Lélegir ökumenn

Ekki er hægt að segja að það komi á óvart, að við talningu lögreglunnar hafi komið í ljós að minnihluti ökumanna noti stefnuljós, því allir sem ekið hafa á Íslandi vita að í umferðinni þar ber sáralítið á nokkurri kunnáttu í einföldustu umferðarreglum.

Sárafáir virðast vita til hvers stefnuljósin eru og enn færri að í landinu sé hægri umferð, en í því felst að keyrt er að jafnaði á hægri akrein, þar sem fleiri akreinar eru en ein, og að þær sem til vinstri eru, séu til þess að taka fram úr þeim bílum sem hægar er ekið.

Hvergi erlendis þekkist að tekið sé fram úr öðrum bíl á hægri akrein, heldur eru flautur þeyttar ef einhver tréhestur er á ferðinni á vinstri akrein og fer hægar en umferðin á þeirri hægri. Í nágrannalöndum er það einnig undantekningarlítil regla að sé gefið stefnuljós og með því gefið í skyn að áhugi sé á að skipta um akrein, þá hægir önnur umferð á sér umsvifalaust og sá sem þarf að beygja getur gert það hindrunarlaust og án erfiðleika.

Hér á landi ríkir sama agaleysis í umferðinni og viðgengst á flestum öðrum sviðum, enda erum við Íslendingar kóngar allir sem einn og teljum að öðrum komi ekki mikið við hvað við gerum eða hvert við förum.

Minnihluti notar stefnuljós

Athugasemdir

[Maria (IP-tala skráð) 8.2.2011 kl. 19:47]

Islandani jsou nejhorsi a nejarogantnejsi ridici

[Axel Jóhann Axelsson, 8.2.2011 kl. 19:56]

Je to zcela v pořádku, Maria

[Sigurður I B Guðmundsson, 8.2.2011 kl. 20:14]

Áttu orðabók?!!  Annars hélt ég að þú værir að lýsa hátterni ríkisstjórnarinnar myndrænt.

[Bergljót Gunnarsdóttir, 9.2.2011 kl. 02:02]

Illa forvitin, fæ ég nokkuð þýðingu?

Annars langaði mig að minnast á þá ökumenn sem vilja vera svo elskulegir að hleypa fólki yfir götuna þar sem eru tvær akreinar og stoppa þeim megin sem fólkið er. Það grípur gjarnan um sig gleði hjá þeim sem á að hleypa og hann eða hún flýtir sér af stað, en verður í mörgum tilfellum nærri fyrir bíl sem kemur á hinni akreininni. Stundum verða stórslys með þessum hætti.

[Axel Jóhann Axelsson, 9.2.2011 kl. 13:55]

María er að taka undir að íslenskir ökumenn séu óttalegir böðlar í umferðinni og ég geri ekki annað en að jánka því.