Verður illskan allsráðandi 1. október

Boðað hefur verið til mótmæla við Alþingishúsið við þingsetningu þann 1. október næstkomandi.

Væntanlega mun þar safnast saman stór hópur almennings til að láta reiði sína út í stjórnnöld í ljós og ef miða má við fyrri uppákomur af líku tagi mun ekki þurfa mikið til að upp úr sjóði og ólátabelgir láti til sín taka með skrílslátum.

Ef miða má við viðbrögð lögreglumanna vegna gerðadóms um laun þeirra, má reikna með að ólátabelgjunum mæti öskureiðir lögregluþjónar og líklega mun reiði þeirra annaðhvort koma fram í aðgerðarleysi eða reiði þeirra mun brjóstast út og verða til þess að skrílslátum verði mætt af mikilli hörku.

Ef til vill verður 1. október minnst sem dags illskunnar á Íslandi.

Lögreglumenn vonsviknir og reiðir

Athugasemdir

[Óskar Helgi Helgason (IP-tala skráð) 23.9.2011 kl. 20:11]

Sæll; Axel Jóhann !

Var það ''skríll''; sem steypti Bourbon ættinni Frönsku, Sumarið 1789 ?

Var það ''skríll''; sem barðist við Rauðliða Leníns, í Rússlandi 1917 - 1922 ?

Ígrundaðu betur; hvað þú lætur frá þér fara, ágæti drengur, næst, í þessu samhengi, öllu. 

Með beztu kveðjum; öngvu að síður /

Óskar Helgi Helgason

[hilmar jónsson, 23.9.2011 kl. 20:14]

"Mun reiði þeirra annaðhvort koma fram í aðgerðarleysi eða reiði þeirra mun brjóstast út og verða til þess að skrílslátum verði mætt af mikilli hörku"

("Ef til vill verður 1. október minnst sem dags illskunnar á Íslandi")

Aðalhlutverk: Mel Gibson. Arnold Schwarzenegger. Jean-Claude Van Damme..

[Axel Jóhann Axelsson, 23.9.2011 kl. 20:20]

Það er mikill munur á mótmælum og skrílslátum. Mótmælendur eru ekki skríll, en skríll nýtir sér oft mótmæli til óhæfuverka.

[Ásgrímur Hartmannsson, 24.9.2011 kl. 01:09]

Mig grunar að það verði lítið úr þessu.  Það má samt vona.  Vonandi hefur allur skríllinn ekki flutt til Norge.

[Gunnar Heiðarsson, 24.9.2011 kl. 10:11]

Bestu aðgerðir lögreglunnar væru að ganga til liðs við mótmælendum. Þá næði fámennur hópur skríls ekki að eyðileggja mótmælin og þau yrðu sterk. Það er þekkt utanúr heimi, þar sem misvitrir stjórnmálamenn hafa beitt þegna sína órétti, að þeir nota her og lögreglu tl að lúskra á fólkinu. Oftar en ekki hafa slík mótmæli leitt til þess að þeir sem stjórnvöld beita fyrir sig hafa gengið til liðs við mótmælendur. Alltaf hefur það leitt til þess að mótmælin bera árangur og ríkjandi stjórnvöld hrökklast frá.

Hvort Jóhanna skilur slíkar aðgerðir er svo annað mál, en hún fengi þó tækifæri sem ekki byðist aftur.

[Eyjólfur G Svavarsson, 24.9.2011 kl. 14:49]

Ég er sammála þér Gunnar Heiðarsson. Og þá munu þeir væntanlega mæta sem almennur borgari en ekki í búningum lögreglumanna. Auðvitað kemur þetta við þá eins og aðra, og mér skilst að þeir séu margir búnir að fá einhverja pest sem mun  kannski ekki vera liðin hjá næsta  Laugardag, og ef hún breiðist út vítt og breitt, þá er ekki víst að það verði neinir laganna verðir þarna, og þá verða kannski engin læti.

[V.Jóhannsson (IP-tala skráð) 24.9.2011 kl. 17:14]

Auðvitað mætir lögreglan, það er þeirra skylda, en þeir eru ekki skyldugir að djöflast á almenning, þótt eitthvað af eggjum fjúki um loftin blá þarna á svæðinu. Almenningur getur þessvegna kastað eggjum þegjandi og hljóðalaust og þá er erfitt fyrir lögregluna að aðhafast nokkuð. Þegjandi mótmæli eru virkust!

[DoctorE (IP-tala skráð) 24.9.2011 kl. 18:18]

Segðu þetta við fólkið í Líbíu, Egyptalandi, fólk um allan heim sem hefur barist fyrir réttlæti... Hey fólk ég er hér gamlingi frá íslandi, þið eruð skríll; Þið eigið bara að vera eins og ég, kjósa yfir mig sama húmbúkið aftur og aftur

[Axel Jóhann Axelsson, 24.9.2011 kl. 18:55]

Ekki vantar pólitíska innsæið hjá DoctorE frekar en fyrri daginn, enda vefst ekkert fyrir honum að stjórnarfarið á Íslandi sé eins og það var í Líbíu og fleiri einræðislöndum, þar sem fólk hefur engan kosningarétt og hvað þá að það hafi mátt tjá skoðanir sínar opinberlega án refsinga.

Eitt er þó eins víst og að sól kemur upp að morgni og það er að DoctorE bregst aldrei í bullinu.

[Elle_, 24.9.2011 kl. 19:41]

Lögreglan verður kannski á fundi eða þeir verða voða veikir þann 1. okt.  Skiljanlega.  Nema þeir vilji mótmæla með fólkinu og það væri frábært.   Gríðarlegur munur er á friðsömum mótmælendum og skríl, DoctorE.  Hver ætli taki mark á SKRÍL sem kastar grjóti í lögreglumenn og hús??