Össur hefur sjálfur valdið meiri skaða en "níumenningarnir"

Össur Skarphéðinsson, ESBráðherra, sagði sem vitni fyrir dómi í máli "níumenninganna" að hann hefði á þingferlinum heyrt meiri hávaða í þinghúsinu en þeir og félagar þeirra ollu með látum sínum daginn sem þeir voru handteknir.

"Níumenningarnir" eru reyndar ekki fyrir rétti vegna hávaðamengunar í þinghúsinu, heldur fyrir líkamsmeiðingar og atlögu að sjálfstæði Alþingis og hefði getað framið þá meintu glæpi steinþegjandi og hljóðalaust og jafnvel án þess að Össur yrði þess var.

Össur réðst sjálfur inn í þinghúsið með ólátum þegar hann var í Háskólanum, en hafði svo sem engin áhrif með þeim hávaða sem hann og félagar ollu þá, en núna eftir að hann er sjálfur orðinn þingmaður og ráðherra hefur hann valdið þjóðinni meiri skaða og dýrari heldur en "níumenningarnir" og allir félagar þeirra hafa haft aðstöðu til að valda.

ESBráðherrann, Össur, vinnur að því öllum árum að ljúga og véla landið og þjóðina inn í stórríki Evrópu og leyfir sér að eyða milljörðum króna af eignum þjóðarinnar í þá svikastarfsemi. Ekki finnst þeim ríkisstjórnarfélögum nóg að gert með slíku óhæfuverki, heldur kóróna allt saman með því að vinna öllum árum að því að selja landa sína í skattaþrældóm til áratuga í þágu útlendinga sem blóðhefnd fyrir glæpi Landsbankamann með Icesavessvikin.

Mál "níumenninganna" er hjóm eitt í samanburði við misgjörðir Össurar og ríkisstjórnarinnar í heild og innan ekki allt of langs tíma hljóta þessir ráðherrar að þurfa að svara fyrir gerðir sínar fyrir Landsdómi, eins og þeir hafa sjálfir gefið fordæmi um í málum annarra ráðherra.

Heyrt meiri hávaða úr ræðustól

Athugasemdir

[Pétur Sig, 19.1.2011 kl. 15:31]

Það stendur hér til vinstri að þú líðir ekki persónulegt skítkast og níð um menn og málefni, líttu þér nær drengur. Öll þessi bloggfærsla er persónuníð um hann Össur.

ESB er auk þess hið besta mál og þetta innlimunarpíp í Evrópska stórríkið er algjör þvæla satt að segja.

[Axel Jóhann Axelsson, 19.1.2011 kl. 15:42]

Þetta er ekkert níð um Össur, heldur gagnrýni á hans störf. Maður í hans stöðu verður að vera viðbúinn gagnrýni, ekki síst þegar viðkomandi bæði reynir að ljúga og svíkja sína eigin þjóð í hverju stórmálinu á fætur öðru.

[Pétur Sig, 19.1.2011 kl. 15:46]

Gagnrýni þín er ekki málefnaleg, hún er gífuryrði og brigsl um lygar og sviksemi. Það er víst níð.

[Axel Jóhann Axelsson, 19.1.2011 kl. 16:04]

Það er kannski ekki nema von að aðdáendum Össurar þyki það níð að benda á svik hans við þjóðina í Icesave og ESB málum. Sannleikanum verður hver sárreiðastur.

Til að losna við gagnrýni á þessar glæpsamlegu athafnir sínar er eina leiðin að snúa af villu síns vegar og fara að vinna með hag þjóðarinnar í fyrirrúmi.