Vegir Samfylkingarinnar eru fyrirsjáanlegir

Ásta Sigrún Helgadóttir, sem hefur starfað sem forstöðumaður Ráðgjafarstofu heimilanna í sjö ár, var við nafnabreytingu á stofnuninni ekki talin jafn hæf til að gegna nafnabreyttri stöðu sinni áfram, eins og dyggur, en atvinnulaus Samfylkingarmaður, sem þó hafði enga reynslu af sambærilegu starfi.

Runólfur Ágústsson, sem ráðinn var í starfið hafði hins vegar þá reynslu af fjármálum, að afskrifa hefur þurft hálfan milljarð vegna fyrirtækis, sem hann stofnaði og rak um skeið og á meðan hann var rektor Háskólans á Bifröst fóru fjármál skólans verulega úrskeiðis og þurfti Runólfur að fara úr því starfi vegna þeirra mála og reyndar annarra og persónulegra deilumála.

Enga slíka reynslu hafði Ásta Sigrún, en hafði hins vegar mikla reynslu af vinnu í félagslega kerfinu og eins og áður sagði, gengt þessu starfi um sjö ára skeið, áður en nafni stofnunarinnar og titli forstöðumannsins var breytt, til þess að gefa Árna Páli, félagsmálaráðherra, frjálsari hendur til að skipa "sinn" mann í stöðuna.

Þar sem reynsla beggja af skuldamálum virðist hafa verið talin jafnstæð, hafa jafnréttissjónarmið, sem ríkisstjórnin þykist berjast fyrir, áreiðanlega ráðið úrslitum um ráðininguna, enda sjá allir hvílíkt misrétti felst í því, að láta það viðgangast lengur að kona skuli gegna slíku starfi.

Sumir vegir eru órannsakanlegir, en slíkt verður seint sagt um vegi Samfylkingarinnar.

Ætlar að krefjast rökstuðnings

Athugasemdir

[Óskar Guðmundsson, 29.7.2010 kl. 14:11]

Shit happens to dicked pussy´s

[Guðmundur Ásgeirsson, 29.7.2010 kl. 14:36]

Þetta mál er mjög afhjúpandi fyrir fúskið sem viðgengst á stjórnarheimilinu. Ég er ennþá að bíða eftir að vera tilkynnt hvort ég fái starfið eða ekki. Frétti reyndar af ráðningu Runólfs í fjölmiðlum eins og aðrir.

[Axel Jóhann Axelsson, 29.7.2010 kl. 14:56]

Guðmundur, manni fyndist nú lágmark að umsækjendum um opinber störf væri sýnd lágmarkskurteisi, en við slíku er auðvitað ekki að búast frá stjórnarherrunum, enda greinilega ekki vanir almennum umgengnissiðum, hvorki innbyrðis né hvað þá gagnvart öðrum.

[Guðmundur Ásgeirsson, 29.7.2010 kl. 16:06]

Þess má geta að hjá Hagstofunni er allt annað uppi á teningnum, þar virðast öll svona formsatriði vera til fyrirmyndar.

[Sigurbjörn Kjartansson (IP-tala skráð) 29.7.2010 kl. 17:20]

Þetta er þrælflott.Kallin er búin að fá afskrifaðar 500 milur hjá sér og getur aðstoðað restina í því sama.Enn ein snildin hjá ríkinu

[Kristinn Karl Brynjarsson, 29.7.2010 kl. 17:28]

Það má nú ekki gleyma því, að það hafði "mikið" með "hæfni" Runólfs að segja að hann hafði á lausu, nýstofnaða deildarforsetastöðu á Bifröst, þegar rýma þurfti til í þingliði Samfylkingar fyrir ISG.

[Guðmundur Ásgeirsson, 30.7.2010 kl. 01:51]

Fann bréfið með tilkynningu um ráðninguna, það var í póstkassanum sem ég var ekki búinn að athuga í tvo daga. En það er dagsett þremur dögum eftir að þetta hafði verið tilkynnt opinberlega, sem mér þykir ámælisvert.