Niðurlæging ríkisstjórnarinnar

Ríkisstjórnin nýtur stuðnings 26% þjóðarinnar en 74% eru henni andvíg. Ekki þurfa þessar niðurstöður að koma nokkrum á óvart, því að sjálfsögðu uppsker stjórnin eins og hún sáir.

Almenningur finnur á sjálfum sér og heimilisbuddunni að ástandið fer síst skánandi því lengra sem líður frá hruninu, þvert á það sem hefði átt að gerast og allir reiknuðu með.

Hagvöxtur er enginn, atvinnuleysi mikið, fólksflóttinn heldur áfram, heimilin að kikna undan skuldavanda og sjá ekki fram á að atvinnuástand batni á næstu misserum og þar með lítil von um tekjuaukningu og ríkisstjórnin hreinlega berst með kjafti og klóm gegn hvers konar atvinnuuppbyggingu og vinnur þar með að því að dýpka og lengja kreppuna.

Ríkisstjórnin nýtur álíka lítils fylgis meðal þjóðarinnar og skrípaborgarstjórinn Jón Gnarr nýtur meðal Reykvíkinga.

Það ætti hverri ríkisstjórn að þykja hámark niðurlægingar sinnar.

Ríkisstjórnin með 26% fylgi

Athugasemdir

[Elle_, 10.9.2011 kl. 00:01]

Jóhanna, gjörsamlega óhæf yfirgangspólitíkus, víkur ekki, mun ekki víkja, mun aldrei víkja, Axel Jóhann, sama hvað niðurlægingin er mikil.  Og það vissum við fyrir löngu. 

[Helga Kristjánsdóttir, 10.9.2011 kl. 11:56]

  Elle, þannig eintak hafa Íslendingar aldrei fyrr átt.

[Jón Ólafs (IP-tala skráð) 10.9.2011 kl. 13:34]

Nú er komið í ljós að sú heimska og fáfræði, norrænu velferðarstjórnarinnar og vekalýsforustunnar,að hafna því að taka verðtrygginguna, úr sambandi tímabundið eftir hrun, eins og lagt var til í okt. 2008, er nú búin að valda félagsmönnum ASÍ og öðrum landsmönnum meiri hörmungum og skaða, en fordæmi eru fyrir í Íslandssögunni.

Þetta eru einhver mestu efnahagsmistök sem gerð hafa verið á Íslandi, og þessi mistök má skrifa á ASÍ og yfir Simpansan þar á bæ.

[Agla (IP-tala skráð) 10.9.2011 kl. 14:38]

Hefur meirihlutinn alltaf rétt fyrir sér í Lýðræðisríkjum?

Hvaða mark eigum við að taka á þessari frétt?

[Axel Jóhann Axelsson, 10.9.2011 kl. 16:10]

Í lýðræðisríkjum ræður meirihlutinn hvort sem hann hefur rétt fyrir sér eða ekki. Núverandi ríkisstjórn situr í krafti meirihluta kjósenda, eins og hann var á sínum tíma þegar hún var kosin.

Þrátt fyrir að meirihlutinn vilji núna losna við hana, er það því miður ekki hægt þar sem hún var kosin til frögurra ára, nema hún segi af sér sjálfviljug.

Vonandi gerir hún það og því fyrr, því betra.

[Agla (IP-tala skráð) 10.9.2011 kl. 17:05]

Þakka þér svarið Axel Jóhann. Mig grunaði að í lýðræðislegum kosningum réði meirihlutinn  og hans væri því valdið að kosningum loknum , hvort sem hann "hefði rétt fyrir sér eða ekki".

Ég er enn ekki með það á hreinu hvaða mark eigi að taka af birtingum skoðanakannana af þessu tagi. Það hefur hvarflað að mér að hugsanlega séu þær gerðar og niðurstöðurnar birtar í  "annarlegum" tilgangi.