Er Össur algerlega að tapa sér í ESBörvæntingunni?

Alla tíð hefur verið talið að erfiðustu málin í viðræðunum um innlimun Íslands, sem útkjálkahrepps í væntanlegt stórríki ESB yrðu landbúnaðar - og sjávarútvegsmál, enda voru fyrirvarar í samþykki Alþingis um að yfirráðarétturinn yfir tvöhundruðmílna fiskveiðilögsögunni yrði alfarið í höndum Íslendinga og allar ákvaranir um veiðar innan hennar teknar af íslenskum ráðamönnum.

Í viðtali við Euronews leyfir Össur Skarphéðinsson, utanríkisráðherra, sér að gefa út þá yfirlýsingu að Íslendingar þurfi nánast ekkert að ræða fiskveiðistjórnun við ESB, enda séu slík smámál bara hluti af sjálfstæðisbaráttu þjóðarinnar og því úrelt. Það er nokkuð rétt hjá ráðherranum að baráttan um yfirráð fiskveiðiauðlindarinnar var lokaáfanginn í baráttunni fyrir fullu sjálfstæði þjóðarinnar og það má Össur vita, og kommisarafélagar hans innan ESB, að þjóðin er hreint ekki tilbúin til að gefa nokkuð eftir af sjálfstæði sínu og fullveldi, til að uppfylla drauma Össurar og fleiri slíkra um kommisaraembætti í Brussel.

Á meðan innlimunarviðræðum verður ekki hætt, er algerlega forkastanlegt að æðsti maður utanríkismála á Íslandi skuli gefa viðmælendum sínum önnur eins vopn í hendur og Össur gerir í þessu viðtali. Annar eins afleikur hefur varla sést í nokkrum "samningaviðræðum" í háa herrans tíð og á sér líklega ekki samsvörun í neinu öðru en fyrri ummælum Össurar sjálfs um þessi mál.

Björn Bjarnason, fyrrverandi ráðherra, gerir þessum ótrúlega afleik Össurar góð skil í pisli í dag og er ástæða til að benda öllum á að lesa hann. Pistil Björns má sjá Hérna

Þurfum ekki sérstaka undanþágu

Athugasemdir

[Ólafur Ingi Hrólfsson, 3.7.2011 kl. 15:45]

Nei ágæti Axel hann tapaði sér fyrir löngu - núna er geðveikin hinsvegar að taka völdin hjá honum ö það þarf stofnun fyrir hann og gnarr þar sem þeir geta barbapabbast saman í ímynduðum múmínsæluríki  Evrópusinna.

[Vilhjálmur Stefánsson, 3.7.2011 kl. 21:08]

það eru sumarfrí á Geðdeildonum,það verður að vera fullmannað þegar Össur legst inn....

[Brynjar (IP-tala skráð) 4.7.2011 kl. 09:31]

Er þetta bara ekki hárrét hjá Össuri.  Evrópusambandið hefur enga veiðihefð á Íslandsmiðum og fær því engan kvóta. 

[Axel Jóhann Axelsson, 4.7.2011 kl. 22:02]

Hvað kallar þú veiðihefð, Brynjar. Margar ESBþjóðir stunduðu veiðar við Ísland í nokkur hundruð ár, áður en landhelgin var færð út í 200 mílur.

Ætli þær myndu ekki benda á þá veiðihefð, ef svo illa færi að samþykkt yrði að gera Ísland að útnárahreppi í væntanlegu stórríki ESB?

[Brynjar (IP-tala skráð) 5.7.2011 kl. 08:41]

Þetta er útúrsnúningur hjá þér og þú veist örugglega betur.