg sérstaklega evruþjóðanna og ekki eru margir dagar síðan Össur Skarphéðinsson lýsti því yfir enn og aftur að vandinn vegna evrunnar væri smávægilegur og ekkert til að hafa orð á.  Að vísu lýsti Össur því yfir við Rannsóknarnefnd Alþingis "að hann hefði ekki hundsvit á efnahagsmálum", en það hefur þó ekki aftrað honum frá því að ræða vandamálin á allt öðrum nótum en Nóbelsverðlaunahafar í hagfræði, stjórnmálamenn ESB landanna og fjöldinn allur af fræðimönnum á þessu sviði.

Öll vandamál, sem herja á Evrópu, munu herja á Ísland áður en yfir lýkur og því afar brýnt að úr rætist og ekki verði algert hrun í álfunni enda er hún okkar helsti útflutningsmarkaður.  Það stafestur reyndar nauðsyn þess að dreifa áhættunni meira og efla og styrkja aðra markaði. 

Það verður auðvitað ekki gert með inngöngu í þetta hrjáða og þjakaða bandalag.

Grikkir valda glundroða

Athugasemdir

[Bergljót Gunnarsdóttir, 1.11.2011 kl. 17:13]

Því miður segir hann ekkert af viti, fremur en endranær, að ég hygg.

[Ásthildur Cesil Þórðardóttir, 1.11.2011 kl. 17:26]

Nei svona mál eru ÓÞÆGILEG fyrri ESBsinna.  Svo það er varla von að mikið heyrist í þeim, þeir liggja sennilega allir undir feldi og biða Mammon um að bjarga Evrunni.

[Axel Jóhann Axelsson, 1.11.2011 kl. 19:08]

Þögnin er orðin æpandi. Vandræðagangurinn og ringulreiðin í ESB er orðin algerlega ótrúleg og svo sem ekki undarlegt að þögn íslenskra aðdáenda stórríkisins væntanlega skeri í eyru.

[Ásthildur Cesil Þórðardóttir, 1.11.2011 kl. 19:45]

Ekki hefur Steingrímur heldur borið til baka þetta sem Atli sagði um að búið hefði verið að plotta um umsókn, afsakið aðildarumsókn um ESB FYRIR KOSNINGAR.

[Axel Jóhann Axelsson, 1.11.2011 kl. 19:50]

Allt í anda opinnar og gagnsærrar stjórnsýslu, þar sem allt er uppi á borðum og ekkert pukur og leynimakk stundað.

[Bergljót Gunnarsdóttir, 1.11.2011 kl. 20:03]

Gegnsæið, það væri þokkalegt að kaupa sér gleraugu sem hefðu þetta gegnsæi. Maður væri löngu steindauður.

[Axel Jóhann Axelsson, 1.11.2011 kl. 20:07]

Að minnsta kosti komin með blindrahund.

[Bergljót Gunnarsdóttir, 1.11.2011 kl. 20:22]

Segðu!

[Rétthugsun (IP-tala skráð) 1.11.2011 kl. 20:40]

Yössur er eins krakki á aðfangadagskvöldi.  Húsið brennur og hann vill fá að kíkja í jólapakkann.

[Bergljót Gunnarsdóttir, 1.11.2011 kl. 21:02]

 Eitt sinn brann í Þingholtsstræti á Aðfangadagskvöli, fólk hljóp aftur og aftur inn í eldinn til að sækja smáhluti eins og glös og bolla, en braut píanóinu leið út um gluggann, þar sem það lenti í smalli fyrir utan. Ég var vitni að þessu. Ætli það sé ekki einhver stjórnlaus panik sem hefur gripið um sig í öllu stjórnleysinu?

[Eyjólfur G Svavarsson, 2.11.2011 kl. 09:45]

Össur segist ekki hafa hundsvit á fjármálum, en er samt ekki sammála viðurkendum nóbelhöfum í þeim málum. Tekur einhver mark á svona blesa??  Þeir hafa gaman af honum í Brussel, þar sem þeir geta spilað með hann sér til skemmtunar!!

[Ásthildur Cesil Þórðardóttir, 2.11.2011 kl. 10:46]

Já einmitt eins og Trúð.  Jón Gnarr viðurkennir þó að hann sé trúður.

[Bergljót Gunnarsdóttir, 2.11.2011 kl. 11:14]

Ég fyrirbíð að Jóni Gnarr sé líkt við Össur  

Ég má til með að tjá mig um þetta vegna þess að við Axel höfum háð eitt lítið prívatstríð um persónu Jóns Gnarr, sem er í náðinni hjá mér, og þetta er svo upplagt tækifæri til að senda Axel vini mínum smákveðju af þeim vettvangi

[Ásthildur Cesil Þórðardóttir, 2.11.2011 kl. 11:24]

Bergljót mín ég var einungis að segja að Jón Gnarr upplýsti það í ferð sinni til New York nú á dögunum að hann væri trúður.  Þar endar samlíkingin.  Hinn aftur á móti ER trúður en heldur að allir taki mark á honum.  Hann er því hinn endinn á spýtunni.

[Bergljót Gunnarsdóttir, 2.11.2011 kl. 11:52]

[Ásthildur Cesil Þórðardóttir, 2.11.2011 kl. 13:45]

ég er alveg að meina þetta Bergljót mín

[Bergljót Gunnarsdóttir, 2.11.2011 kl. 14:16]