Öfgar eyða ekki tóbaksnotkuninni

Fáránlegt frumvarp Sivjar Friðleifsdóttur og fleiri furðufugla á Alþingi um að sala á tóbaki verði einungis leyfð í apótekum og þá eingöngu gegn framvísun "lyfseðils" frá lækni, hefur að vonum vakið athygli erlendis og er ekki að efa að lesendur Guardian hafi legið í hláturkrampa í dag, eftir að hafa lesið umfjöllun blaðsins um þennan brandara.

Furðulegt má þó heita að blaðið skuli fjalla um málið núna, enda var það hlegið út af borðinu hér á landi strax og það var lagt fram, en að vísu segir margur brandarakallinn ennþá frá frumvarpinu, þegar hann vill vera verulega fyndinn.

Öfgar og vitleysa, eins og kemur fram í þessu svokallaða frumvarpi, leysa aldrei nokkurn vanda, en skapa hins vegar fjölda vandamála í stað þeirra sem þeim er ætlað að lækna, fyrir utan að upphaflega vandamálið helst yfirleitt óleyst.

Fram kemur í umfjöllun Guardian að fyrir tuttugu árum hafi 30% Íslendinga reykt daglega, en nú noti aðeins 15% landsmanna tóbak dags daglega. Þessi minnkun sýnir að fræðsla og áróður, á jákvæðum nótum, skilar sér í stórminnkaðri notkun tóbaks og því gjörsamlega glórulaust að láta sér detta aðra eins vitleysu í hug og Siv Friðleifsdóttir og ruglfélagar hennar létu sér sæma að bera fram á Alþingi og gera það með þeim formerkjum að mark yrði tekið á.

Alþingi ætti að sjá sóma sinn í að sinna nauðsynjamálunum almennilega og láta allan fíflagang lönd og leið.

Guardian fjallar um tóbaksfrumvarp

Athugasemdir

[Vilhjálmur Stefánsson, 4.7.2011 kl. 22:20]

Var ekki Össur Skarphéðinsson búinn að útvega Siv vinnu hjá ESB í Brussel?

[Helga (IP-tala skráð) 4.7.2011 kl. 23:52]

Fífl eru og verða alltaf fífl

[EHJ (IP-tala skráð) 5.7.2011 kl. 11:14]

Áhugaverðar tölur sem eru nefndar þarna, ef bara fyrir það að árið 1991 þá voru íslendingar um 260 þús en eru í dag um 320 þús og 30 % af 260 þús er 78 þús og 15 % af 320 þús er 48 þús. þar af leiðandi hefur reykingamönnum fækkað um 30 þúsund á 20 árum eða þá að sá fjöldi vill ekki viðurkenna að þeir noti tóbak, nú eða þá að það sé beggja blands.