Skýtur sendiboðann í sáttaskyni

Steingrímur J. hefur alveg örugglega rétt fyrir sér þegar hann segist hafa verið að stunda vandaða stjórnsýslu, þegar hann sendi "einkapóst" til félagsmálaráðherra með kröfu um frágang á skaðabótagreiðslu til meðferðarheimilisins Árbótar, sem fyrir algera tilviljun er staðsett í kjördæmi fjármálaráðherrans.

Steingrímur J. sagði m.a. í umræðu um málið á Alþingi. "Það er svo önnur saga hvernig sá einkapóstur milli okkar félagsmálaráðherra er allt í einu kominn í blöðin, að því er virðist í gegnum Barnaverndarstofu. Það er örugglega þeirra framlag til að reyna að skapa sátt og frið um þennan málaflokk."

Það er örugglega framlag Steingríms J. til að reyna að skapa sátt og frið við guð og menn að skjóta sendiboðann og senda sprengju inn á Barnaverndarstofu. 

Sakar Barnaverndarstofu um að leka póstunum

Athugasemdir

[Sigurður Haraldsson, 22.11.2010 kl. 23:01]

Sælir já hvenær eigum við að fara moka út skítnum í gráa húsinu við Austurvöll? Þurfum að vera vel útbúinn með gasgrímur og hanska vegna þess að fnykurinn þaðan er þvílíkur!

[Ólafur Ingi Hrólfsson, 23.11.2010 kl. 09:29]

Axel - þú ert ekki vinstri maður ( held ég þó ) þannig að þú skilur ekki svona stjórnsýslu.

Þetta heitit að hafa allt uppi á borðinu og gegnsæ stjórnsýsla.

Þ.e. gegnsæ ef þú ert ofaní pyttinum sjálfur og hann í stóru íláti á þínu eigin borði.

Ég fattaði þetta fyrir margt löngu.

Afgreiðsla þessa máls er dæmigerð fyrir vinnubrögð stjórnarinnar - sbr. Icesave - Viljayfirlýsinguna - launamál Seðlabankastjóra - ráðningu forstjóra Íbúðarlánasjóðs o.fl.

[Axel Jóhann Axelsson, 23.11.2010 kl. 09:46]

Ólafur, bæði í þessu máli og Icesave, a.m.k., hefur Steingrímur J. sagt að hann hafi ekki þurft nein lögfræðiálit, því hann hafi mest vit á öllum hlutum sjálfur.  Hann eyddi t.d. löngum tíma í Kastljósi í fyrra, eftir undirritun Svavarssamningsins, í að mótmæla ýmsum lögfræðiálitum sem sögðu að Íslendingar ættu ekki að borga Icesave, og sagðist vera búinn að fara yfir þessi álit og þau væru öll vitlaus að SÍNU mati.

Þegar Steingrímur J. kemst að SINNI niðurstöðu, þarf ekki að bera hana undir aðra, því sá maður er ekki til, sem hefur betra og meira vit á hlutunum, en hann.