Mannorðið á milljón

Jón Ásgeir, Baugsgengisforingi, telur að Björn Bjarnason hafi skaðað mannorð sitt illilega með þeirri ritvillu í bók sinni um Baugsgengið að Jón Ásgeir hafi verið dæmdur fyrir fjárdrátt, þegar staðreyndin er sú að hann var dæmdur sekur um bókhaldsbrot.

Björn hefur leiðrétt ritvilluna í seinni útgáfum bókarinnar og beðist afsökunar á mistökunum, en Jón Ásgeir telur samt að æra sín hafi beðið gífurlegan skaða vegna þessa og mátti hún nú ekki við miklu til viðbótar við þann skaða sem Jón Ásgeir hefur sjálfur valdið æru sinni.

Þennan meinta viðbótarskaða, sem Björn Bjarnason á að hafa valdið, metur Jón Ásgeir á eina milljón króna og telur æru sína fullbætta með þeirri upphæð úr hendi Björns.

Aðrir munu líklega telja þessa upphæð vera mikið ofmat í þessu tilfelli.

Krefst einnar milljónar í bætur

Athugasemdir

[Magnús Ágústsson, 23.9.2011 kl. 08:09]

Í mínum augum hefur Jón Ásgeir svo stórlaskað mannorð að hann ætti að halda sig til hlés

[Jóhanna (IP-tala skráð) 23.9.2011 kl. 08:18]

Já, það lítur hver sínum augum á silfrið Jón Ásgeir.

Jesú Kristur var nú ekki metinn á meira en 30 silfurpeninga á sínum tíma. Gæti 1 milljón verið eitthvað svipað gengi í dag Jón Ásgeir?

[Guðmundur Ásgeirsson, 23.9.2011 kl. 08:19]

Ég býð Jóni Ásgeiri eina dós utan af diet-kók fyrir mannorðið. Ég skal hafa hana jafn tóma og bankann sem stráksi skildi eftir sig.

[Magnús Ágústsson, 23.9.2011 kl. 08:30]

Góður Guðmundur

[Rétthugsun (IP-tala skráð) 23.9.2011 kl. 13:11]

Jón Ásgeir þorir að fara í mál við Björn Bjarnason, en hann þorir ekki að fara í mál við framleiðendur kvikmyndarinnar "Inside Job". Í kvikmyndinni fær Jón Ásgeir háðulega útreið og heimurinn veit núorðið hvaða orð fer af þessum vini "fátæka" fólksins.

[Viggó Jörgensson, 23.9.2011 kl. 17:44]

Trúlega verður málinu einfaldlega vísað frá.