Stefna þjóðarinnar er alveg ljós

Ögmundur Jónasson leggur út af ummælum Þorsteins Pálssonar um að ríkisstjórnin geti ekki komið fram klofin í aðlögunarferlinu að ESG og segir Ögmundur að stefnan verði að vera ljós, um hvort Alþingi hafi samþykkt umsókn að ESB, eða aðlögun að sambandinu.

Ef eitthvað er óljóst varðandi atkvæðagreiðsluna á Alþingi, er vilji þjóðarinnar algerlega ljós og verður ekki dreginn í efa, enda hafa ótal skoðanakannanir staðfest þann vilja.

Þjóðin vill ekki aðlögun eða inngöngu í ESB og því væri skynsamlegast af Alþingi að hætta við málið og spara þá milljarða, sem annars færu í súginn.

Stefnan þarf að vera ljós

Athugasemdir

[Aðalsteinn Agnarsson, 17.11.2010 kl. 21:55]

Axel, mætum á Austurvöll fimmtud. 18. kl. 14.00, biðjum Alþingi um, frjálsar handfæra veiðar,

sem leysa fátæktar og atvinnu vanda Íslendinga!

[Arinbjörn Kúld, 17.11.2010 kl. 22:44]

Nú er það já, flestir sem ég tala við og þeir eru margir vilja klára viðræður, sjá samning og greiða svo atkvæði. Engin ætti að taka þann rétt frá þjóðinni úr því málið er farið af stað.

Kveðja að norðan.

[Hrólfur Þ Hraundal, 17.11.2010 kl. 23:07]

Það hefur einhver pestargemlingur á leið um norður landið þar sem þú þefar Hr. Kúld, en hans hefur ekki en orðið vart hér á vesturlandi enda telja menn að betra sé að halda heilsugæslunni gangandi hér á Íslandi því þjóðverjar og Frakkar bjargi sér alveg sjálfir.    

[Einar Solheim, 17.11.2010 kl. 23:19]

Hrólfur - verður þessi leið í ESB stöðvuð þá get ég lofað þér að þið haldið engri heilsugæslu gangandi... Næstum því þess virði að stöðva ESB viðræður, sjá landið sökkva enn dýpra, bara til að geta híað á þig og aðra og sagt "I told you so".

[Arinbjörn Kúld, 17.11.2010 kl. 23:35]

Þakka þér fyrir hlý orð hr. Hraundal og málefnaleg.

Kveðja að norðan.

[hilmar jónsson, 17.11.2010 kl. 23:49]

Er þá ekki rétt og eðlilegt að þjóðin fái að segja álit sitt í þjóðaratkvæðagreiðslu Axel ?

[Ívar Pálsson, 18.11.2010 kl. 00:35]

Það stefnir réttilega í þjóðaratkvæðagreiðslu um aðlögunarferlið sjálft eða ekki: Spurt verði, á að draga ESB- umsóknina til baka nú þegar eða að halda henni áfram til loka?

Þá getum við farið að sinna öðrum veigameiri þáttum.

[Guðmundur (IP-tala skráð) 18.11.2010 kl. 01:32]

Ég tel að rétt sé að klára samningaferlið, fá niðurstöðu og leyfa þjóðinni þá að mynda sér skoðun.

En varðandi lagabreytingar vegna aðlögunar þá er rétt að benda á að nú þegar eru u.þ.b. 70% af regluverki okkar aðlagað að regluverki ESB vegna aðildar okkar að EES samningnum. Það hefur m.a. þurft lagabreytingar til að fræmkvæma margt af þessu.

[Hörður Sigurðsson Diego, 18.11.2010 kl. 01:58]

Hvað er þetta ESB?

[Axel Jóhann Axelsson, 18.11.2010 kl. 09:41]

Hilmar, ég er það mikið fylgjandi þjóðaratkvæðagreiðslum, að ég var á þeirri skoðun að bera ætti undir þjóðina á sínum tíma, hvort yfirleitt skyldi farið út í aðlögunarviðræður við ESB eða ekki.  "Lýðræðiselskandi" stuðningsflokkar ríkisstjórnarinnar felldu í atkvæðagreiðslu á Alþingi, að þjóðin fengi að segja sitt álit á málinu.

Úr því sem komið er hljóta allir sannir stuðningsmenn þjóðaratkvæðagreiðslna að styðja þá tillögu, að þjóðin fái að segja álit sitt á áframhaldandi aðlögun að ESB, eða hvort henni skuli hætt.  Ertu ekki sammála því, Hilamar?

[hilmar jónsson, 18.11.2010 kl. 17:27]

Ég vil sjá skýrt hvað er í boði Axel, taka síðan ákvörðun.