Þingræði, ráðherraræði eða embættismannaræði?

Hér á landi hefur þróunin verið á þann veg að ríkisstjórnin stjórni Alþingi, en ekki öfugt eins og stjórnarskráin segir fyrir um.  Samkvæmt stjórnarskránni skal Alþingi setja landinu lög og skipa ríkisstjórn til að sjá um verklegu hliðina á lögunum, þ.e. að sjá til þess að embættismennirnir og kerfið í heild framfylgi þeim lögum, sem þingið setur.

Þingmennirnir hafa látið það yfir sig og Alþingi ganga, að verða lítið annað en stimpilpúði á lagafrumvörp sem frá embættismönnum koma í gegn um ráðherrana og sárafá, ef nokkur, þingmannafrumvörp eru samþykkt á Alþingi og alls ekki ef þau koma frá stjórnarandstöðuþingmönnum.

Nú hafa þingmenn allra flokka, annarra en VG, tekið sig saman um að flytja frumvarp til laga um þátttöku ríkissins í kosntanði við hafnargerð í Helguvík, en nokkuð er víst að ríkisstjórnin mun fyrirskipa forseta Alþingis og formönnum nefnda, að tefja frumvarpið og þvæla, svo það muni daga uppi í þinglok og enga afgreiðslu hljóta.  Það yrði mikil niðurlæging fyrir Alþingi og endanleg sönnun þess að hér ríki ráðherraræði en ekki þingræði.

Ef frumvarp, sem flutt er af meirihluta þingmanna, verður kæft og tafið svo lengi að það fáist ekki afgreitt, væri nánast hægt að leggja Alþingi niður og taka hér upp algert embættismannaræði.

Ríkið borgi 700 milljónir

Athugasemdir

[Sigurður Haraldsson, 11.10.2010 kl. 09:31]

Sæll það er á hreinu að þarna innan veggja er ekki lýðræði!

[Ólafur Ingi Hrólfsson, 11.10.2010 kl. 09:32]

Það verður varla liðið að stjórnin svæfi eða tefji þetta mál -

eðlilegt að VG sé á móti - þetta er jú á Suðurnesjunum.

[Axel Jóhann Axelsson, 11.10.2010 kl. 09:43]

Þetta verður sönn prófraun fyrir þingræðið.

[útlitseftiritið (IP-tala skráð) 11.10.2010 kl. 10:32]

Axel ert þú með yfirvaraskegg?

[Bergljót Gunnarsdóttir, 11.10.2010 kl. 10:40]

Mikið asskoti ratast þér oft  rétt á munn, þegar þú ert ekki að skrifa um dýrð og dásemdir Sjálfstæðisflokksins

[Elle_, 11.10.2010 kl. 11:11]

Það er alveg óþolandi hvað alþingi leyfir ráðherrum að komast upp með að valta yfir löggjafarvaldið.  Flokkspólitískur forsetinn og ráðherrar eru stórt vandamál og ættu ekki að vinna í alþingi.

[Axel Jóhann Axelsson, 11.10.2010 kl. 13:22]

Það verður að skerpa línurnar á milli framkvæmdavalds og löggjafavalds.  Nú er framkvæmdavaldið jafnvel farið að skipta sér af löggjafavaldinu með yfirlýsingu Ögmundar um að fara þurfi ofan í úrskurði dómstóla vegna nauðgunarmála.  Ráðherrarnir virðast alls ekki gera sér grein fyrir takmörkunum á valdi sínu.

[útlitseftirlitið (IP-tala skráð) 11.10.2010 kl. 14:24]

Við verðum að vita þetta áður en lengra er haldið.

[Axel Jóhann Axelsson, 11.10.2010 kl. 14:35]

Þú þarna í athugasemd nr. 4 og 8, farðu nú út að leika þér með hinum börnunum.  Þú hlýtur að geta fundið einhverja til að leika við þig, að minnsta kosti þegar krakkarnir koma heim af leikskólunum.