Beiðni til frambjóðenda til Stjórnlagaþings og þeirra, sem til þekkja

Vinsamlega bendið mér á frambjóðendur til Stjórnlagaþings, sem munu leggja til, eða styðja, að algert bann verði sett í stjórnarskrána við fullveldisafsali til yfirþjóðlegra stofnana eða erlendra ríkja.

Athugasemdir

[Elín Erna Steinarsdóttir, 18.11.2010 kl. 17:15]

Ég vil að í stjórnarskrána komi ákvæði um að Íslands sé frjálst og fullvalda ríki og mér finnst alveg fráleitt að fara að undirbúa stjórnarskrána með einhverjum hætti undir aðild að ESB eða annarra ríkjasambanda. Það liggur ekkert fyrir að Íslendingar vilji ganga í slík ríkjasambönd.

Kveðja

Elín Erna Steinarsdóttir

6681

[Jón Valur Jensson, 18.11.2010 kl. 18:39]

Mér er ánægja að því, Axel Jóhann, að geta nefnt hér eftirfarandi 14 samherja um fullveldisréttindi Íslands (tenglarnir við nöfn þeirra eða númer vísa til vefsíðna þeirra). Vonandi bætast enn fleiri við innan skamms!

• Alvar Óskarsson, eldri borgari, skeleggur á Útvarpi Sögu, auðkennistala í kosningunni: 6549.

• Axel Þór Kolbeinsson tölvutæknir, Hveragerði, situr í bráðabirgðastjórn Samtaka fullveldissinna, auðkennistala: 2336.

• Baldur Ágústsson, fyrrverandi forsetaframbjóðandi og flugumferðarstjóri, auðkennistala: 5031. Mikill fullveldissinni. Talar reglulega í Útvarpi Sögu á fimmtudögum kl. 12.40–13.00.

• Benedikt Garðar Stefánsson flugvirki, auðkennistala: 6098. Hann ritar: "Ég er á móti aðild að Evrópusambandinu á þessum tímamótum og tel að það þurfi að fara yfir alla samninga við önnur lönd."

• Elín Erna Steinarsdóttir leikskólastjóri, auðkennistala: 6681. Hún ritar HÉR: "Ég vil að í stjórnarskrána komi ákvæði um að Íslands sé frjálst og fullvalda ríki og mér finnst alveg fráleitt að fara að undirbúa stjórnarskrána með einhverjum hætti undir aðild að ESB eða annarra ríkjasambanda. Það liggur ekkert fyrir að Íslendingar vilji ganga í slík ríkjasambönd."

• Frosti Sigurjónsson rekstrarhagfræðingur, auðkennistala: 5614.

• Dr. Mikael Marlies Karlsson, prófessor í heimspeki, auðkennistala: 3194.

• Pétur Gunnlaugsson lögfræðingur, hinn góðkunni dagskrárgerðarmaður á Útvarpi Sögu, auðkennistala: 2292.

• Sigurbjörn Svavarsson rekstrarfræðingur, Mosfellsbæ, situr í bráðabirgðastjórn Samtaka fullveldissinna, auðkennistala: 4679.

• Sturla Jónsson vörubílstjóri, virkur talsmaður mótmælenda á Austurvelli, auðkennistala: 7957.

• Tryggvi Gíslason málfræðingur, fyrrverandi skólameistari Menntaskólans á Akureyri, auðkennistala: 6428.

• Vilhjálmur Andri Kjartansson háskólanemi, auðkennistala: 7418. – Hann skrifar: "Stöndum vörð um fullveldið: Framsal á fullveldi er skerðing á sjálfsákvörðunarrétti komandi kynslóða. Slík ákvörðun verður að njóta stuðnings aukins meirihluta þjóðarinnar í þjóðaratkvæðagreiðslu."

• Þorsteinn Arnalds verkfræðingur (sjá auglýsingu í Mbl. 10. nóv., bls. 13: 'Verjum fullveldið'), auðkennistala: 2358.

• Og ég, Jón Valur Jensson, guðfræðingur og prófarkalesari, er með auðkennisstafina 8804. Hér er DV-stjórnlagavefsvæðis-greinayfirlit mitt. (nú þegar með 14 pistlum; smellið á tengilinn eða aðra tengla hér!

[Bergljót Gunnarsdóttir, 18.11.2010 kl. 19:35]

Er með tvo á listanum hjá mér!!!!!!!!

[Axel Jóhann Axelsson, 18.11.2010 kl. 20:20]

Elín, ég þakka þér svarið og þér, Jón Valur, færi ég kærar þakkir fyrir þennan lista, sem þú setur hérna inn. Hann mun gagnast vel við að raða saman lista yfir þá frambjóðendur, sem kjósa skal.

Það eina sem vekur undrun er, að ekki skuli fleiri hafa svarað þessu ákalli mínu, því frambjóðendurnir eru rúmlega fimm hundruð og ekki verður því trúað að flestir þeirra séu samþykkir því, að rýmka möguleika Samfylkingarinnar til að véla landið inn í stórríki Evrópu.

Vonandi eiga einhverjir eftir að gefa upplýsingar um fleiri föðurlandsvini í hópi frambjóðendanna.

[Sigurjón, 18.11.2010 kl. 23:08]

Haukur Nikulásson, númer 8518.

[Helga Kristjánsdóttir, 19.11.2010 kl. 01:24]

  Jón Valur er með góðan hóp,ég vil nefna Garðar Ingvarsson 4063

[sigurbjörn Kjartansson (IP-tala skráð) 19.11.2010 kl. 07:30]

ég mun kjósa einhverja úr þessum hópi.Það er alger nauðsyn að stjórnarskráin verji fullveldi Íslands

[Kjartan Sigurgeirsson, 19.11.2010 kl. 08:36]

Ég á ekki von á að hægt sé að setja skilyrðislaust bann við afsali fullveldis, en það ætti að vera lafhægt að setja skilyrði fyrir því að það verði borið undir þjóðina í bindandi kosningu. Nái ég kosningu getur þú treyst því að ég mun leggja allt mitt í að afsal, hvort sem er fullveldis, auðlinda eða hverra annarra eigna þjóðarinnar verði borið undir þjóðina.

Kjartan Sigurgeirsson,  frambjóðandi #4998

[Axel Jóhann Axelsson, 19.11.2010 kl. 08:48]

Ég þakka svörin og þau munu nýtast núna þegar farið verður í að raða saman lista yfir þá sem settir verða á kjörseðilinn.  Þar munu fullveldissinnar verða í forgangi.