Svandís bregst ekki í bannáráttunni

Íslenskur liðþjálfi í norska hernum hefur komið hingað til lands a.m.k. í tvígang til að kynna Verkfræðiháskóla norska hersins, en standist menn innökupróf í hann, er þeim boðin ókeypis skólaganga gegn því að innrita sig í herinn að námi loknu.

Einhverjir afturhaldsseggir fundu eldgamla klausu í hegningarlögum, sem bannar að hér á landi fari fram ráðningar í erlenda heri og þó erfitt sé að sjá að kynning á háskóla erlends hers falli undir þessa hegningarlagagrein, þá hafa allir bannóðir vinstriliðar gripið í þetta hálmstrá til að fordæma þessa framhaldsnámskynningu í menntaskólum landsins.

Eins og við var að búast rauk Svandís Svavarsdóttir, settur menntamálaráðherra, í fjölmiðla með þau skilaboð að hún myndi umsvifalaust skrifa hverjum einasta framhaldsskólastjóra landsins bréf og benda þeim á þessa grein hegningarlaganna og með því gefa í skyn að þeir verði kærðir, leyfi þeir íslenska liðþjálfanum í norka hernum að stíga inn fyrir dyr skóla sinna framar.

Minna bannóður ráðherra hefði gefið út yfirlýsingu um að þessi grein hegningarlaganna væri löngu úrelt og ætti alls ekki við um þetta mál, en til að taka af öll tvímæli myndi hann flytja frumvarp strax í haust til að afnema þessa tímaskekkju.

Slíkur ráðherra finnst hins vegar ekki i VG og trúlega ekki í Samfylkingunni heldur.

Herkynningar verði bannaðar

Athugasemdir

[Guðrún (IP-tala skráð) 15.6.2011 kl. 23:29]

Mig minnir að þessi ráðherra hafi verið að brjót lög um daginn Henni fannst það nú allt í lagi.

[Sævarinn (IP-tala skráð) 16.6.2011 kl. 00:40]

Hér var nákvæmlega engin glæpur framin, hér var ekki verið að ráða einn né neinn í erlendan her, einfaldlega kynning á námsleiðum í boði og fólki fullkomlega í sjálfvald sett að segja "nei takk" eða "já takk" svo þessi 114. grein almennra hegningarlaga fellur ekkert undir þetta. Það sem fer í taugarnar á mér er þessi helvítis forræðishyggja vinstri stjórnar afskiptasemi alltaf hreint, pólitíkusar, misgáfaðir og jafn vel svo heimskir að þeir eru móðgun við heimskt fólk, tala með afturendanum og tala líka í hringi og í mótsögn við sig. Það er haldin kynning á námsefni, sem er frítt og í boði Norska hersins, langi þig til að skoða þann möguleika ferð þú til Noregs, alveg ópíndur og gerir samning, alveg ópíndur og enginn sem miðar byssu að hausnum að þér og krefst þess að þú skrifir undir. Þetta er frábær valkostur sem ég hefði glaður skoðað á sínum tíma, fá frítt nám, læra aga (sem stórvantar í heimtufrekar Cocoa Puffs, PS1/PS2/PS3 kynslóðir á Íslandi), herþjálfun (Boot Camp) og ráða því algerlega hvort maður vill eða vill ekki berjast í stríði.

[Axel Jóhann Axelsson, 16.6.2011 kl. 01:46]

Reyndar skrifa menn ekki undir neitt, nema þeir standist inntökupróf í skólann. Þá fyrst er þeim boðinn samningur um skólavistina og herþjónustu að henni lokinni, þannig að ekki er gegnið frá neinni ráðningu til hernaðarstarfa hérlendis. Slíkur samningur er sem sagt gerður úti í Noregi að öllum skilyrðum uppfylltum.

Auðvitað brýtur þetta ekkert í bága við þessa hegningarlagagrein og allt málið sýnir svart á hvítu hræsnina í vinstra liðinu, sem samþykkir og stendur að innrás í Líbíu og manndrápum þar, en fer svo á límingunum yfir skólakynningum.

[Viðar Friðgeirsson, 16.6.2011 kl. 11:08]

Vil taka undir með ykkur og sérstaklega þetta; "þessi helvítis forræðishyggja vinstri stjórnar afskiptasemi alltaf hreint, pólitíkusar, misgáfaðir og jafn vel svo heimskir að þeir eru móðgun við heimskt fólk".

Þessi forræðisárátta er orðin stórfellt áhyggjuefni venjulegu fólki, en kanski erum við ekki venjulegt fólk heldur fífl sem hafa verður vit fyrir og ekki bara í þessu máli heldur á öllum sviðum. Boð og bönn eru ær og kýr þessarar ríkisstjórnar og fáránleikinn virðist engan enda ætla að taka. Að skila erlendu klinki ef eitthvað skyldi nú vera eftir af naumt skömmtuðum gjaldeyri að viðlögðum fangelsisdóm er eitt dæmið um fáránleikann. Skyldi Steingrímur vera búinn að koma netlöggunni á koppinn? Ætli sé byrjað að njósna um hvað við erum að sýsla á netinu?

Það eru að verða síðustu forvöð að koma þessu liði frá og helst út úr þinghúsinu til frambúðar.